ទឹកប្រាក់ជាង ១២ ពាន់លានដុងវិនិយោគឱ្យសមាជិកកសិករ

កសិករឃុំលឿង​ហ្វា អា ស្រុកចូវថាញ់ ធ្វើដីចុះពូជផលិតស្រូវរដូវដើមឆ្នាំ។ រូបថត៖ រតនា

ប្រភពដំណឹងពីសមាគមកសិករឃុំលឿង​ហ្វា អា ស្រុកចូវថាញ់ គិតតាំងពីដើមឆ្នាំ​ ២០២៣ ដល់ពេលនេះ ឆ្លងតាមប្រភពទុនមូលនិធិឧបត្ថម្ភ​កសិករគ្រប់លំដាប់ថ្នាក់ ឃុំលឿងហ្វា អា វិនិ យោគ ៧០០ លានដុងឧបត្ថម្ភដល់សមាជិកកសិករ ១៥ នាក់ បុលពង្រីកការផលិត ដាំដំណាំ និងចិញ្ចឹមសត្វ ជំរុញសេដ្ឋកិច្ចគ្រួសារ។ ទន្ទឹមនឹងនោះ សហការជាមួយនឹងការិយាល័យទំនាក់ទំនងធនាគារគោលនយោបាយសង្គមស្រុក ចូវថាញ់វិនិយោគទុនឧបត្ថម្ភដល់សមាជិកកសិករ ៤៨៧ នាក់ ជាមួយនឹងថវិកាជាង ១២ ពាន់លានដុង។ រួមចំណែកបង្កការងារ ធ្វើបង្កើនការផលិត។ ឆ្លងតាមនោះ រួមចំណែកជួយឱ្យសមាជិកកសិករជំរុញសេដ្ឋកិច្ចគ្រួសារ  កាត់បន្ថយភាពក្រីក្រនៅនឹងមូលដ្ឋាន។ គិតមកដល់ពេលនេះ គ្រួសារក្រីក្រក្នុងទូទាំងឃុំបានកាត់បន្ថយចុះនៅ ១៧ គ្រួ ស្រូបយកអត្រា ០,៦៤%។ ក្នុងនោះមានគ្រួសារក្រីក្រគឺ ជាសមាជិកកសិករ ០២ គ្រួ គ្រួសារជិតក្រ ៧៥ គ្រួ ស្រូបយកអត្រា ២,៨៦% ក្នុងនោះ សមាជិកកសិករស្ថិតក្នុងក្របខ័ណ្ឌជិតក្រ ០៧ គ្រួ។
ក្រៅពីនោះ សមាគមកសិករឃុំចលនាបង្កើនក្រុមសហការដោយយោងលើមូលដ្ឋានក្រុមសមាគមមុខរបរបាន ០២ ក្រុម ដោយមានសមាជិក ១៤ នាក់ចូលរួម សម្រេច ១០០% នៃផែនការ។ សមាគមសហការគ្រប់គ្រងក្រុមសេដ្ឋកិច្ចសហការ ៣២ ក្រុម ដោយមានសមាជិក ៩៥៥ នាក់ចូលរួមផលិតកសិកម្មលើផ្ទៃដី ៣២,៣ ហិកតា។
ទន្ទឹមនឹងនោះ សមាគមកសិករឃុំបានបំ ផុសចលនាប្រឡងប្រណាំងកសិករផលិត- ធ្វើអាជីវកម្មពូកែ សាមគ្គីជួយឧបត្ថម្ភគ្នាធ្វើមានធ្វើបាន។ ឆ្លងតាមការបំផុសចលនាមានសមាជិកកសិករ ៧៩៤ នាក់ ចុះឈ្មោះសម្រេច ១០០% នៃផែនការឆ្នាំ។ ក្នុងនោះមានសមាជិកកសិករ ០៧ នាក់ចុះឈ្មោះសម្រេចកិត្តិនាមកសិករ ផលិត-ធ្វើអាវកម្មពូកែថ្នាក់ខេត្ត សមាជិកកសិករ ៧១ នាក់ចុះឈ្មោះថ្នាក់ស្រុក និងសមាជិកកសិករ ៧១៦ នាក់ចុះឈ្មោះថ្នាក់ឃុំ៕       ប្រែសម្រួល៖  រតនា