ត្រាវិញ៖បង្កើតក្រុមប្រតិភូ ១៧ ក្រុមអញ្ជើញទៅសួរសុខទុក្ខ ប្រសិទ្ធពរបុណ្យតេតដល់ គ្រួសារគោលនយោបាយ និងបណ្តាអង្គភាពត្រៀមបម្រុងប្រយុទ្ធនៅក្នុងនិងក្រៅខេត្ត

           ព្រះឧបជ្ឈាយ៍ ថាច់សុខសាន្ត ប្រសិទ្ធពរបុណ្យតេតគណៈកម្មាធិការបក្សខេត្ត។ រូបថត៖ គីមឡង
* គណៈអភិបាលពុទ្ធសាសនាវៀត ណាម ខេត្តត្រាវិញ៖ ប្រសិទ្ធពរបុណ្យតេតគណៈកម្មាធិការបក្សខេត្ត
     កាលពីថ្ងៃទី ០៤ កុម្ភៈ គណៈអភិបាលពុទ្ធ សាសនាវៀតណាមខេត្តត្រាវិញចាត់តាំងក្រុមប្រតិភូ អាស្រ័យដោយព្រះឧបជ្ឈាយ៍ ថាច់សុខសាន្ត អនុប្រធានក្រុមប្រឹក្សាភិបាលពុទ្ធសាសនាវៀតណាម ប្រធានអភិបាលពុទ្ធសាសនាវៀតណាមខេត្តត្រាវិញប្រ ធានសមាគម​ព្រះសង្ឃសាមគ្គីស្នេហាជាតិខេត្តបាននិមន្ត ទៅប្រសិទ្ធពរដល់គណៈកម្មាធិការបក្សខេត្ត។ សមមិត្ត ង៉ូជីកឿង សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមប្រតិភូរដ្ឋសភាខេត្តត្រាវិញ នីតិកាលទី ១៤ អង្គភាពត្រាវិញ សមមិត្តគឹមង៉ុកថាយ អនុលេ​ខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្តទទួលបដិសណ្ឋារកិច្ចប្រតិភូ។       

      ស្ថិតនៅនឹងពិធីជួបសំណេះសំណាល ព្រះ ឧបជ្ឈាយ៍ ថាច់សុខសាន្ត មានថេរដីកាដោយក្តី រីករាយ និងប្រសិទ្ធពរក្រុមប្រតិភូតំណាងរបស់ ខេត្តត្រាវិញទើបចូលរួមសម្រេចជោគជ័យប្រសើរមហាសន្និបាតតំណាងទូទាំងប្រទេសលើក ទី ១៣ របស់បក្ស។ រួមជាមួយនឹងនោះព្រះអង្គបានជូនព័ត៌មានដល់ថ្នាក់ដឹកនាំគណៈកម្មាធិការបក្សខេត្តអំពីស្ថានភាពធ្វើសកម្មភាពរបស់ សមាគមពុទ្ធសាសនវៀតណាមខេត្តក្នុងឆ្នាំ ២០២០។ នាឱកាសអំណរបក្ស អំណរនិទាឃរដូវឆ្នាំឆ្លូវ ២០២១ ព្រះឧបជ្ឈាយ៍ថាច់សុខ​សាន្តប្រសិទ្ធពរដល់ថ្នាក់ដឹកនាំគណៈកម្មាធិ​ការបក្សឆ្នាំថ្មីជោគជ័យថ្មី។
   តំណាងឲ្យគណៈកម្មាធិការបក្សខេត្ត សមមិត្តង៉ូជីកឿងបានថ្លែងអំណរគុណ និងកត់ត្រានូវការរួមវិភាគទានរបស់សមាគមពុទ្ធសាសនាកន្លងហើយ ទន្ទឹមនឹងនោះបានថ្វាយប្រគេនជូនដំណឹងអំពីស្ថានភាពសេដ្ឋកិច្ច-សង្គមរបស់ខេត្ត ក្នុងឆ្នាំ ២០២០ និងផែនការពង្រីកសេដ្ឋកិច្ច-សង្គមឆ្នាំ ២០២១។ សមមិត្តង៉ូជីកឿងបាន​ប្រសិទ្ធពរដល់ព្រះឧបជ្ឈាយ៍ ព្រះតេជគុណ ដូនជី ពុទ្ធបរិស័ទឆ្នាំថ្នីសប្បាយរីករាយ សុខភាពមួនមាំបន្ត​រួមវិភាគទានទៅក្នុងការងារកសាង និងពង្រីកសេដ្ឋ​កិច្ច-សង្គមរបស់ខេត្ត៕                                                                                                 

*គណៈកម្មាធិការបក្សផែនរដ្ឋបាលទីក្រុងហូជីមិញជូនអំណោយដល់មុខសញ្ញាគោលនយោបាយនៅស្រុកទីវកឹង និងថ្កូវ

                      ជូនអំណោយ ១០០​​ ចំណែកដល់គ្រួសារមុខសញ្ញាគោលនយោបាយនៅ
                 ស្រុកទីវកឹង​។  រូបថត៖ថាញ់ក្វាង

      កាលពីថ្ងៃទី ០១ កុម្ភៈគណៈកម្មាធិការបក្សផែនរដ្ឋបាលទីក្រុងហូជីមីញចាត់តាំងពិធីជូនអំណោយ ១០០ ចំណែកដល់គ្រួសារមុខសញ្ញាគោលនយោបាយនៅស្រុកទីវកឹង អំណោយ​មួយ​ ចំណែកៗរួមមាននំ  ស្កគ្រាប់ កាហ្វេ របាំងមុខសុ ខាភិបាល និងសាច់ប្រាក់ ៥០០.០០០ ដុង សរុបថវិកាជាង ៧០ លានដុង។ ក្រុមប្រតិភូបានអញ្ជើញទៅជូនជំណោយដល់អ្នកម្តាយវៀត ណាមវីរភាព ០៨ ម្តាយ អំណោយមួយចំែណកៗមានសាច់ ប្រាក់ ២ លានដុង និងយុទ្ធជនពិការ ២៤ រូប អំណោយមួយចំណែកៗមានសាច់ប្រាក់ ១ លាន ដុងនិងជូនអំណោយដល់គ្រួសារក្រីក្រ ១០០ គ្រួ អំណោយមួយចំណែៗ រួមមានសាច់ប្រាក់ ៥០០.០០០ ដុង និងនំ ស្កគ្រាប់ គិតជាតម្លៃ ២០០.០០០ ដុង និងចាត់តាំងពិធីប្រគល់ជូនផ្ទះ ឧបការគុណដល់លោកថាច់ច័ន្ទ នៅភូមិកោះទន្លប់ ឃុំតឹងហ៊ីប និងលោកយាយគឹមធីបេនៅភូមិស្វាយធំ ឃុំង៉ាយស្វៀង ស្រុកថ្កូវ ផ្ទះមួយខ្នងៗបានសាង សង់លើផ្ទៃដីពី ៥០-៦១ ម៉ែត្រក្រឡា អាស្រ័យដោយស្ថានីយទូរទស្សន៍ទីក្រុងហូជីមិញឧបត្ថម្ភ ក្នុងផ្ទះមួយខ្នងៗ ៥០ លានដុង។
    នាឱកាសនេះក្រុមប្រតិភូគណៈកម្មាធិការបក្ស ផែនរដ្ឋបាលទីក្រុងហូជីមីញបានជូនគណៈចង្អុល ការបង្ការទប់ស្កាត់អាសន្នរោគជំងឺកូវីដ-១៩ ស្រុក ថ្កូវ ម៉ួកសុខាភិបាល ០៥ ធុង និង របាំងការពារ ០៥ ធុងដែរ។
 ទន្ទឹមនឹងនោះធនាគារ TMCP ពាណិជ្ជកម្មវៀត ណាម- Vietcombank បានជូនប្រាក់ ៣២ លាន ដុងសម្រាប់គណៈកម្មាធិការបក្ស រដ្ឋអំណាចស្រុកទីវកឹង ថែទាំបុណ្យតេត និងទំនុកបម្រុងអ្នកម្តាយវៀតណាមវីរភាព ១៦ ម្តាយនៅលើភូមិសាស្ត្រស្រុក ទីវកឹង ក្នុងមួយចំណែកៗ ២ លានដុង៕  ថាញ់ក្វាង-ហុងភុក-រតនា

 *ស្រុកថ្កូវ៖ ជូនអំណោយគ្រួសារក្រីក្រ

 កាលពីថ្ងៃទី ២៧ មករា ក្រុមហ៊ុនភាគហ៊ុនប្រៃសណីយ៍ Viettel សហការជាមួយគណៈកម្មាធិការប្រជាជនស្រុកថ្កូវចាត់តាំងកម្មវិធី“ និទាឃរដូវកក់ក្តៅ - តេតជាទីស្រឡាញ់” និទាឃរដូវតឹងសឺវ ឆ្នាំ ២០២១ ជូនអំណោយដល់គ្រួសារក្រីក្រ ១៥០ គ្រួសារនៅឃុំង៉ាយស្វៀង និងសិស្ស ៥០ នាក់ នៅសាលាវិទ្យាល័យថ្កូវ។ អំណោយមួយចំណែកៗ តម្លៃ ៤៣០.០០០ ដុងរួមមាន៖ អង្ករ ២០ គីឡូក្រាមនំនិងគ្រឿងឧបភោគផ្សេងៗមួយចំនួន សរុបតម្លៃនៃអំណោយទាំងអស់ ៨៦ លានដុង៕        

 *ក្រុមសប្បុរិសធម៌ខេត្តបិញយឿង និងទីក្រុងហូជីមិញ ជូនអំណោយជាង ៥០០ ចំណែកដល់សិស្ស គ្រួសារក្រនៅឃុំហ៊ីវទ្រុង
   កាលពីថ្ងៃទី ៣០ ខែមករា លោកត្រឹងវុាំងហាក មានស្រុកកំណើតនៅភូមិភូទ័រញឹក ឃុំហ៊ីវទ្រុង រួមជាមួយនឹងសមាជិកក្រុមសប្បុរិសធម៌ខេត្តបិញយឿងចាត់តាំងជូនអំណោយតេត ១៥៩ ចំណែក ដល់គ្រួសារក្រ គ្រួសារជិតក្រ នៅឃុំហ៊ីវទ្រុង ស្រុកទីវ កឹង។បណ្តាអំណោយរួមមាន៖ អង្ករ ម៉ីកញ្ចប់ ទឹកស៊ីអ៊ីវ ប្រេងចម្អិន ម្សៅស៊ុប សរុបតម្លៃជាង ៥០ លានដុង។
​​​ក្នុងខណៈនេះដែរ ក្រុមសប្បុរិសធម៌នៅទីក្រុងហូជីមិញក៏បានអញ្ជើញមកចាត់តាំងសកម្មភាពកម្សាន្ដសប្បាយ និងជូនទោ​ចក្រយាន ១២ គ្រឿង អាហារូបករណ៍ ២០ ចំណែក អំណោយតេត ៣២០ ចំណែកដល់សិស្សនិងគ្រួសារស្ថិតក្នុងគោលនយោ​បាយនៅឃុំហ៊ីវទ្រុង។ សរុបថវិកាសម្រាប់ ចាត់តាំងសកម្មភាពទាំងនេះជាង ១២០ លានដុង៕     
*សមាគមសហព័ន្ធនារីខេត្តត្រាវិញជូនអំណោយសមាជិកា អ្នកមានវ័យចាស់អនាថា

                        សមាគមសហព័ន្ធនារីខេត្តត្រាវិញ សួរសុខទុក្ខជូនអំណោយ ដល់សមាជិកាមានស្ថានភាពក្រ
                         លំបាកនិងអ្នកមានវ័យចាស់អនាថា ។ រូបថត៖ ហុងភុក
      កាលពីថ្ងៃទី ២៩ មករា សមាគមសហព័ន្ធនារីខេត្តត្រាវិញចាត់តាំងជូនអំណោយ ៦១ ចំណែកដល់សមាជិកាមានស្ថានភាពក្រលំបាកនិងអ្នកមានវ័យចាស់អនាថានៅភូមិបាត្រាច (អា) ឃុំតឹងហ៊ីប ស្រុកថ្កូវ​ ដើម្បីមានលក្ខណៈទទួលបុណ្យតេតរីករាយសប្បាយ។
    អំណោយមួយចំណែកៗរួមមាន៖ម៉ី ០២ ធុង ទឹកស៊ីអ៊ីវ ទឹកត្រី ស្ករ ប៊ីចេង តម្លៃ ៤០០.០០០ ដុង សរុបតម្លៃនៃអំណោយទាំងអស់ ២០ លានដុង ក្នុងនោះ សមាគមសហព័ន្ធនារីខេត្តត្រាវិញឧបត្ថម្ភ អំណោយ ១១ ចំណែកនិងម៉ី ១០០ ធុង ក្រៅពីនោះអាស្រ័យដោយសមាគមសហព័ន្ធនារីឃុំតឹងហ៊ីប ចលនាលោកង្វៀងថាញ់ហ៊ុង អតីតអនុប្រធានគណៈជនជាតិខេត្តឧបត្ថម្ភ ៕                                                                         
    ​​*កាលពីថ្ងៃទី ២៧ មករា ក្រុមប្រតិភូតំណាងរដ្ឋសភា (នីតិកាលទី ១៤) អង្គភាពខេត្តត្រាវិញ រួមមានលោក ថាច់ភឿកបិញ លោកស្រីត្រឹងធីហ្វៀង ចាត់តាំងជូនអំណោយតេតតឹងសឺវឆ្នាំ ២០២១ ដល់គ្រួសារក្រីក្រ ២០០ គ្រួនៅស្រុកថ្កូវ ក្នុងនោះឃុំហាមយ៉ាង ៦៥ គ្រួ ឃុំគីមសើុង ៥៩ គ្រួ និង ឃុំថាញ់សើុង ៧៦ គ្រួ ។ គ្រួសារនីមួយៗទទួលបានអំណោយមួយចំណែករួមមានសាច់ប្រាក់ ៦០០.០០០ ដុង។ សរុបតម្លៃអំណោយទាំងអស់ ១២០ លានដុងអាស្រ័យក្រុមប្រតិភូតំណាង រដ្ឋសភា (នីតិកាលទី ១៤) ចលនាសម្ព័ន្ធ Ving Roup មូលនិធិធៀងតឹមឧបត្ថម្ភ។  តាមតំណាង សម្ព័ន្ធ Ving Roup មូលនិធិធៀងតឹម ក្នុងកម្មវិធីជូនអំណោយតេតតឹងសឺវឆ្នាំ ២០២១ សម្ព័ន្ធ Ving Roup មូលនិធិធៀងតឹមនឹងជូនអំណោយ ១.០០០ ចំណែកដល់គ្រួសារក្រីក្រលើភូមិសាស្រ្តខេត្ត ត្រាវិញជាមួយទឹកប្រាក់សរុប ៦០០ លានដុង៕       

ក្រុមអ្នកយកពត៌មាន