ជូនលិខិតសរសើរដល់សមូហភាព​ ៥​ កន្លែង និងបុគ្គល ១១ អង្គ-រូបមានស្នាព្រះហស្ត-ស្នាដៃក្នុងការងារសប្បុរសធម៌មនុស្សធម៌

                                      ព្រះសង្ឃតំណាងសមូហភាពទទួលលិខិតសរសើរ ដែលមានស្នាព្រះហស្ត-ស្នាដៃ 

                                        ក្នុងការងារសប្បុរសធម៌។

កាលពីថ្ងៃទី ១៥ ខែធ្នូ នៅវត្តកងចក្ការាម (ធ្លក) ឃុំហ៊ីបហ្វា ស្រុកកូវង៉ាង សមាគមព្រះសង្ឃសាមគ្គីស្នេហាជាតិស្រុកបានចាត់តាំងសន្និបាតបូកសរុបសកម្មភាពឆ្នាំ ២០២០ និងផ្សព្វផ្សាយទិសដៅសកម្មភាពឆ្នាំ ២០២១។ និមន្ត-អញ្ជើញចូលរួមសន្និបាតមាន៖ ព្រះ ឧបជ្ឈាយ៍ចន្ទសិរី ថាច់សុខសាន្ត ប្រធានសមាគមព្រះសង្ឃសាមគ្គីស្នេហាជាតិខេត្ត ព្រ៖តេជគុណ ថាច់រ៉ីយ៍ ប្រធានសមាគមព្រះសង្ឃសាមគ្គីស្នេហាជាតិស្រុកកូវង៉ាង ថ្នាក់ដឹកនាំ គណៈកម្មាធិការប្រជាជនស្រុក គណៈកម្មាធិការរណសិរ្សមាតុភូមិវៀតណាមស្រុក ព្រះចៅអធិការគណៈអារាមាភិបាលបណ្តាវត្តលើភូមិសាស្រ្តស្រុក។
ឆ្នាំ ២០២០ ក្រៅពីការបំផុសចលនាបណ្តាវត្តលើភូមិសាស្រ្តចាត់តាំងបណ្តាថ្នាក់បង្រៀន ពុទ្ធិកសិក្សាថ្នាក់វិជ្ជាខេមរភាសាឱ្យព្រះសង្ឃ កូនចៅជនរួមជាតិខ្មែររៀនសូត្រ បណ្តាវត្តនៅទាំងអនុវត្តល្អការងារសប្បុរសធម៌មនុស្សធម៌ រួមចំណែកជាមួយរដ្ឋអំណាចមូលដ្ឋានគិតគូរបានល្អស្ថានភាពលំបាករបស់ប្រជាជន។ ក្នុងឆ្នាំ ២០២០ មានវត្តខ្មែរ ២១/២៣ វត្តអនុវត្តការងារសប្បុរសធម៌មនុស្សធម៌ជាមួយចំនួនទឹកប្រាក់ជាង ២,២ ពាន់លានដុង កសាង​ផ្ទះមហាសាមគ្គី ០២ ខ្នងដោយតម្លៃសរុប ១០៥ លានដុងឧបត្ថម្ភដល់គ្រួសារដែលជួបលំបាកអំពីលំនៅឋាន។ សន្តិសុខសណ្តាប់ធ្នាប់ ការបួសរៀនរបស់ព្រះសង្ឃនៃបណ្តាវត្តមានរបៀបរៀបរយល្អប្រសើរ។ល។ 
សន្និបាតបានផ្សព្វផ្សាយកម្រិតផែនការសំខាន់ៗជាច្រើនសម្រាប់ឆ្នាំ ២០២១ ក្នុងនោះមានការដោះស្រាយឱ្យបានរួចរាល់បញ្ហាវត្តរកាចាស់ដើម្បីព្រះសង្ឃពុទ្ធបរិស័ទធ្វើបុណ្យ សុន្ទរ៍ទានតាមលក្ខណៈពុទ្ធសាសនា។
ឱកាសនេះ គណៈចាត់តាំងបានជូនលិខិតសរសើររបស់គណៈកម្មាធិការប្រជាជនស្រុកដល់សមូហភាព ៥ កន្លែង និងបុគ្គល ១១ អង្គ-រូបដែលមានស្នាព្រះហស្ត-ស្នាដៃក្នុងការងារសប្បុរសធម៌មនុស្សធម៌ឆ្នាំ ២០២០៕      ដំណឹង-រូបថត៖ សម្បត្តិ