ចាក់វ៉ាក់សាំងការពារកូវីដ-១៩ ជាផលប្រយោជន៍របស់ បុគ្គល ជាការទទួលខុសត្រូវចំពោះសហគមន៍

ចាក់វ៉ាក់សាំងបង្ការជំងឺកូវីដដល់ព្រះសង្ឃ។ រូបថត៖ ឌិញកាញ់   
     យុទ្ធនាការចាក់វ៉ាក់សាំងនឹងបានផ្សព្វផ្សាយ ក្នុងទូទាំងខេត្ត ក្នុងនោះ អាទិភាពចាក់វ៉ាក់សាំងបានមុនឱ្យបណ្តាមុខសញ្ញានៅតំបន់កំពុងមានជំងឺ នឹងរៀបចំចាក់នៅតាមបណ្តាមូលដ្ឋានដែលគ្រប់លក្ខណៈចាក់នៅតាមបណ្តាស្រុក (រួមទាំងទម្រង់ថេរនិងចល័ត) ។
     ខេត្តត្រាវិញបានក្រសួងសុខាភិបាលបែងចែកវ៉ាក់សាំង ៣២.៨៥០ ម្ជុល បានចាត់តាំងចាក់ក្នុងលើកទី ៤ ទី ៥ និងទី ៦។ ក្នុងបណ្តាលើកចាក់នេះ នឹងចាក់ម្ជុលទី ១ ជូនអ្នកដែលមិនទាន់បានចាក់ និងចាក់ម្ជុលទី ២ ជូនអ្នកបានចាក់ម្ជុលទី ១ ពីមុននេះ។
     យោងតាមនោះក្នុងលើកទី ៤ នៃយុទ្ធនាការនឹងបានផ្សព្វផ្សាយចាប់តាំងពីថ្ងៃទី៥-៦សីហា ឆ្នាំ ២០២១ ចាក់បង្ហើយថ្ងៃទី ៧ សីហា ឆ្នាំ ២០២១  លើកទី ៥ បានចាត់តាំងចាក់នៅថ្ងៃទី ១០ -១១ សីហា ឆ្នាំ ២០២១ ចាក់បង្ហើយថ្ងៃទី ១២ សីហា ឆ្នាំ ២០២១ ។ លើកទី ៦ បានចាត់តាំងចាក់នៅថ្ងៃទី ១៧ -១៩ សីហា ឆ្នាំ ២០២១ ចាក់បង្ហើយថ្ងៃទី ២០ សីហា ឆ្នាំ ២០២១។
     គិតមកដល់ពេលនេះ មន្ទីរសុខាភិបាលត្រាវិញ បានដំណើរការផ្សព្វផ្សាយអនុវត្តចាក់វ៉ាក់សាំងការពារកូវីដ-១៩ ម្ជុលទី ១ បាន៣លើកដោយមាន មនុស្សបានចាក់សរុបរួម ២៩.៥៣១ នាក់។
     ផ្តើមពីការផ្គត់ផ្គងវ៉ាក់សាំង ការទទួលយកគ្រប់គ្រង ដឹកជញ្ជូន ចែកចាយរហូតដល់ចាត់តាំងចាក់វ៉ាក់សាំង ការងារព័ត៌មានអំពីផ្សព្វផ្សាយវ៉ាក់សាំង បង្ការអាសន្នរោគជំងឺកូវីដ-១៩។ តាំងពីការគ្រប់គ្រងបំពង់ម្ជុលចាក់កាកសំណល់សុខាភិបាល ក្រោយពីបញ្ចប់ការចាក់វ៉ាក់សាំងរហូតដល់សកម្មភាពពិនិត្យគុណភាពវ៉ាក់សាំង ពិនិត្យសកម្មភាពចាក់វ៉ាក់សាំង និងត្រៀមបម្រុងសុវត្ថិភាពក្នុងការចាក់វ៉ាក់សាំងតែងបានត្រៀមលក្ខណៈបានល្អសម្រាប់យុទ្ធនាការប្រព្រឹត្តទៅបានស្រូល។
      ចំពោះការប្រែប្រួលយ៉ាងស្មុគស្មាញរបស់អាសន្នរោគជំងឺកូវីដ-១៩ បក្ស និងរដ្ឋបានមានការចង្អុលការជាច្រើនស្តីពីពង្រឹងការងារបង្ការ ទប់ស្កាតជំងឺ គិតគូដល់ជីវភាព ការពារសុខភាពជូនប្រជាជន និងពង្រីកសេដ្ឋកិច្ច- សង្គម។ ខេត្តត្រាវិញ កំពុងអនុវត្តបណ្តាវិធានការយ៉ាងខ្លាំងក្លា ម៉ឹងម៉ាត់ដូចជាគម្លាតសង្គម  «យុទ្ធនាការវ៉ាក់សាំង» «វ៉ាក់សាំង និងវិធានការ ៥K»។ល។ ដើម្បីបង្ការ ប្រឆាំង ទប់ស្កាត់អាសន្នរោគជំងឺ។
     បង្ការទប់ស្កាត់អាសន្នរោគជំងឺកូវិដ-១៩ ត្រូវបានចាត់ទុក ជាការងារសំខាន់ ជាបន្ទាន់នាពេល បច្ចុប្បន្ន។ ដើម្បីទប់ស្កាត់ និងរុញច្រានអាសន្នរោគជំងឺ ប្រជាជនគ្រប់រូបក្នុងខេត្តចូរព្រួតដៃជាមួយគណៈកម្មាធិការបក្ស រដ្ឋអំណាចមូលដ្ឋាន រួមកម្លាំងគ្នាទប់ស្កាត់ការរីករាលដាលនៃអាសន្នរោគជំងឺ ពិសេសគឺចូលរួមចាក់វ៉ាក់សាំងការពារកូវីដ-១៩។
     ការចូលរួមចាក់វ៉ាក់សាំងការពារកូវីដ-១៩ ទៅចាក់វ៉ាក់សាំងខណៈដល់វេនចាក់ គឺជាផលប្រយោជន៍ហើយក៏ជាការទទួលខុសត្រូវរបស់យើង ម្នាក់ៗចំពោះសហគមន៍ ពីព្រោះពេលនោះនឹងរួមចំណែកសម្រេចបានភាពធន់ នឹងរោគសហគមន៍ ជាជំហានទប់ស្កាត់ រុញច្រានអាសន្នរោគ ជំងឺកូវីដ-១៩ ដើម្បីលើកទទួលខេត្តត្រាវិញយើង បានវិលមកជីវភាពរស់នៅសុវត្ថិភាព និងធម្មតាវិញ៕

           ប្រែសម្រួល៖   រតនា