គណៈអភិបាលពុទ្ធសាសនាស្រុកទីវកឹង និងស្រុកកូវកែចាត់តាំង មហាសន្និបាតលើកទី ៦ អាណត្តិកាល ២០២១-២០២៦

គណៈប្រតិបត្តិការគណៈអភិបាលសមាគមពុទ្ធសាសនាវៀតណាមស្រុកកូវកែចេញបង្ហាញមុខមហាសន្និបាត។រូបថត៖ទ្រឿងអង

​​     *កាលពីថ្ងៃទី ០៤ មករា ឆ្នាំ ២០២២ គណៈ​អភិបាលពុទ្ធសាសនាវៀតណាមស្រុកកូវកែចាត់តាំងមហាសន្និបាតតំណាងពុទ្ធសាសនាលើកទី ៦ អាណត្តិកាល ២០២១- ២០២៦ ។ ដោយមានតំណាងពេញសិទ្ធិតំណាងឱ្យព្រះសង្ឃ ដូនជី ពុទ្ធបរិស័ទក្នុងស្រុកជាង ៥០.០០០ អង្គ និងរូបបានអញ្ជើញចូលរួម។
     ជាមួយនឹងគោលលំនាំ “លំនឹង-ស្នងបន្ត និងអភិវឌ្ឍន៍”  និង “ល្អសាសនា ថ្លៃថ្លាសង្គម” ក្នុងអាណត្តិកាលកន្លងគណៈអភិបាលពុទ្ធសាសនាវៀតណាមស្រុកកូវកែរួមជាមួយនឹងរដ្ឋអំណាច មូលដ្ឋាន និងរណសិរ្សមាតុភូមិចូលរួមការងារសប្បុ រសធម៌សង្គម រួមចំណែកកាត់បន្ថគ្រួសារក្រីក្រ ជួយឧបត្ថម្ភដល់ជនឯកោ កសាងផ្ទះមហាសាមគ្គី កសាងផ្លូវគមនាគមន៍ជនបទ សួរសុខទុក្ខ និងជូនអំណោយគ្រួសារក្រីក្រ គ្រួសារមានសគុណចំពោះបដិវត្តន៍ ឧបត្ថម្ភមូលនិធិតបស្នងសងគុណ មូល និធិដើម្បីជនក្រីក្រ មូលនិធិសុខុមាលភាពសង្គម ។ល។ ក្នុងបណ្តាឆ្នាំកន្លង ឧបត្ថម្ភសិស្សានុសិស្សក្រីក្រសង្វាតរៀនសូត្រ បានពូកែនៅតាមបណ្តា សាលាមហាវិទ្យាល័យត្រាវិញ កឹងធើ ទីក្រុងហូជី មិញ សរុបប្រាក់រួម ជាង ៤៩ ពាន់លានដុង។
ពិសេសក្នុងឆ្នាំ ២០២១ អាស្រ័យដោយអាសន្នរោគជំងឺកូវីដ-១៩ ប្រែប្រួលស្មុគស្មាញបណ្តាលឱ្យជះឥទ្ធិពលដល់ជីវភាពប្រជាជន គណៈអភិបាល ពុទ្ធសាសនា រួមជាមួយនឹងព្រះសង្ឃ ដូនជី ពុទ្ធបរិស័ទក្នុងស្រុកសហការជាមួយនឹងគណៈកម្មាធិការរណសិរ្សមាតុភូមិវៀតណាមឧបត្ថម្ភជាច្រើន រូបភាពគិតជាតម្លៃជាង ០៧ ពាន់លានដុង។
     មហាសន្និបាតគណៈអភិបាលពុទ្ធសាសនាវៀតណាមស្រុកកូវកែលើកទី ៦ អាណត្តិកាល ២០២១-២០២៦ បានឧបត្ថម្ភមូលនិធិសុខុមាលភាពសង្គមរបស់ស្រុក អំណោយចំនួន ៤០០ ចំ ណែក គិតជាតម្លៃ ១២០ លានដុង។
     មហាសន្និបាតបោះឆ្នោតតែងតាំងសមាជិកថ្មីអាណត្តិកាល ២០២១- ២០២៦ រួមមាន ៣៥ អង្គ បោះឆ្នោតតែងតាំងអនុប្រធាន ០២ អង្គ។ ព្រះឧបជ្ឈាយ៍ធិចទ្រីមិញ សមាជិកក្រុមប្រឹក្សាអភិបាលពុទ្ធសាសនាវៀតណាម អនុប្រធានប្រចាំការគណៈអភិបាលសមាគមពុទ្ធសាសនាវៀតណាមខេត្តត្រាវិញ បានតែងតាំងធ្វើជាប្រធាន គណៈអភិបាលសមាគមពុទ្ធសាសនាស្រុកកូវកែអាណត្តិកាល ២០២១-២០២៦៕

គណៈប្រតិបត្តិការគណៈអភិបាលសមាគមពុទ្ធសាសនាវៀតណាមស្រុកទីវកឹងចេញបង្ហាញមុខមហាសន្និបាត ។ រូបថត៖ ថាញ់ក្វាង
     *មុននោះនៅថ្ងៃទី ៣០ ខែធ្នូ ឆ្នាំ ២០២១  គណៈអភិបាលពុទ្ធសាសនាវៀតណាមស្រុកទីវកឹងចាត់តាំងមហាសន្និបាតតំណាង ពុទ្ធសាសនាលើកទី ៦ អាណត្តិកាល ២០២១- ២០២៦ ។
     បច្ចុប្បន្ននេះនៅលើភូមិសាស្ត្រស្រុកមានមូលដ្ឋានជំនឿសាសនា ២៣ កន្លង ជាមួយនឹងព្រះសង្ឃ ដូនជីប្រមាណជាង ៤០០ អង្គ និងពុទ្ធបរិស័ទប្រមាណ ៣៥.០០០ នាក់។ ក្នុងអាណត្តិកាលកន្លង គណៈអភិបាលពុទ្ធសាសនាស្រុកទីវកឹងអនុវត្តល្អស្មារតី “សាមគ្គី-បង្រួបបង្រួម- បំប៉នពង្រឹង ប្រវេណី-អធិកអធមរម្យទមសមាគមពុទ្ធសាសនា” ។ ពិសេសគឺការបង្រួបបង្រួមសាមគ្គីសមាន ចិត្តរបស់ព្រះសង្ឃ ដូនជីមួយអន្លើដោយពុទ្ធបរិស័ទក្នុងស្រុកបណ្តាលឱ្យបណ្តាសកម្មភាពពុទ្ធកិច្ចក្នុងអាណត្តិកាលកន្លងសន្សឹមៗនឹងបានលំនឹង និងពីមួយថ្ងៃទៅមួយថ្ងៃកាន់តែអភិវឌ្ឍន៍។ អនុវត្តចលនាមានផលប្រយោជន៍ដល់ប្រទេសដល់ជាតិ កសាងជីវភាព “ល្អសាសនា ថ្លៃថ្លាសង្គម” ។ ឆ្លងតាមនោះ សមូហភាពគណៈអភិបាល ពុទ្ធសាសនាស្រុក និងបណ្តាមូលដ្ឋានជំនឿសាសនាក្នុងស្រុកតែងសកម្មចូលរួមការងារសប្បុរស ធម៌សង្គមនៅនឹងមូលដ្ឋានដូចជា៖ ចលនាជូនអំណោយដល់ជនក្រីក្រ ជនទុក្ខលំបាក ជនពិការចាស់ព្រឹទ្ធាចារ្យអនាថា សិស្សានុសិស្សក្រីក្រសង្វាត រៀនសូត្រ ជូនបាយ បបរឥតគិតថ្លៃដល់អ្នកជំងឺ ឧបត្ថម្ភកសាងផ្ទះមេត្តាធម៌ ផ្ទះមហាសាមគ្គី។ល។ ឧបត្ថម្ភបង្ការទប់ស្កាត់អាសន្នរោគជំងឺកូវីដ-១៩ គិតជាតម្លៃជាង ២០,៦៩៤ ពាន់លានដុង។
     មហាសន្និបាតបោះឆ្នោតតែងតាំងសមាជិកថ្មី អាណត្តិកាល ២០២១- ២០២៦ រួមមាន ២១ អង្គ និងសមាជិកអចិន្ត្រៃយ៍ ០៧ អង្គ។ ព្រះតេជគុណ ថាច់ថឿ បានតែងតាំងធ្វើជាប្រធានគណៈអភិបាល សមាគមពុទ្ធសាសនាស្រុកទីវកឹងអាណត្តិកាល ២០២១-២០២៦។
     នាឱកាសនេះដែរគណៈអភិបាលសមាគមពុទ្ធសាសនាវៀតណាមខេត្តបានជូនបណ្ណសរសើរដល់គណៈអភិបាលសមាគមពុទ្ធសាសនាស្រុក ទីវកឹង គណៈកម្មាធិការប្រជាជនស្រុកជូនលិខិត សរសើរដល់សមូហភាព ១៧ កន្លែង និង បុគ្គល ១១ អង្គដែលមានស្នាដៃរួមវិភាគទានឆ្នើម ក្នុងការ ងារសប្បុរសធម៌៕          

   ថាញ់ក្វាង-រតនា