គណៈអភិបាលពុទ្ធសាសនាស្រុកថ្កូវចាត់តាំងមហាសន្និបាតលើកទី ៦ អាណត្តិកាល ២០២១-២០២៦

ព្រះឧបជ្ឈាយ៍ គឹមង៉ុកត្វងបានតែងតាំងជាប្រធានគណៈអភិបាលសមាគម ពុទ្ធសាសនាស្រុកថ្កូវ អាណត្តិកាល ២០២១-២០២៦។
     ក្នុងអាណត្តិកាលកន្លង គណៈអភិបាលពុទ្ធសាសនា និងព្រះសង្ឃ ដូនជីមួយអន្លើដោយពុទ្ធបរិស័ទក្នុង ស្រុកសំដែងឲ្យឃើញនូវស្មារតី សាមគ្គីបង្រួបបង្រួមផ្សារភ្ជាប់ជាមួយគណៈអភិបាលពុទ្ធសាសនាខេត្ត និងរដ្ឋអំណាចគ្រប់លំដាប់ថ្នាក់មិនបង្អង់ខិតខំអនុវត្តសម្រេចភារកិច្ចដែលបានប្រគល់ជូន ដើម្បីសម្រេចកិច្ចការ ពុទ្ធសាសនារួមចំណែកកសាង និងអភិវឌ្ឍ វិស័យពុទ្ធសាសនាក្នុងស្រុកឲ្យកាន់តែរឹងមាំប្រកបដោយស្មារតីមេត្តា។ ជាពិសេសស្មារតីសន្តោសប្រណីមេត្តារបស់ពុទ្ធសាសនា បានបង្ហាញឲ្យឃើញ ច្បាស់លើវិស័យផ្សេងៗ ជាច្រើនបំផុតគឺក្នុងវិស័យសប្បុរសធម៌សង្គម បានគណៈអភិបាលពុទ្ធសាសនាចូលរួមចែករំលែក ឧបត្ថម្ភដូចជា៖ កសាងផ្លូវគមនាគមន៍ ជនបទ កសាងផ្ទះសាមគ្គីធម៌ជូនគ្រួសារក្រីក្រ ជូនអំណោយដល់អ្នកក្រីក្រជួបការលំបាកដោយសាររងឥទ្ធិពលជំងឺអាសន្នរោគ។ល។ សរុបតម្លៃជិត ៧១ ពាន់លានដុង។
     មហាសន្និបាតបានឯកភាពដាក់ចេញទិសដៅសកម្មភាពសម្រាប់អាណត្តិកាលខាងមុខគឺ៖ បន្តពង្រីកស្មារតីសាមគ្គី រួមចំណែកជាមួយជនរួមជាតិទូទាំងប្រទេសដើម្បីបុព្វហេតុ “ប្រជាជនសម្បូរ ប្រទេសរឹងមាំ ប្រជាធិបតេយ្យ យុត្តិធម៌ អារ្យធម៌” ចាត់តាំងអនុវត្តសេចក្ដីសម្រេចចិត្តមហាសន្និបាតលើកទី ៦ របស់គណៈអភិបាលពុទ្ធសាសនាវៀតណាមខេត្ត ណែនាំព្រះ សង្ឃ ដូនជី ពុទ្ធបរិស័ទប្រជុំជីវភាពត្រឹមត្រូវតាម ធម្មនុញ្ញ លក្ខន្តិកសង្ឃកម្មរបស់សមាគមពុទ្ធ សាសនាវៀតណាម និងគោលការណ៍ គោលនយោបាយ ច្បាប់របស់បក្ស និងរដ្ឋប្រុងប្រយ័ត្ន ទប់ស្កាត់ទាន់ពេលល្បិចកលរបស់បច្ចាមិត្តឆ្លៀត ឱកាសក្នុងជំនឿសាសនាបំផ្លាញការសាមគ្គី បង្រួបបង្រួមរបស់សមាគមពុទ្ធសាសនាវៀតណាម បន្តពង្រីកល្អការទំនាក់ទំនងជាមួយបណ្ដា ស្ថាប័ន គណៈ ផ្នែកថ្នាក់ស្រុកមូលដ្ឋាន។ល។

ជូនបណ្ណសរសើរដល់សមូហភាព បុគ្គលដែលមានស្នាព្រះហស្តឆ្នើម។
     ក្នុងអង្គមហាសន្និបាត គណៈអភិបាលសមាគមពុទ្ធសាសនាវៀតណាមខេត្ត គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមស្រុកថ្កូវបានស្ងើចសរសើរគុណបំណាច់ និងជូនរង្វាន់ដល់សមូហភាព បុគ្គលជាច្រើនអង្គ និងរូបដែលមានស្នាព្រះហស្តឆ្នើម ក្នុងកិច្ចការពុទ្ធសាសនាសុខុមាលភាពសង្គម រួមចំណែកយ៉ាងសកម្មក្នុងបុព្វហេតុធ្លុងមហា សាមគ្គីទូទាំងជនជាតិក្នុងបណ្ដាឆ្នាំកន្លង។
     មហាសន្និបាតបានចេញបង្ហាញព្រះភក្រ្ត គណៈអភិបាលសមាគមពុទ្ធសាសនាស្រុកអាណត្តិកាល ២០២១- ២០២៦ រួមមានសមាជិក ៣៥ អង្គ។ ព្រះឧបជ្ឈាយ៍គឹមង៉ុកត្វងបាន តែងតាំងជាប្រធានគណៈ អភិបាលសមាគមពុទ្ធសាសនាស្រុកថ្កូវអាណត្តិកាល ២០២១ -២០២៦៕                 ដំណឹង-រូបថត៖ ថាច់ហ្វាង