គណៈកម្មាធិការរណសិរ្សមាតុភូមិវៀតណាមខេត្តសន្និបាតលើកទី ៧ នីតិកាលទី ៩ អាណត្តិកាល ២០១៩-២០២៤

*គណៈកម្មាធិការរណសិរ្សមាតុភូមិវៀតណាមខេត្តទទួលបាន “ទង់ឆ្នើមលើគ្រប់វិស័យ” ឆ្នាំ ២០២០ អាស្រ័យដោយ គណៈកម្មាធិការមជ្ឈិមរណសិរ្សមាតុភូមិវៀតណាមជូន

                                   សមមិត្ត​ឡឹមមិញដាំង​ អនុលេខាបក្សខេត្តជូនទង់ឆ្នើមលើគ្រប់វិស័យ ឆ្នាំ ២០២០​​ដល់
                                              គណៈកម្មាធិការរណសិរ្សមាតុភូមិវៀតណាមខេត្ត។ រូបថត៖ រតនា

     កាលពីថ្ងៃទី ៣០ ធ្នូ គណៈកម្មាធិការរណសិរ្សមាតុភូមិវៀតណាមខេត្តសន្និបាតលើកទី ៧ នីតិកាលទី ៩ អាណត្តិកាល ២០១៩-២០២៤។ សមមិត្តឡឹមមិញដាំង អនុលេខាបក្សខេត្ត សមមិត្ត ង្វៀងវុាំងត្រៀក សមាជិកអចិន្ត្រៃយ៍នៃគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិវៀតណាម​ខេត្តធ្វើជាអធិបតីសន្និបាត។ 
    សន្និបាតបានអនុម័តិឆ្លងលទ្ធផលដែលសម្រេច​បានក្នុងឆ្នាំ ២០២០ និងដាក់កម្មវិធីសហការឯកភាពធ្វើសកម្មភាពឆ្នាំ ២០២១។
     ឆ្នាំ ២០២១ គឺជាឆ្នាំដែលមានអត្ថន័យយ៉ាងសំខាន់ជាច្រើន ពិសេសគឺផ្សព្វផ្សាយអនុវត្តសេចក្តីសម្រេចចិត្តមហាសន្និបាតបក្ខភាគគ្រប់ លំដាប់ថ្នាក់ក្នុងខេត្ត បោះឆ្នោតតំណាងរដ្ឋសភានីតិកាលទី ១៥ និងបោះឆ្នោតតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២១-២០២៦។ អាស្រ័យដោយគណៈកម្មាធិការរណសិរ្សមាតុភូមិវៀតណាមខេត្តដាក់ចេញភារកិច្ចមួយចំនួនសំខាន់ៗដើម្បីផ្សព្វផ្សាយចលនាប្រមូលផ្តុំមហាជនប្រជាជនគ្រប់ជាន់ស្រទាប់ពង្រឹង និងបង្កើនពង្រីកកម្លាំងមហាសាមគ្គីប្រជាជាតិ កសាងនិងការពារមាតុភូមិវៀតណាមសង្គមនិយមផ្សព្វផ្សាយអនុវត្តសេចក្តីសម្រេចចិត្តមហាសន្និបាតគណៈកម្មាធិការរណសិរ្សមាតុភូមិវៀតណាមគ្រប់លំដាប់ថ្នាក់សេចក្តីសម្រេចចិត្តមហាសន្និបាតបក្ខភាគគ្រប់លំដាប់ថ្នាក់ និងសេចក្តីសំរេចចិត្តមហាសន្និបាតទូទាំងប្រទេសលើកទី ១៣ របស់បក្ស បន្តអនុវត្តគម្រោងការ “ស្តីអំពីការផ្លាស់ប្តូរថ្មីព័ត៍មានផ្សព្វផ្សាយរបស់រណសិរ្សមាតុភូមិវៀតណាម” បន្តផ្សព្វផ្សាយសេចក្តីប្រកាសសេចក្តីសន្និដ្ឋានរបស់ការិយាល័យនយោបាយ “ ស្តីអំពីបង្កើនការចលនាសាមគ្គី បណ្តាសាសនានៅប្រទេសយើងនាពេលបច្ចុប្បន្ននេះ”។ ផ្លាស់ប្តូរថ្មី លើកកម្ពស់គុណភាពប្រសិទ្ធភាពចលនា “ទូទាំងប្រជាជនសាមគ្គីកសាងជនបទថ្មី អារ្យធម៌ទីក្រុង” ក្នុងនោះយកចិត្តទុកដាក់ដល់ការចាត់តាំងដោយមានប្រសិទ្ធភាពការងារផ្សព្វផ្សាយ ចលនាប្រជាជនចូលរួមកសាងជនបទថ្មី ចាត់តាំងយកយោបល់វាយតម្លៃអំពីការសប្បាយចិត្តរបស់ប្រជាជនអំពីលទ្ធផលកសាងជនបទថ្មីរួមចំណែកអនុវត្តសម្រេចគោលដៅកសាងជនបទថ្មីឆ្នាំ ២០២១ ត្រូវតាមសេចក្តីសម្រេចចិត្តរបស់គណៈកម្មាធិការបក្សខេត្ត។
     មានយោបល់ចង្អុលការសន្និបាត សមមិត្តឡឹមមិញដាំងបានកត់សម្គាល់និងវាយតម្លៃខ្ពស់ចំពោះបណ្តាលទ្ធផលដែលគណៈកម្មាធិការរណសិរ្សមាតុភូមិវៀតណាមគ្រប់លំដាប់ថ្នាក់ក្នុងខេត្តសម្រេចបាន រួមចំណែកយ៉ាងសំខាន់ឲ្យការពង្រីកសេដ្ឋកិច្ច-សង្គមរបស់ខេត្ត។ ពង្រីកនូវបណ្តាស្នាដៃដែលសម្រេចបាន ដើម្បីរួមចំណែកយ៉ាងសំខាន់ក្នុងការអនុវត្តន៍សម្រេចជោគជ័យសេចក្តីសម្រេចចិត្ត ឆ្នាំ ២០២១។ សមមិត្តអនុលេខាបក្សខេត្តបានសង្កត់ធ្ងន់ថា៖ គណៈកម្មាធិការរណសិរ្សមាតុភូមិវៀតណាម គ្រប់លំដាប់ថ្នាក់ប្រមូលផ្តុំផ្សព្វផ្សាយជ្រួតជ្រាប ចលនាប្រជាជនអនុវត្តសេចក្តីសម្រេចចិត្ត មហាសន្និបាតបក្សគ្រប់លំដាប់ថ្នាក់ និងសេចក្តីសម្រេចចិត្តឆ្នាំ ២០២១ បង្កជាភាពឯកភាព ក្នុងប្រជាជនចលនាទូទាំងប្រជាជនចូលរួមបោះឆ្នោតតំណាងរដ្ឋសភា និងតំណាងក្រុមប្រឹក្សាប្រជាជនគ្រប់លំដាប់ថ្នាក់។ ម្ចាស់ការសហការជាមួយនឹងរដ្ឋអំណាចគ្រប់លំដាប់ថ្នាក់ពិភាក្សាលំដាប់លំដោយ ពិភាក្សាជ្រើសរើសអ្នកចេញឈរឆ្នោតតំណាងរដ្ឋសភានីតិកាលទី ១៥ តំណាងក្រុមប្រឹក្សាប្រជាជនគ្រប់ លំដាប់ថ្នាក់អាណត្តិកាល ២០២១-២០២៦ ធានាត្រឹមត្រូវតាមច្បាប់។ 
     នាឱកាសនេះ គណៈកម្មាធិការរណសិរ្សមាតុភូមិវៀតណាមខេត្តបានគណៈកម្មាធិការ មជ្ឈិមរណសិរ្សមាតុភូមិវៀតណាមជូន “ទង់ឆ្នើមលើគ្រប់វិស័យ” ឆ្នាំ ២០២០។ គណៈកម្មាធិការរណសិរ្សមាតុភូមិវៀតណាមខេត្តជូន“ទង់ឆ្នើមលើគ្រប់វិស័យ” ឆ្នាំ ២០២០ ដល់គណៈកម្មាធិការរណសិរ្សមាតុភូមិវៀតណាម ទីក្រុងត្រាវិញ និងជូនប័ណ្ណសរសើរសម្រេចឆ្នើមភារកិច្ចដែលបានប្រគល់ជូនឆ្នាំ ២០២០ ដល់គណៈកម្មាធិការរណសិរ្សមាតុភូមិវៀតណាម បណ្តាស្រុកទីវកឹង កូវង៉ាង យ្វៀងហាយ។
     ក៏ស្ថិតក្នុងសន្និបាតនេះដែរ សន្និបាតបានពិភាក្សាតែងតាំងសមមិត្តតូធីធូហុង អតីតអនុ ប្រធានគណៈប្រជាចលនានៃគណៈកម្មាធិការបក្សខេត្តទទួលនាទីជាអនុប្រធានគណៈកម្មាធិការរណសិរ្សមាតុភូមិវៀតណាមខេត្ត នីតិកាល ទី ៩ អាណត្តិកាល ២០១៩-២០២៤ និង ពិភាក្សាតែងតាំងសមមិត្ត ០៣ រូបចូលរួមជាសមាជិកគណៈប្រតិបត្តិការនៃគណៈកម្មាធិការ រណសិរ្សមាតុភូមិវៀតណាមខេត្ត អាណត្តិ កាល ២០១៩-២០២៤៕  រតនា