ក្រសួងសុខាភិបាលត្រួតពិនិត្យការងារបង្ការទប់ស្កាត់ជំងឺកូវីដ-១៩ នៅខេត្តត្រាវិញ

ក្រសួងសុខាភិបាល ត្រួតពិនិត្យជាក់ស្តែងការងារបង្ការ ទប់ស្កាត់ជំងឺកូវីដ-១៩ ។ រូបថត៖ ង៉ុកស្វង

       ប្រធានគណៈកម្មាធិការប្រជាជនខេត្ត លោក ឡេវុាំងហាំង ប្រធានគណៈចង្អុលការបង្ការទប់ស្កាត់ជំងឺកូវីដ-១៩ ខេត្តបានឲ្យដឹងថា៖ បច្ចុប្បន្នខេត្តមាន ០៨ ករណីវិជ្ជមានជំងឺកូវីដ-១៩ កំពុងបានធ្វើចត្តាឡីស័កព្យាបាលនៅមន្ទីរពេទ្យបណ្ដោះអាសន្នលេខ ១  ក្នុងនោះ មាន ០៣  ករណីរកឃើញនៅ ក្នុងសហគមន៍ ០៥ ករណី មកពីប្រទេសឥណ្ឌូណេស៊ី។ បណ្ដាករណីដែលវិជ្ជមានជំងឺកូវីដ-១៩ ក្នុងសហគមន៍នៅខេត្តត្រាវិញ សុទ្ធសឹងទាក់ទងដល់សំបុកមេរោគនៅទីក្រុងហូជីមិញវិលមកកាន់មូលដ្ឋាន។ បន្ទាប់ពីរកឃើញការវិជ្ជមានជំងឺកូវីដ-១៩ ក្នុង សហគមន៍ដំបូងបង្អស់នៅថ្ងៃទី ៣០ ឧសភា នៅស្រុកកូវកែ គណៈចង្អុលការបង្ការទប់ស្កាត់ជំងឺកូវីដ-១៩ ខេត្តបានកំណត់ព្រំខ័ណ្ឌ បោស សម្អាតបណ្ដាករណីដែលប៉ះពាល់ទាក់ទង។ ក្នុងរាត្រីនៃថ្ងៃទី ៣០ ឧសភា ខេត្តបានបង្កើតមណ្ឌលគម្លាតសុខាភិបាល រួចបង្កើតបណ្ដាប៉ុស្ដិ៍ត្រួតពិនិត្យ រំសាយតំបន់ផ្ទះដែលអ្នកជំងឺនេះរស់នៅ ផ្លូវ ៣០ មេសា អនុសង្កាត់លេខ ៥  សង្កាត់ទី ៦ ទីប្រជុំជនកូវកែស្រុកកូវកែមាន គ្រួសារប្រជាជន ៥២ គ្រួដើម្បីបង្ការទប់ស្កាត់ ជំងឺកូវីដ-១៩។ ខេត្តក៏បានផ្សាយសារាចរស្ដី ពីការអនុវត្តន៍ជាបន្ទាន់បណ្ដាវិធានការចាំបាច់ បង្ការទប់ស្កាត់ជំងឺកូវីដ-១៩ គម្លាតសង្គមទូទាំងខេត្ត ផ្អាកបណ្ដាសកម្មភាពដើម្បីបង្ការទប់ ស្កាត់ជំងឺ ទន្ទឹមនឹងនោះបង្កើតប៉ុស្ដិ៍ត្រួតពិនិត្យសុខាភិបាល ០៤ កន្លែងនៅតាមបណ្ដាច្រកចូលកាន់ភូមិសាស្រ្តខេត្ត តាមផ្លូវជាតិលេខ ៥៣ លេខ ៥៤ និងផ្លូវជាតិលេខ ៦០។
     ចាប់ពីថ្ងៃទី ០២ ដល់ថ្ងៃទី ២៤ មិថុនា ឆ្នាំ ២០២១ ប៉ុស្ដិ៍ទាំងនេះបានត្រួតពិនិត្យមធ្យោបាយចំនួន ១១០.០១៥ គ្រឿងដោយមាន មនុស្សចូលមកខេត្ត ១៧៥.៣៦៦ លើក។ ឆ្លងតាមរយៈសកម្មភាព បណ្ដាប៉ុស្ដិ៍ត្រួតពិនិត្យ សុខាភិបាលបានសម្រាំងបណ្ដាករណីដែលសង្ស័យជ្រាបជំងឺកូវីដ-១៩ ដើម្បីធ្វើចត្តាឡីស័ក សុខាភិបាលទាន់ពេល រួមចំណែកទប់ស្កាត់កុំឲ្យជំងឺរាលដាលក្នុងសហគមន៍។ ក្រៅពីនោះ ទូទាំងខេត្តបានបង្កើតក្រុមបង្ការទប់ស្កាត់ជំងឺកូវីដ-១៩ ក្នុងសហគមន៍ចំនួន ៥.៧០០ ក្រុមដើម្បីពិនិត្យអង្កេត ផ្សព្វផ្សាយអំពីការបង្ការទប់ស្កាត់ជំងឺកូវីដ-១៩ នៅបណ្ដាតំបន់អាសយជន។ អំពីការចាក់វ៉ាក់សាំង បង្ការជំងឺកូវីដ-១៩ គិតមកទល់ពេលនេះចាត់តាំងបាន ០៣ លើក ដោយមានមនុស្សជាង ២៨.៥០០ នាក់ស្ថិតក្នុងមុខសញ្ញាអាទិភាពបាន ចាក់វ៉ាក់សាំងបង្ការតាមសេចក្ដីសម្រេចចិត្តលេខ ២១/NQ-CP ចុះថ្ងៃទី ២៦ កុម្ភៈ ឆ្នាំ ២០២១ របស់រដ្ឋាភិបាល។ ខេត្តបានប្រដាប់ គ្រប់គ្រាន់បណ្ដាឧបករណ៍សម្រាប់បម្រើក្នុងការងារបង្ការទប់ស្កាត់ជំងឺកូវីដ-១៩។ មជ្ឈ មណ្ឌលត្រួតពិនិត្យជំងឺខេត្តបានបំពាក់ប្រព័ន្ធ សម្រាប់ធ្វើកោសល្យវិច័យ Real Time PCR ០១ គ្រឿង អាចធ្វើកោសល្យវិច័យក្នុងមួយថ្ងៃ ចំនួន ២០០ គំរូ។ រយៈពេលធ្វើកោសល្យ វិច័យដើម្បីបញ្ជាក់វិរុស SARS-CoV-2 ឆ្លើយ តបការវិនិច្ឆ័យជំងឺចាប់តាំងពីពេលយកគំរូ ដល់ពេលមានលទ្ធផល ប្រមាណ ០៨ ម៉ោង។
     មន្ទីរពហុព្យាបាលខេត្តត្រាវិញទើបពិនិត្យទទួលស្គាល់ប្រព័ន្ធធ្វើកោសល្យវិច័យ Real Time PCR ០១ អាចធ្វើកោសល្យវិច័យក្នុង មួយថ្ងៃចំនួន ៥០០ គំរូ។ ចំពោះការធ្វើតេស្ដ រហ័ស ខេត្តបានទិញប្រដាប់តេស្ដវិរុស SARS-CoV-2 ចំនួន ២១.០០០ គ្រឿងពីប្រភពមូលនិធិបង្ការទប់ស្កាត់ជំងឺរបស់ខេត្ត បត់បែងឲ្យ បណ្ដាមន្ទីរពេទ្យ មជ្ឈមណ្ឌលសុខាភិបាល បណ្ដាស្រុក ទីផ្សាររួមខេត្ត ក្រុង បច្ចុប្បន្នទូទាំង ខេត្តនៅសល់ឧបករណ៍ចំនួន ៨.០០០  គ្រឿង។
     នៅពេលធ្វើការផ្នែកសុខាភិបាលខេត្តត្រាវិញបានស្នើដល់ក្រសួងសុខាភិបាលឲ្យពិនិត្យឧបត្ថម្ភបណ្ដាប្រភពធនធានមនុស្ស ប្រញាប់ផ្គត់ផ្គង់ប្រភពវ៉ាក់សាំងបង្ការជំងឺកូវីដ-១៩ ដើម្បីខេត្តផ្សព្វផ្សាយចាក់ឲ្យប្រជាជនប្រមាណ ៨០០.០០០ នាក់។ ស្នើឲ្យមានរចនាច្បាប់ គោលនយោបាយ បង្កលក្ខណៈឲ្យបណ្ដាអាជីវកម្មក្នុងខេត្តបានប្រសព្វជាមួយប្រភពវ៉ាក់សាំងដើម្បីចាក់បង្ការជំងឺឲ្យកម្មករ ពលករក្នុងបណ្ដាមូលដ្ឋានផលិត ធ្វើអាជីវកម្ម និងមណ្ឌល ឧស្សាហកម្ម។
     ចំពោះបណ្ដាករណីធ្វើកោសល្យវិច័យរហ័ស វិរុស SARS-CoV-2 នៅបណ្ដាមូលដ្ឋានពិនិត្យព្យាបាលជំងឺខេត្តស្នើឲ្យបានទូទាត់ពីប្រភព គាំពារសុខាភិបាល។ ខេត្តស្នើឲ្យរដ្ឋាភិបាលឆាប់បើកទូលាយមុខសញ្ញាចាក់វ៉ាក់សាំងបង្ការ ជំងឺកូវីដ-១៩ ក្នុងសេចក្ដីសម្រេចចិត្តលេខ ២១/NQ-CP។ បំពេញបន្ថែមបណ្ដាមុខសញ្ញា ដូចជា៖ អ្នកលក់សន្លឹកឆ្នោតចល័ត អ្នកទៅធ្វើការនៅបរទេស។ល។ ស្នើឲ្យក្រសួងសុខាភិបាលតាមដានផែនទីជំងឺកូវីដ-១៩ ទាន់ពេលដើម្បីបណ្ដាមូលដ្ឋានអនុវត្តល្អការងារពិនិត្យអង្កេតបង្ការទប់ ស្កាត់ជំងឺ។
     ថ្លែងយោបល់ក្នុងពេលត្រួតពិនិត្យ អនុរដ្ឋមន្រ្តីក្រសួងសុខាភិបាលដូស្វឹងត្វៀងបានផ្ដល់ ព័ត៌មានអំពីកិច្ចចង្អុលការមួយចំនួនរបស់ នាយករដ្ឋមន្រ្តីនៃរដ្ឋាភិបាលផាមមិញជិញក្នុងអង្គប្រជុំផ្សាយបន្តផ្ទាល់ស្ដីពីការងារបង្ការទប់ ស្កាត់ជំងឺកូវីដ-១៩ កាលពីថ្ងៃទី ២៣ មិថុនា កន្លងហើយ។ អនុរដ្ឋមន្រ្តីដូស្វឹងត្វៀងបានសង្កត់ធ្ងន់ថា៖ បណ្ដាមូលដ្ឋានមិនត្រូវធ្វេស ប្រហែស ព្រងើយកន្តើយ បាត់ស្មារតីប្រុងប្រយ័ត្នពេលមិនទាន់មានអាសន្នរោគឬពេលមានជំងឺ ដើរឆ្លង។ ពង្រីកស្មារតីខ្លួនទីពឹងខ្លួន “០៤ នៅនឹងកន្លែង” ក្នុងការងារបង្ការទប់ស្កាត់ ជំងឺកូវីដ-១៩។ ខេត្តមានផ្លូវតាមភ្លឺសមុទ្រប្រវែង ៦៥ គីឡូម៉ែត្រ មានច្រកនាំមុខទំនិញតាមផ្លូវសមុទ្រ ០១ នៅស្រុកយ្វៀងហាយ។ ដូច្នោះ ហើយកងកម្លាំងសមត្ថកិច្ចខេត្តត្រាវិញគប្បីត្រួតពិនិត្យម៉ត់ចត់ស្ថានភាពនាំមនុស្សចូលខុសច្បាប់ ផ្សព្វផ្សាយ ចលនានេសាទករ ម្ចាស់ កប៉ាល់ឲ្យចុះកិច្ចសន្យាមិនដឹកជញ្ជូនមុខ សញ្ញាចូលមកខុសច្បាប់។ ខេត្តបន្តពង្រីកតួនាទីរបស់ក្រុមបង្ការទប់ស្កាត់ជំងឺកូវីដ-១៩ នៅ សហគមន៍ដើម្បីរកឃើញបណ្ដាករណីសង្ស័យ ជ្រាបជំងឺកូវីដ-១៩ អនុវត្តជាបន្ទាន់វិធានការជម្លៀសសុវត្ថិភាព ជៀសវាងកុំឲ្យរីករាលដាលក្នុងសហគមន៍។
ចំពោះតំបន់ដែលមានជនជាតិខ្មែររស់នៅ ច្រើនត្រាវិញគប្បីជំរុញមាំការផ្សព្វផ្សាយអំពីការងារបង្ការទប់ស្កាត់ ជំងឺកូវីដ-១៩ តាមរយៈ ឯកសារ បដាផ្សព្វផ្សាយ។ល។ ដោយអក្សរខ្មែរដើម្បីជនរួមជាតិខ្មែរយល់ច្បាស់ និងអនុវត្តត្រឹមត្រូវការបង្ការទប់ស្កាត់ជំងឺ។ ក្នុងការ ងារកំណត់ព្រំខ័ណ្ឌ និងរំសាយ មូលដ្ឋានអនុវត្ត សមស្របជាមួយនឹងស្ថានភាពជាក់ស្ដែង សុវត្ថិ ភាព ធានា “គោលដៅទន្ទឹមគ្នាពីរ” គឺបង្ការ ទប់ ស្កាត់ជំងឺកូវីដ-១៩ និងពង្រីកសេដ្ឋកិច្ច-សង្គម។ ត្រាវិញបន្តបង្កើនបណ្ដាវិធានការបង្ការទប់ស្កាត់ជំងឺនៅបណ្ដាតំបន់សេដ្ឋកិច្ច ឧស្សាហកម្ម តំបន់ផ្ទះសំណាក់កម្មករ។ល។ គប្បីកសាងបណ្ដាវិធីសាស្រ្តប្រសិនបើមានអ្នកជំងឺកូវីដ-១៩ នៅមន្ទីរពេទ្យ បណ្ដោះអាសន្នកើនឡើងជាង ៥០០ ករណី ទន្ទឹមនឹងនោះ លៃលកមជ្ឈមណ្ឌល ព្យាបាល ជំងឺកូវីដ-១៩ ធ្ងន់ធ្ងរនៅនឹងមន្ទីរ ពហុព្យាបាលខេត្តត្រាវិញ អាចភ្ជាប់បន្តផ្ទាល់ជាមួយក្រុមប្រឹក្សាព្យាករណ៍មជ្ឈិម និងមន្ទីរ ពេទ្យចើរ៉ៃ។ 
     មន្ទីរព័ត៌មាន និងឃោសនាការត្រាវិញកសាងមជ្ឈមណ្ឌលរក្សាទុកឯកសារទាក់ទង ដល់ការបង្ការទប់ស្កាត់ ជំងឺកូវីដ-១៩ បន្តភ្ជាប់ជាមួយមជ្ឈមណ្ឌលឯកសារជាតិ ជួយឲ្យងាយស្រួលក្នុងកំណត់ព្រំខ័ណ្ឌ បោសសម្អាត បណ្ដាករណីប៉ះពាល់ទាក់ទងជាមួយអ្នកជ្រាបជំងឺកូវីដ-១៩៕         

 ថាញ់ហ្វា-ថាច់ហ្វាង