សាខាបក្សភូមិឌិញភូតឹងធ្វើតាមអ៊ំហូ

លោកថាច់សី ប្រធានគណៈកម្មការប្រជាជនភូមិឌិញភូតឹងឲ្យដឹងថា៖​ ភូមិមានគ្រួសារប្រជាជន ៣៥៥ គ្រួ ក្នុងនោះជនរួមជាតិខ្មែរស្រូបយកអត្រាជាង ៥០%។​​ ជារៀងរាល់ឆ្នាំសាខាបក្សភូមិបានកសាងសេចក្តីសេចក្តីសម្រេចចិត្តស្តីពីការកាត់បន្ថយភាព​ក្រីក្រ​​ ធានាសន្តិសុខសណ្តាប់ធ្នាប់នៅមូលដ្ឋាន បង្កើនគុណភាពបណ្តាលក្ខឋានភូមិវប្បធម៌ ជនបទថ្មី ភ្ជាប់ជាមួយចលនារៀនសូត្រ និងធ្វើតាមអ៊ំហូ។ ផ្តើមពីនោះជីវភាពប្រជាជនក៏ដូចជាទិដ្ឋភាពនៅជនបទថ្មីរបស់ភូមិបានលើកកម្ពស់។

ផ្លូវគមនាគមន៍ជនបទនៅភូមិឌិញភូតឹង។

ដើម្បីអនុវត្តបណ្តាសេចក្តីសម្រេចចិត្តដែលដាក់ចេញ សាខាបក្សភូមិឌិញភូតឹងចាត់ឲ្យបក្ខជនម្នាក់ៗគ្រប់គ្រងការងារជាក់ស្តែង។ ផ្តើមពីនោះ កម្មាភិបាលបក្ខជន ក្រោយពេលទទួលភារកិច្ចតែងឧបត្ថម្ភដល់គ្រួសារក្រីក្រ បំផុសចលនាឱ្យប្រជាជនខិតខំរកទទួលទាន ផ្សព្វផ្សាយគោលការណ៍របស់បក្ស ច្បាប់ រក្សាសន្តិសុខ សណ្តាប់ធ្នាប់សង្គម។ ឆ្នាំ ២០២១​ ដើម្បីបណ្តាគ្រួសារក្រីក្ររួចផុតពីភាពក្រីក្រចីរភាព យោងតាមស្ថានភាព លក្ខណៈរបស់ខ្លួន នឹង​ទទួលបានគោលដៅឧបត្ថម្ភឱ្យបានសមស្រប។

ដើម្បីបង្កការងារធ្វើឱ្យខ្លួន និងបងប្អូននារីនៅជនបទ ផ្តើមពីមូលដ្ឋានកាត់ដេរតូច បង ស្រីថាច់ធីដាវី (ភូមិឌិញភូតឹង)​ ពង្រីកជាមូលដ្ឋានអាជីវកម្មឯកជន យ្វីតឹង។ បងស្រីដាវី ឱ្យដឹង៖​ អាជីវកម្មបានបង្កើតកាលពីឆ្នាំ ២០២១ ប៉ុន្តែមុននោះគ្រួសារខ្ញុំមានបើករោងចក្រកាត់ដេរសម្លៀកបំពាក់ពីឆ្នាំ ២០១៦ រួចហើយ។ ដំបូងខ្ញុំបុលធនាគារគោលនយោបាយសង្គមស្រុកចំនួន ១២០ លានដុង ដើម្បីទិញម៉ាស៊ីន។ អាជីវកម្មទទួលម៉ូតពីក្រុមហ៊ុនយកមកឱ្យកម្មករដេរ។ ជាររៀងរាល់ឆ្នាំ អាជីវកម្មដោះស្រាយការងារធ្វើជូនកម្មករនៅក្នុងភូមិចំនួន ២០ នាក់ គិតជាមធ្យមក្នុងមួយថ្ងៃមានកម្មករចូលរួមកាត់ដេរ ១៥  នាក់ ម្នាក់ៗទទួលបានប្រភពចំណូលពី ០៤-០៥ លានដុងក្នុងមួយខែ។

ជាគ្រួសារក្រីក្រមួយគ្មានដីផលិត ចិញ្ចឹមកូន ០២​​​ នាក់ឲ្យរៀនសូត្រ ប្តីបងស្រីទៅចោលគ្រួសារជាច្រើនឆ្នាំកន្លង ទើបជីវភាពរបស់បងស្រី ត្រិញធីបិចធ្វី​ កាន់តែជួបការលំបាកច្រើនឡើង។ ឆ្នាំ ២០២០ អាស្រ័យការដឹកនាំរបស់រដ្ឋអំណាចមូលដ្ឋាន បងបិចធ្វី បានសប្បុរសជនឧបត្ថម្ភទឹកប្រាក់ ៦០ លានដុងសម្រាប់សង់ផ្ទះឲ្យរឹងមាំ។ ឆ្នាំ ២០២១ អាស្រ័យប្តេជ្ញាចិត្តរួចផុតពីភាពក្រីក្រ ក្រៅពីប្រកបរបរស៊ីឈ្នួលតាមរដូវកាល បងស្រីនៅទាំងចូលរួមការងារកាត់ដេរនៅ​អាជីវកម្មកាត់ដេរឯកជន យ្វីតឹង ដោយមានប្រាក់ខែ ០៥ លានដុងទៀតផង។

តាមសមមិត្ត ប៊ូយវ៉ាំងណោយ អនុប្រធានគណៈកម្មាធិការប្រជាជនឃុំឡុងថើយ៖ អាស្រ័យមានក្រុមហ៊ុន និងអាជីវកម្មនៅមូលដ្ឋាន ទើបចំនួនពលករមានការងារធ្វើនៅមូលដ្ឋានកើនឡើងរៀងរាល់ឆ្នាំ។ ពេលដែលពលករមានប្រភពចំណូលលំនឹងគុណភាពជីវភាពបានកើនឡើង ចំនួនគ្រួសារក្រីក្រថយចុះ គ្រោះអបាយមុខសង្គមក៏ថយចុះផងដែរ។ មិនត្រឹមតែពង្រីកល្អកម្លាំងផ្ទៃក្នុង ភូមឌិញភូតឹងនៅទាំងប៉ិនប្រសប់ក្នុងការប្រើប្រាស់ទុនឧបត្ថម្ភរបស់រដ្ឋ ឆ្លងតាមបណ្តាកម្មវិធីគោលដៅជាតិដូចជា កសាងជនបទថ្មីខ្នាតគំរូ កាត់បន្ថយភាពក្រីក្រ និងសុខុមាលភាពសង្គមចីរភាព។ល។ បង្កលក្ខណៈដើម្បីដោះស្រាយការងារធ្វើជូនពលករនៅជនបទដែលនៅទំនេរសម្រេចជាង ៨៥% ចំនួនពលករដែលស្ថិតក្នុងវ័យពលកម្ម។ ប្រភពចំណូលមធ្យមរបស់មនុស្សម្នាក់សម្រេច ៥០,២៦ លានដុងក្នុងមួយឆ្នាំ អត្រាគ្រួសារក្រីក្របានកាត់បន្ថយរាល់ឆ្នាំ បច្ចុប្បន្នភូមិនៅមានគ្រួសារក្រីក្រតែ ០៦ គ្រួប៉ុណ្ណោះ។ ទន្ទឹមជាមួយការស្វែងរកការងារធ្វើជូនពលករដែលនៅទំនេរ ភូមិនៅទាំងបំផុសចលនាប្រជាជនបង្វែរដីផលិតស្រូវមិនសូវមានផលជិត ៤០ ហិកតាមកដាំដូង និង ៣០ ហិកតាដាំដំណាំឆ្លាស់និងដាំស្មៅចិញ្ចឹមគោមេជាង ៥០០ ក្បាល។

នៅពេលខាងមុខសាខាបក្សភូមិឌិញភូតឹង នឹងបន្តផ្សព្វផ្សាយ អនុវត្តសារាចរលេខ ០៥ ស្តីពីជំរុញមាំការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញក្នុងកម្មាភិបាល​បក្ខជន និងប្រជាជនពង្រីកល្អតួនាទី ស្មារតីទទួលបន្ទុករបស់កម្មាភិបាលបក្ខជន ដើម្បីបង្កភាពរាលដាលក្នុងទូទាំងប្រជាជន និងរួមចំណែកកសាងសាខាបក្សភូមិឲ្យកាន់តែស្អាតស្អំរឹងមាំ៕

អត្ថបទ-រូបថត៖ សុខា