រៀនសូត្រ និងធ្វើតាមអ៊ំហូ រួមចំណែកនាំយកសេចក្តីសម្រេចចិត្តរបស់បក្សចូលក្នុងជីវភាព

លោកង្វៀងខាញ់ហ្វា លេខាគណៈកម្មាធិការបក្សឃុំង៉ាយស្វៀងឱ្យដឹងថា៖ អស់រយៈកាល ០៥ ឆ្នាំកន្លងដែលអនុវត្តសារាចរលេខ ០៥-CT/TW របស់ការិយាល័យនយោបាយ ភ្ជាប់ជាមួយការអនុវត្តន៍សេចក្តីសម្រេចចិត្តសន្និបាតមជ្ឈិមបក្សលើកទី ៤ និងអនុវត្តចលនាកសាងជនបទថ្មី គណៈកម្មាធិការបក្សឃុំ និងបណ្តាអង្គការមហាជន បណ្តាសាខាបក្សភូមិ បានទទួលស្គាល់ ​និងវាយតម្លៃខ្ពស់ចំពោះការផ្តុំកម្លាំង ដឹកនាំចង្អុលការទាន់ពេល​ និងដោះស្រាយមានប្រសិទ្ធភាពបញ្ហាស្មុគស្មាញ  តក់ក្រហល់នៅលើភូមិសាស្ត្រឃុំដូ​ចជា៖ អនុវត្តសារាចរលេខ ១៥ របស់គណៈអចិន្ត្រៃយ៍នៃគណៈកម្មាធិការបក្សខេត្ត ស្តីពីការដោះស្រាយទាន់ពេលបញ្ហាទន្ទ្រានមកលើផ្លូវថ្នល់ កសាងមកវិញសោភណភាពបរិស្ថាន និងប្តេជ្ញាចិត្ត អនុវត្តជោគជ័យការកសាងឃុំវប្បធម៌‑ជនបទថ្មី។ ឃុំចាត់តាំងអនុវត្តមានប្រសិទ្ធភាពភារកិច្ច ពង្រីកសេដ្ឋកិច្ច-សង្គមនៅមូលដ្ឋាន កសាងបក្ខភាគឲ្យកាន់តែស្អាតស្អំរឹងមាំ។ ឆ្លងតាមកិច្ច ចលនាបង្កបានភាពស្រុះស្រួលឯកភាពតាំងពីសតិអារម្មណ៍ និងទង្វើប្រចាំថ្ងៃ របស់កម្មាភិបាល បក្ខជន និងប្រជាជន ជាពិសេសគឺព្រះសង្ឃ និងពុទ្ធបរិស័ទ ជនរួមជាតិខ្មែរ។ ចលនាបានរួមចំណែកនាំយកសេចក្តីសម្រេចចិត្តមហាសន្និបាតលើកទី ១៣ សេចក្តីសម្រេចចិត្តមហាសន្និបាតបក្ខភាគខេត្តត្រាវិញលើកទី ១១ សេចក្តីសម្រេចចិត្តមហាសន្និបាតបក្ខភាគស្រុក និងឃុំចូលក្នុងជីវភាព។

ពិធីចេញបង្ហាញមុខក្លឹបពង្រីកតួនាទីរបស់ជនរួមជាតិខ្មែរក្នុងការរក្សាសន្តិសុខសណ្តាប់ធ្នាប់។

ផ្តើមពីអនុវត្តផ្សព្វផ្សាយការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ គិតមកដល់បច្ចុប្បន្ននេះ ឃុំង៉ាយស្វៀង កសាងបានបណ្តាទម្រង់ មានប្រសិទ្ធភាពដូចជា៖ ទម្រង់ “សមាគមកសិករចូលរួមការពារបរិស្ថានជនបទ”។ ឆ្លងតាមទម្រង់ប្រមូលសំរាមកសិកម្ម បណ្តាសមាជិកចូលរួមក្នុងទម្រង់បានចូលរួមវគ្គហ្វឹកហាត់ការពារបរិស្ថាន។ ទន្ទឹមជាមួយនឹងនោះ ទម្រង់បានគួបផ្សំជាមួយបណ្តាវិធីសាស្ត្រកាត់បន្ថយប្រាក់ចំណាយក្នុងការផលិត ប្រើជី វិនិច្ឆ័យជំងឺ ដង្គូវ ក្រាលើវាលស្រែ។ល។ អាស្រ័យអនុវត្តបណ្តាវិធីសាស្ត្រ ដែលបានផ្សព្វផ្សាយនោះ ញ៉ាំងឱ្យប្រជាកសិករចូលរួមក្នុងទម្រង់កាត់បន្ថយចំនួនស្រូវពូជក្នុងមួយហិកតាបាន ១០០ គីឡូក្រាម​ និងប្រភពចំណូលបានកើនឡើងពី ០២‑០៣ លានដុង។ ទម្រង់ “ផ្សព្វផ្សាយអប់រំច្បាប់ និងអប់រំមុខសញ្ញាក្នុងសហគមន៍ជនរួមជាតិខ្មែរ” បានរួមចំណែកលើកកម្ពស់ចំណេះដឹងរបស់ប្រជាជនស្តីពីគោលការណ៍ គោលមាគ៌ា គោលនយោបាយរបស់បក្ស ក្រឹត្យច្បាប់របស់រដ្ឋទៅក្នុងជីវភាព ជាពិសេសគឺតំបន់ដែលមានជនរួមជាតិខ្មែររស់នៅច្រើនកុះករ។ ផ្តើមពីនោះ បង្កបានភាពស្និទ្ធស្នាល រវាងរដ្ឋអំណាចមូលដ្ឋាន និងព្រះសង្ឃ គណៈអារាម្មាភិបាលបណ្តាវត្តខ្មែរនៅលើភូមិសាស្ត្រឃុំពង្រឹង និងពង្រីកផែនមហាសាមគ្គីរវាងជនជាតិខ្មែរ-កិញ។

លោកង្វៀងខាញ់ហ្វា (ខាងឆ្វេង) ត្រួតពិនិត្យការអនុវត្តន៍សេចក្តីសម្រេចចិត្តសាខាបក្ស។

លោកថាច់ធី ប្រធានគណៈកម្មការប្រជាជនភូមិស្វាយសៀម (ឃុំង៉ាយស្វៀង) ឱ្យដឹងថា៖ ក្នុងទូទាំងភូមិស្វាយសៀម មានគ្រួសារប្រជាជនចំនួន ៥៩៧ គ្រួសារ ក្នុងនោះជនរួមជាតិខ្មែរមានអត្រាជាង ៦០%។ ​សាខាបក្សភូមិមានបក្ខជន ៣២ នាក់។ ពង្រីកតួនាទីជាគោលនយោបាយស្នូល ជារៀងរាល់ឆ្នាំ យោងលើសេចក្តីសម្រេចចិត្តរបស់គណៈកម្មាធិការបក្សឃុំ បណ្តាផែនការរបស់គណៈកម្មាធិការប្រជាជនឃុំ ស្តីពីកម្រិតផែនការពង្រីកសេដ្ឋកិច្ច-សង្គម សាខាបក្សភូមិបានកសាងសេចក្តីសម្រេចចិត្តជាលម្អិត ដើម្បីងាយអនុវត្ត។ ក្នុងឆ្នាំ ២០២២ នេះ សាខាបក្សសកម្មដឹកនាំ ចង្អុលការប្រជា ជនពង្រីកសេដ្ឋកិច្ច-សង្គម កាត់បន្ថយភាពក្រីក្រ ចីរភាព បន្តពង្រឹង និងពង្រីកក្រុមចិញ្ចឹមគោមេ និងផលិតស្រូវគុណភាពខ្ពស់ កសាងភូមិជនបទថ្មីខ្នាតគំរូ។ ដើម្បីលើកកម្ពស់គុណភាពការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ សាខាបក្សបានផ្សព្វផ្សាយដល់កម្មាភិបាល បក្ខជន និងប្រជាជន តាមរយៈការប្រជុំសាខាបក្សប្រចាំខែ​ប្រជុំជីវភាពក្រុម ស្វ័យគ្រប់គ្រង ប្រជុំក្លឹប។ល។ ភ្ជាប់ជាមួយនឹងអនុវត្តល្អ បណ្តាចលនាបដិវត្តន៍នៅមូលដ្ឋាន។ ក្នុងនោះភ្ជាប់ការ “ធ្វើតាមអ៊ំហូ” របស់សមូហភាពសាខាបក្ស និងបុគ្គលគ្រប់រូបទៅក្នុងភារកិច្ចជាក់ស្តែង សមស្របជាមួយលក្ខណៈ​របស់ភូមិក្រីក្រដែលមានជនរួមជាតិខ្មែររស់នៅច្រើនកុះករ។

យោងទៅតាមគោលដៅខិតខំសម្រេចជាឃុំជនបទថ្មីក្នុងឆ្នាំ ២០២២ បក្ខភាគឃុំង៉ាយស្វៀងបន្តបំផុសចលនា និងអនុវត្តបណ្តាសំណង់ ពោរពេញដោយអត្ថន័យ “ គោលគំនិតរបស់បក្ស-ទឹកចិត្តតរបស់ប្រជាជន” ឆ្លងតាមនោះ បង្កបានការស្រុះស្រួលឯកភាពរបស់ប្រជាជនក្នុងការអនុវត្តន៍គោលការណ៍ផ្លាស់ប្តូររចនាសម្ព័ន្ធផលិតដំណាំ សត្វចិញ្ចឹម ដើម្បីបង្កើនប្រសិទ្ធភាពសេដ្ឋកិច្ចនៅលើអង្គភាពផ្ទៃដីផលិតតែមួយ។ ទន្ទឹមនឹងនោះ ឃុំចាត់តាំងផ្សព្វផ្សាយចលនាចូលរួមវិភាគទានរបស់ប្រជាជនក្នុងការកសាងហេដ្ឋារចនាសម្ព័ន្ធ គមនាគមន៍ជនបទនៅលើភូមិសាស្ត្រឃុំ ដើម្បីរួមចំណែក​កសាងជនបទថ្មី និងប្តេជ្ញាចិត្តរក្សាខ្ជាប់ស្នាដៃឆ្នើមក្នុងបណ្តាឆ្នាំមុនៗ នោះគឺ​បក្ខភាគសម្រេចឆ្នើម ភារ កិច្ចឆ្នាំ ២០២២ នេះ៕

អត្ថបទ‑រូបថត៖ សុខា