ឃុំភូកឹង នាំយកសេចក្តីសម្រេចចិត្តចូលក្នុងជីវភាព

លោកស្រីហ្វិញធីអ៊ឹង អនុប្រធានគណៈកម្មាធិការប្រជាជន អនុប្រធានគណៈចង្អុលការបង្ការ ទប់ស្កាត់អាសន្នរោគកូវីដ‑១៩ ឃុំភូកឹងបានឱ្យដឹង៖ ភូកឹងកំពុងបង្កើនការងារបំផុសចលនាប្រជាជនអនុវត្តបណ្តាវិធានការបង្ការ ទប់ស្កាត់អាសន្នរោគកូវីដ‑១៩ ដើម្បីការពារតំបន់បៃតងរបស់មូលដ្ឋាន។ ទន្ទឹមនឹងនោះ អនុវត្តសេចក្ដីសម្រេចចិត្តលេខ ១២៨ មូលដ្ឋានក៏បំផុសចលនាប្រជាជនស្ដារការផលិត ធ្វើអាជីវកម្មសមស្របជាមួយស្ថានភាពថ្មី យកចិត្តទុកដាក់ឧបត្ថម្ភបណ្តាពលករដែលត្រូវរងឥទ្ធិពលការងារធ្វើដោយអាសន្នរោគកូវីដ​‑១៩ រួមចំណែកបង្កើនប្រាក់ចំណូលជូនប្រជាជន លំនឹងជីវភាព ។ បច្ចុប្បន្ន មូលដ្ឋានផលិតជាច្រើនបានវិលត្រឡប់មកសភាពធម្មតាថ្មី សហករណ៍ ២ កន្លែងលើភូមិ​សាស្រ្ត រួមមាន៖ សហករណ៍កសិកម្មភូកឹង និងសហករណ៍សាងសង់ភូកឹង នៅតែរក្សាសកម្មភាព រួមចំណែកស្ដារការផលិត ដោះស្រាយការងារជូនពលករមូលដ្ឋានជាច្រើននាក់។ អនុវត្តល្អសេចក្តីសម្រេចចិត្តលេខ ១២៨ គឺដើម្បីគោលដៅការពារសុខភាព អាយុជីវិតរបស់ប្រជាជនដល់កម្រិតអតិបរមា កាត់បន្ថយដល់កម្រិតទាបបំផុតបណ្តាករណីកើតជំងឺ ករណីក្លាយទៅជាធ្ងន់ធ្ងរ បាត់បង់ជីវិតអាស្រ័យកូវីដ‑១៩ ស្ដារ និងពង្រីកសេដ្ឋ កិច្ច‑សង្គម ធានាសន្តិសុខ សណ្ដាប់ធ្នាប់ សុវត្ថិភាពសង្គមក្នុងស្ថានភាពថ្មី។

បងថាច់សេ (ស្ដាំ)ជួយសមាជិកសហករណ៍នាំយកស្រូវពូជទៅផលិត។

អនុវត្តការពង្រីកសេដ្ឋកិច្ចក្នុងស្ថានភាពថ្មី ប្រជាជនបានធ្វើដំណើរទៅមកដោយសេរីក្នុងទំនាក់ទំនងជួញដូរបណ្តាមុខទំនិញ ពលកម្ម ផលិត។ ចំពោះបណ្តាមូលដ្ឋានផលិត អាជីវកម្ម ផ្សារ។ល។ តែងកសាងកន្លែងសម្រាប់​បោសលេខកូដ QR ដើម្បីក្ដាប់យកស្ថានភាពដែលជាប់ទាក់ទងដល់ការបង្ការ ទប់ស្កាត់អាសន្នរោគ ជួយឱ្យប្រជាជនបាននឹងនរចិត្តពេលដែលអាសន្នរោគកាន់តែបានត្រួតពិនិត្យ។

ការរក្សាបណ្តាទម្រង់ផលិតលើភូមិសាស្រ្ត គឺជាការជួយឱ្យប្រជាជនងាយស្រួលក្នុងការស្ដារការផលិតក្នុងសភាពធម្មតាថ្មី។ បងថាច់សេ នៅភូមិកូវត្រែ ជាសមាជិកផលិតស្រូវក្នុងវាលស្រែធំរបស់ឃុំភូកឹងបានឱ្យដឹងថា៖ ក្នុងការផលិត យើងខ្ញុំ​តែងចុះកិច្ចសន្យាជាមួយសហករណ៍កសិកម្មភូកឹង ដើម្បីទទួលស្រូវពូជយកទៅជូនដល់មាមីងប្រជាកសិករ។ ជាមួយបំណងផ្សារភ្ជាប់ជាមួយប្រជាកសិករ សហករណ៍តែងពង្រីកល្អកិត្យានុភាព ក្នុងនោះមានការផ្គត់ផ្គង់ពូជដែលមានគុណភាពដើម្បីមាមីងបានស្ងប់ចិត្តក្នុងការផលិត។ ក្រៅពីគិតគូរពូជស្រូវប្រកបដោយគុណភាពសម្រាប់មាមីង មូលដ្ឋាននៅទាំងរក្សាសកម្មភាពប្រឡាយវាលស្រែបានល្អ ក្នុងនោះមានប្រព័ន្ធប្រឡាយបេតុង​អណ្ដែត ធានាបានប្រភពទឹកបម្រើឱ្យការស្រោច ស្រពស្រូវរបស់មាមីងលើភូមិសាស្រ្ត។

ម៉ាស៊ីនមូរចំបើង។

ក្នុងរដូវស្រូវវស្សាឆ្នាំ ២០២១ មាមីងកសិករឃុំភូកឹង ចុះពូជផលិតបានចំនួន ១.៥២០ ហិកតា។​ អាស្រ័យរងឥទ្ធិពលដោយអាសកាសធាតុ ទិន្នផលសម្រេចគិតជាមធ្យម​ប្រមាណ ៥,៨ តោនក្នុងមួយហិកតា ទាបជាង ០,៦ តោន ប្រៀបជាមួយរដូវតែមួយនៃឆ្នាំកន្លង។ មូលដ្ឋានកសាងប្រតិទិនចុះពូជផលិតស្រូវរដូវសម្រកជូនមាមីងកសិករចាប់ពីថ្ងៃទី ១ ខែធ្នូដល់ថ្ងៃ ទី ១២ ខែធ្នូ ឆ្នាំ ២០២១ គឺចុះពូជស្រូវរដូវ សម្រកឆ្នាំ ២០២១‑២០២២ ឱ្យបានសម្រេច រួចរាល់ ទន្ទឹមនឹងនោះ ចង្អុលការដល់ផ្នែកពាក់ព័ន្ធរួមដំណើរជាមួយប្រជាកសិករដើម្បីជួយឱ្យមាមីងផលិតស្រូវរដូវសម្រកទទួលបានជោគជ័យ សម្រេចបានទិន្នផលខ្ពស់ជាង៕

‑ គិតដល់វេលាម៉ោង ១០ ថ្ងៃទី ១ ខែធ្នូ ឆ្នាំ ២០២១ លើភូមិសាស្រ្តឃុំភូកឹងទទួលប្រជាជនចំនួន ១.២៧១ នាក់មករបាយការណ៍សុខាភិបាល ក្នុងនោះមាន ៤៦០ នាក់ជាអ្នកមកពីក្រៅខេត្ត។ ១២៤ នាក់ប៉ះពាល់ផ្ទាល់ជាមួយ F០។ កត់សម្គាល់ករណី F០ ចំនួន ៣៥ នាក់ និងបានព្យាបាលជាសះស្បើយចំនួន ២៧ នាក់ កំពុងព្យាបាល ៨ នាក់។ ៦៨៧ នាក់ ប៉ះពាល់ផ្ទាល់ជាមួយ  F១។

​‑ គណៈកម្មាធិការប្រជាជនឃុំ ចេញសេចក្ដីសម្រេចចិត្ត ធ្វើចត្តាឡីស័កនៅនឹងផ្ទះឱ្យប្រជាជន ៧០៩ នាក់ បច្ចុប្បន្ន​នៅមនុស្សចំនួន ១៤៣ នាក់កំពុងអនុវត្តធ្វើចត្តាឡីស័ក។

‑  អនុវត្តការចាក់វ៉ាក់សាំងបង្ការកូវីដ‑១៩ ជូនប្រជាជន គិតមកទល់ពេលនេះ​មានប្រជា ៨.០៥៦ នាក់បានចាក់វ៉ាក់សាំង ក្នុងនោះចាក់ម្ជុលទី ១ សម្រាប់អ្នកពីគ្រប់ អាយុ ១៨ ឆ្នាំឡើង ទៅចំនួន ៥៨៨ នាក់ ចាក់ម្ជុលទី ២ មានចំនួន ៦.៦០០ នាក់។ ចាក់វ៉ាក់សាំងសម្រាប់អ្នក មានអាយុពី ១២‑១៧ ឆ្នាំមានចំនួន ៨៦៨ នាក់។ នៅប្រជាជនចំនួន ២.១៥៣ នាក់ទៀត មិនទាន់បានចាក់ ក្នុងនោះអ្នកមានអាយុពី ១២‑១៧ ចំនួន ១.២៧៨ នាក់ អាយុពី ១៨ ឆ្នាំ ឡើងទៅចំនួន ៨៧៥ នាក់៕

អត្ថបទ‑រូបថត៖ ថាច់សម្បត្តិ