អនុវត្តសារាចរលេខ ១៥៖ ជួយឱ្យបរិស្ថានជនបទបានស្រស់ស្អាតជាង

         ឃុំតឹបស៊ើង ស្រុកថ្កូវ ជាឃុំមួយក្នុងចំណោមឃុំដែលអនុវត្តល្អសារាចរលេខ ១៥ និងផែនការលេខ ០១។ គិតដោយឡែកតែក្នុងឆ្នាំ ២០២០ មូលដ្ឋានចាត់តាំងផ្សព្វផ្សាយគួបផ្សំបានជាង ៤០០ លើក ដោយមានប្រជាជនជាង ១៦.០០០ លើកនាក់ចូលរួម។ ឆ្លងតាមរយៈការផ្សព្វផ្សាយ​ បានជួយឱ្យប្រជាជនលើកកម្ពស់ស្មារតីក្នុងការកសាងបណ្តាសំណង់ កែលម្អផ្ទះសម្បែង​ តំបន់អាសយជន អនាម័យបរិស្ថាន។ល។ ទន្ទឹមនឹងនោះ បណ្តាអង្គការមហាជនឃុំតឹបស៊ើងបានចេញទ័ពប្រមូលសំរាមម្តងក្នុងមួយសប្តាហ៍ ប្រមូលសំរាមបានជិត ១០ តោន ដោះស្លាកផ្សព្វផ្សាយពាណិជ្ជកម្ម ផ្ទាំងរបាំងទៅលើចិញ្ចើមថ្នល់ បាំងប្រយោលភ្នែក រៀបចំឡើងវិញសណ្តាប់ធ្នាប់នៅបណ្តាតំបន់អាសយជន។ ក្រៅពីនោះ បណ្តាអង្គការមហាជននៅទាំងបំផុសចលនាបណ្តាគ្រួសារប្រជាជនដាំផ្កាកណ្តឹងលឿង និងឈើបៃតងបណ្តាប្រភេទបានជាង ៨០០ ដើមប្របតាមផ្លូវជាតិ ផ្លូវជនបទលើភូមិសាស្រ្ត បង្កសម្រស់ឲ្យបណ្តាដងផ្លូវ។

តំណាងបណ្តាអង្គការមហាជនចូលរួមដាំផ្កា។

         លោកស្រីង្វៀងធីថាញ់ថាវ អនុប្រធានគណៈកម្មាធិការប្រជាជនឃុំតឹបស៊ើងបានឱ្យដឹង៖ សារាចរលេខ ១៥ របស់គណៈអចិន្ត្រៃយ៍នៃគណៈកម្មាធិការបក្សខេត្ត និងផែនការលេខ ០១ របស់គណៈកម្មាធិការប្រជាជនខេត្តដោះស្រាយបានក្តីតប់ប្រមល់ ការលាតត្រដាងរបស់ប្រជាជនស្តីពីសណ្តាប់ធ្នាប់សាងសង់ ក៏ដូចជាបញ្ហាសំរាម។ កាលពីមុន ស្មារតីយល់ដឹងក្នុងកិច្ចការពារបរិស្ថានរបស់ប្រជាជនមិនទាន់ខ្ពស់ ម៉្លោះហើយសំរាមច្រើនចាក់ចោលតែពាសធ្វើឱ្យឥទ្ធិពលដល់បរិស្ថានផង ជាប្រភពបង្កពន្លកជំងឺផង។ ឆ្លងតាមរយៈការអនុវត្តន៍សារាចរលេខ ១៥ នោះ បណ្តាអង្គការមហាជនគឺជាកងកម្លាំងឈានមុខ ជារៀងរាល់សប្តាហ៍កងកម្លាំងនេះដាក់ចេញផែនការធ្វើអនាម័យបណ្តាដងផ្លូវដោយរបៀបដើរប្រមូលបណ្តាថង់ជ័រ ដបជ័រ។ល។ កាត់រំលស់ជាញឹកញាប់បណ្តាមែកឈើលើបណ្តាដងផ្លូវធ្វើឱ្យបាំងប្រយោលភ្នែក។ ឃើញបានពីទង្វើជាក់ស្តែងរបស់បណ្តាអង្គការមហាជននោះ ប្រជាជនក៏ផ្លាស់ប្តូរទម្លាប់រស់នៅរបស់ខ្លួនជាបណ្តើរៗ ចេះប្រមូលសំរាមចាក់នៅកន្លែងដែលបានកំណត់ កាត់បន្ថយដល់កម្រិតទាបបំផុតពីការឥទ្ធិពលដល់បរិស្ថាន។

         ភ្ជាប់ជាមួយការអនុវត្តន៍សារាចរលេខ ១៥ និងផែនការលេខ ០១ បណ្តាអង្គការមហាជន ក្នុងនោះមានសមាគមសហព័ន្ធនារីបានបំផុសចលនាបណ្តាបងប្អូននារីអនុវត្តល្អទម្រង់ “គ្មាន ៥ យ៉ាង ជ្រះ ៣ យ៉ាង” ជួយឱ្យការគ្រប់គ្រងគ្រួសារ និងរបៀបរៀបរយប្រជុំជីវភាពក្នុងបងប្អូននារីកាន់តែបានល្អប្រសើរជាង។ ជាក់ស្តែង សាខាសមាគមនារីភូមិស្លែងចាស់បានបំផុសចលនាគ្រួសារបងប្អូននារីជាង ២០០ គ្រួអនុវត្តល្អទម្រង់ “គ្មាន៥យ៉ាង ជ្រះ ៣ យ៉ាង” បានគណៈចង្អុលការកសាងជនបទថ្មីឃុំវាយតម្លៃខ្ពស់។

        បងស្រីសឺនធីយ្វៀង សមាជិកាសាខាសមាគមភូមិស្លែងចាស់បានឱ្យដឹងថា៖ ​ចូលរួមជាមួយចលនានារីទើបកំណត់ដឹងបានពីសិទ្ធិប្រយោជន៍សម្រាប់គ្រួសារនិងសហគមន៍អាសយជន។ កាលពីមុន បងប្អូននារីជាច្រើនបានត្រឹមតែរំពឹងគិត ការងារអ្នកណាអ្នកនោះធ្វើ កូនអ្នកណាអ្នកនោះគ្រប់គ្រង ប្រជុំជីវភាពគ្រួសារអ្នកណាអ្នកនោះគិត។ល។ អាស្រ័យហេតុនោះជួនកាលបណ្តាទង្វើរបស់ខ្លួនឯងប៉ះពាល់ដល់បណ្តាគ្រួសារជិតខាង​ បង្កជាក្តីតប់ប្រមល់ដល់ប្រជាជនជាច្រើន។ ពេលចូលរួមជាមួយចលនា បងប្អូននារីរៀនសូត្រពីគ្នាទៅវិញទៅមកអំពីបទពិសោធន៍ក្នុងជីវភាព​ ចេះចែករំលែកភាពលំបាក ងាយស្រួលដល់គ្នីគ្នា។ ផ្តើមពីនោះបងប្អូននារីកាន់តែមានភាពជឿនលឿនលើបណ្តាវិស័យ ក្នុងនោះមានភាពសកម្មអនុវត្តសារាចរលេខ ១៥ និងផែនការលេខ ០១ ជួយឱ្យភូមិរក្សាបានបណ្តាលក្ខឋានស្តីពីគ្រួសារវប្បធម៌ ជនបទជនបទថ្មីដែលបានទទួលស្គាល់។

         រួមសកម្មភាពជាមួយបងប្អូននារី បណ្តាសមាជិក-សមាជិកាអង្គការមហាជនភូមិស្លែងចាស់ដូចជា៖ សាខាសមាគមកសិករ សាខាសមាគមអតីតយុទ្ធជន សាខាសម្ព័ន្ធយុវជនភូមិក៏កសាងផែនការចេញទ័ពប្រមូលសំរាមជារៀងរាល់សប្តាហ៍ ដោយការប្រមូលសំរាមក្នុងមួយលើកៗគិតជាមធ្យមប្រមាណ ៤០ គីឡូក្រាម បង្កបានជារូបភាពស្អាតក្នុងភ្នែកប្រជាជនដើម្បីប្រជាជនត្រាបតាមអំពីការប្រមូលសំរាមនៅលើភូមិសាស្រ្តភូមិ៕   

អត្ថបទ-រូបថត៖ ថាច់សម្បត្តិ