សហជីពអគ្គិសនីវៀតណាមបិទស្លាកផ្ទះសុខដុមសហជីពជូនសមាជិកសហជីពក្រុមហ៊ុនអគ្គិសនីត្រាវិញ

ពិធីជូនផ្ទះសុខដុមដល់សមាជិកសហជីពផាមវុាំងភឿង។

​         កាលពីថ្ងៃទី ១៦ កញ្ញា សហជីពអគ្គិសនីវៀតណាមចាត់តាំងពិធីបិទស្លាកផ្ទះសុខដុមសហជីពជូនសមាជិកសហជីពផាមវុាំងភឿង បុគ្គលិកអគ្គិសនីកូវកែ។ ចូលរួមពិធីនេះមានលោកអួងក្វាងហ្វីសមាជិកអចិន្រ្ដៃយ៍ ប្រធានគណៈគោលនយោបាយ - ច្បាប់នៃសហជីពអគ្គិសនីវៀតណាម លោកឡេស្វឹងថាយប្រធានសហជីពអគ្គក្រុមហ៊ុនអគ្គិសនីភាគខាងត្បូង លោកវិញជីហាយ នាយកក្រុមហ៊ុនអគ្គិសនីត្រាវិញ គណៈអចិន្រ្ដៃយ៍​សហជីពក្រុមហ៊ុនអគ្គិសនីត្រាវិញ និងអគ្គិសនី​កូវកែ។
             បងផាមវុាំងភឿង កើតឆ្នាំ ១៩៨៣ ជាកម្មករ ក្រុមគ្រប់គ្រងបញ្ជាការចរន្តអគ្គិសនីនិងដំណាក់បំបែរថាមពលអគ្គិសនីកូវកែ ក្រុមហ៊ុនអគ្គិសនីត្រាវិញ មានពេលវេលាបំពេញការងារក្នុងផ្នែកអគ្គិសនីជាង ១១ ឆ្នាំកន្លង (ពីខែកក្កដាឆ្នាំ ២០០៩ មកទល់ពេលនេះ)។ បងភឿងជាពលករសំខាន់ ក្នុងគ្រួសារ អាស្រ័យទំនុកបម្រុងឪពុកម្ដាយមានវ័យចាស់អស់កម្លាំងពលកម្ម និងព្យាបាលជំងឺ ម៉្លោះហើយសេដ្ឋកិច្ចគ្រួសារជួបការលំបាកច្រើន មិនគ្រប់លទ្ធភាពសាងសង់ផ្ទះថ្មីរឹងមាំ។ បានការឧបត្ថម្ភពីសំណាក់សហជីពអគ្គិសនីវៀតណាម ផ្ទះរបស់បងផាមវុាំងភឿងបើកការដ្ឋាន សាងសង់នៅថ្ងៃទី ២៨ មេសា​ ឆ្នាំ ២០២០ បច្ចុ​ប្បន្នបានសាងសង់សម្រេចសរុបថវិកាសាងសង់ ១៨២ លានដុងក្នុងនោះ ចំណែកឧបត្ថម្ភ ពីកម្មវិធី “ផ្ទះសុខដុមសហជីព” ៦០ លានដុង ក្រៅពីនោះ អាស្រ័យឪពុកម្ដាយទាំងសងខាងឧបត្ថម្ភ។ ផ្ទះសង់លើដីធារ ១៥០ ម៉ែត្រក្រឡា (ទទឹង ០៥ ម៉ែត្រ បណ្ដោយ ៣០ ម៉ែត្រ) សសរបេតុង ធារក្រាលថ្ម ជញ្ជាំងឥដ្ឋ ដំបូលប្រក់ សង្កសី។
          ថ្លែងយោបល់ក្នុងពីធីនេះ លោកអួងក្វាងហ្វីជំនួសមុខឲ្យគណៈអចិន្រ្ដៃយ៍សហជីពអគ្គិសនីវៀតណាមជូនពរដល់បងផាមវុាំងភឿងមានលំនៅឋានថ្មីរឹងមាំសម្រាប់ស្នាក់អាស្រ័យ​ ហើយសង្ឃឹមថាបងនឹងបន្តខិតខំឈានឡើង ក្នុងជីវភាព លើកទឹកចិត្តឲ្យបងសម្រេចល្អការងារមុខ ជំនាញ ដើម្បីមិនឲ្យខកចិត្តកម្មករនិយោជិតពលករផ្នែកអគ្គិសនីដែលរួមវិភាគទានឧបត្ថម្ភ។
               បណ្ដាឆ្នាំកន្លង សហជីពមូលដ្ឋានក្រុមហ៊ុនអគ្គិសនីត្រាវិញ តែងយកចិត្តទុកដាក់ចង្អុលការដល់បណ្ដាក្រុមសហជីពតាមដានក្ដាប់ស្ថានភាព រួចស្នើឡើងទាន់ពេលដល់សហជីពអគ្គិសនីភាគខាងត្បូង ដោះស្រាយទុក្ខលំបាកទាន់ពេលជូន ពលករអំពីលំនៅឋាន។ តាមសំដីរបស់លោកដាំងហ្វីហ្វាង អនុប្រធានសហជីពក្រុមហ៊ុនអគ្គិសនីត្រាវិញ៖ នេះជាផ្ទះទី ៥០ ដែលសហជីព អគ្គិសនីវៀតណាម​ចាត់តាំងប្រគល់ជូនដល់សមាជិកសហជីពក្រុមហ៊ុនអគ្គិសនីត្រាវិញ៕

 ហ្វីហ្វាង-ថាច់ហ្វាង