ប្រសិទ្ធភាពពីប្រព័ន្ធឧគ្ឃោសនស័ព្ទ

   កាលពីមុន ប្រព័ន្ធឧគ្ឃោសនស័ព្ទបានត្រឹមតែភ្ជាប់ដោយឧបករណ៍ផ្សាយសំឡេងធម្មតា ដល់ម៉ោងក៏មានអ្នកទទួលបន្ទុកបើកឡើង រួចបន្តសំឡេងពីបណ្តាស្ថានីយវិទ្យុដូចជា៖ វិទ្យុផ្សាយសំឡេងវៀតណាម វិទ្យុផ្សាយសំឡេងខេត្តត្រាវិញស្ថានីយបន្តសំឡេងរបស់ស្រុក។បច្ចុប្បន្នបណ្តាឧបករណ៍ទាំងនោះបានបង្វែរមកភ្ជាប់ដោយប្រព័ន្ធផ្សាយស័្វយប្រវត្តិ។ ឱ្យតែដល់ម៉ោង៥ និង៣០នាទីព្រឹក និងម៉ោង៥រសៀលគឺឧបករណ៍ផ្សាយស្វ័យប្រវត្តិបើកឡើងរួចផ្សាយសំឡេង។ មីងថាច់ធីហាយនៅភូមិចុងផ្នោរឃុំធ្វឹងហ្វាបានឱ្យដឹងថា៖ជារៀងរាល់ថ្ងៃនៅពេលព្រឹកនិងរសៀលខ្ញុំតែងបម្រុងពេលស្តាប់បណ្តាព័ត៌មាននៅលើឧគ្ឃោសនស័ព្ទរបស់ភូមិហើយចាត់ទុកដូចជាស្ថានីយមួយក្នុងបណ្តាស្ថានីយជួយឱ្យប្រជាជនជ្រាបដំណឹងបានច្បាស់លាស់បំផុត។ ប្រជាជនយើងខ្ញុំនៅជិតមូលដ្ឋានដែលកើតមានអាសន្នរោគអុតក្តាមលើហ្វូងគោ (វិញគីម ម៉ីឡុងបាក់) រួចបានមូលដ្ឋានផ្សាយនៅលើប្រព័ន្ធឧគ្ឃោសនស័ព្ទរបស់ភូមិ ក្រើនព្រមានឲ្យប្រុងប្រយ័ត្នជាងទៀតក្នុងការថែទាំហ្វូងគោ ជួយឱ្យយើងខ្ញុំបង្កើនការធ្វើអនាម័យរោងគោ បាញ់ថ្នាំកម្ចាត់មេរោគ ចាក់ថ្នាំបង្ការឱ្យបានគ្រប់គ្រាន់ដល់ហ្វូងគោ ធានាសុវត្ថិភាពដល់ការចិញ្ចឹមសត្វ។ អំពីការផលិតកសិកម្ម​ឱ្យតែដល់ពេលចុះពូជស្រូវក៏មានប្រតិទិនចុះពូជផ្សាយលើឧគ្ឃោសនស័ព្ទរបស់ភូមិ ម៉្លោះហើយប្រជាជន  ម្ចាស់ការគ្រប់គ្រងវាលស្រែបានល្អជាង។

ឧគ្ឃោសនស័ព្ទបានដាក់ខ្ពស់ងាយស្រួលសម្រាប់ការផ្សាយសំឡេងដល់ប្រជាជន។

   បងសឺនសីហា នៅភូមិកោះសោម ឃុំធ្វឹងហ្វាក៏បានឲ្យដឹងដែរថា៖ បច្ចុប្បន្ន ពលករមួយចំនួនចំណាយពេលច្រើនក្នុងការពលកម្មមិនសូវមានពេលមើលទូរទស្សន៍ ម៉្លោះហើយការស្តាប់ព័ត៌មានតាមរយៈប្រព័ន្ធផ្សាយសំឡេងរបស់ភូមិដោយរបៀបធ្វើការងារបណ្តើរ ស្តាប់ការផ្សាយសំឡេងបណ្តើរគឺជាសារៈសំខាន់។ ខ្លឹមសារជាច្រើនទាក់ទងដល់ជីវភាពសង្គមតែងមាននៅលើឧគ្ឃោសនស័ព្ទរបស់ភូមិ។ ការផ្សព្វផ្សាយអំពីការបង្ការ បង្ក្រាបបណ្តាបទល្មើសអបាយមុខសង្គមក៏តែងបានផ្សាយជាប្រការជួយឱ្យប្រជាជនមានការប្រុងប្រយ័ត្នអំពីសម្មភាពរបស់ពួកជនល្មើស។

  លោកថាច់ថ្លាអនុប្រធានគណៈកម្មាធិការប្រជាជនឃុំធ្វឹងហ្វាបានឱ្យដឹងថា៖ បានការឯកភាពពីសំណាក់គណៈកម្មាធិការបក្សគណៈកម្មាធិការប្រជាជនឃុំតម្រូវឱ្យកម្មាភិបាលមួយរូបទទួលបន្ទុកតាមដានប្រសិនបើពិនិត្យឃើញឧបករណ៍បម្រើឱ្យការបន្តសំឡេងត្រូវខូចនោះស្នើជួសជុលជាបន្ទាន់។ ពីព្រោះនេះជាប៉ុស្តបន្តសំឡេងរបស់បណ្តាស្ថានីយក្នុងនោះក៏មានការតភ្ជាប់ឧបករណ៍បន្តសំឡេងរបស់មូលដ្ឋានសំដៅផ្សាយដំណឹងមួយចំនួនទាក់ទងដល់មូលដ្ឋាននិងប្រជាជន ។

   ដើម្បីជួយឱ្យប្រជាជនទទួលបានដំណឹងទាន់ពេល អំពីបញ្ហាអាសន្នរោគកូវីដ-១៩ នាពេលកន្លង គណៈកម្មាធិការបក្ស គណៈកម្មាធិការប្រជាជនបានចង្អុលការឲ្យផ្សព្វផ្សាយលើដំណាក់ផ្សាយសំឡេងរបស់ឃុំបន្តទៅដល់បណ្តាភូមិលើភូមិសាស្រ្តបានជាង៦០ពេល ក្នុងមួយពេលៗផ្សាយពី ១០-១៥ នាទី។ផ្តើមពីនោះប្រជាជនមានស្មារតីភ្ញាក់រលឹកជាងក្នុងការបង្ការទប់ស្កាត់អាសន្នរោគតាមការក្រើនព្រមានរបស់ផ្នែកសុខាភិបាល ទប់ស្កាត់មានប្រសិទ្ធភាពការរីករាលដាលនៃអាសន្នរោគមកលើភូមិសាស្រ្ត៕      

អត្ថបទ-រូបថត៖ ថាច់សម្បត្តិ