ឆៃប៉ូវប្រៃចិតសារប្រជ្រេតចូលទៅក្នុងទីផ្សារក្រៅពីតំបន់ជនរួមជាតិខ្មែរ

         មើមស្ពៃប្រៃជាអាហារវិសេស របស់ស្រុកកូវកែ ខេត្តត្រាវិញ។ សព្វថ្ងៃ​ មើមស្ពៃប្រៃបានប្រជ្រេតចូលទៅក្នុងទីផ្សារក្រៅពីតំបន់ជនរួមជាតិខ្មែរ នៅភូមិតាខាវ ឃុំហ្វាអឹង​ស្រុកកូវកែ។ ​កាលពីឆ្នាំ ២០១៩ ផលិតផលមើមស្ពៃប្រៃ បានគណៈកម្មាធិការប្រជាជនខេត្ត ជូនលិខិតទទួលស្គាល់ផ្កាយ ៣ OCOP ថ្នាក់ខេត្ត។ បច្ចុប្បន្ននេះ ផលិតផលមានមុខនៅតាមផ្សារទំនើប​ មជ្ឈមណ្ឌលពាណិជ្ជកម្ម នៅក្នុងនិងក្រៅប្រទេស។ល។ សព្វថ្ងៃផ្លាកពាណិជ្ជសញ្ញាមើមស្ពៃប្រៃ របស់គ្រួសារអាជីវកម្មវឿងតៀងខាញ​បាននាយកដ្ឋានកម្មសិទ្ធិបញ្ញា (ក្រសួងវិទ្យាសាស្រ្ត និងបច្ចេកវិទ្យា) ទទួលស្គាល់ “មើមស្ពៃប្រៃវិសេសផល ស្រុកកូវកែ-ខេត្តត្រាវិញ”។

            តាមប្រសាសន៍របស់បងវឿងតៀងខាញ ជាកូនប្រុសពៅ របស់លោកតាវឿងថេហ្វា៖ កាលពីឆ្នាំ ១៩៤៧ ពេលឪពុកខ្ញុំឃ្លាតចេញពីប្រទេសចិន មកកាន់ភូមិតាខាវ ស្រុកកូវតែ ផ្តើមអាជីព​ ពេលឈានចូលដល់រដូវបុណ្យតេត គឺឈានចូលដល់រដូវប្រមូលផលមើមស្ពៃស។ ពេលនោះបរិមាណផលខ្ពស់ លក់មិនអស់ ម៉្លោះហើយគាត់គិតដល់អតិថិជនត្រូវការមើមស្ពៃប្រៃ ទើបគាត់ចាប់ផ្តើមច្នៃជាមើមស្ពៃប្រៃសម្រាប់លក់។ ក្រោយរយៈកាលរាប់សិបឆ្នាំ គ្រួសារខ្ញុំរស់ពឹងផ្អែកលើរបរច្នៃមើមស្ពៃប្រៃ។ ផ្តើមពីផលិតរាត់រាយ សន្សឹមៗ គ្រួសារខ្ញុំក៏បើកទូលាយទ្រង់ទ្រាយផលិត និងឌីប៉ូចែកចាយ ដល់បណ្តាតំបន់នៅក្នុងនឹងក្រៅស្រុក។

        ឆ្នាំ​ ២០១០ ផលិតផលមើមស្ពៃប្រៃ បានមជ្ឈមណ្ឌលជំរុញឧស្សាហពាណិជ្ជកម្ម  ឧបត្ថម្ភផ្សាយពាណិជ្ជកម្ម និងកសាងផ្លាកពាណិជ្ជសញ្ញា ។ ចំណុចពិសេសរបស់ផលិតផល គឺមិនជ្រើសមើមស្ពៃចាស់ ឬខ្ចីពេកឆ្លងតាមបណ្តាដំណាក់កាល ប្រឡាក់អំបិល​ ហាលក្តៅ ត្រាំ ច្នៃ។ល។ តែងធានាសម្បទា៖​ ក្រអូបឈ្ងុយ មិនប្រៃពេក មើមស្ពៃថ្លា​និងមិនខ្សោះ។ល។ តាមបងវឿងតៀងខាញ ចំណុចសំខាន់គឺ ក្នុងរយៈពេលហាលក្តៅ​និងជ្រើសមើមស្ពៃ គឺមានតួនាទីសំខាន់។ ធម្មតាមើមស្ពៃប្រៃត្រូវត្រាំអំបិលពី ០៣ ​ដល់ ០៥​ ថ្ងៃ ក្រោយមកទើបស្រង់ឡើងហាលក្តៅ។

       ដោយឡែកផលិតផលមើមស្ពៃប្រៃ ជារៀងរាល់ថ្ងៃត្រាំអំបិលរួចស្រេច និងយកទៅហាល ក្នុងពេលហាលក្តៅយើងត្រឡប់មើមស្ពៃ​មិនទុកឲ្យក្តៅពេក​ ធ្វើឲ្យមើមស្ពៃឆ្អិន។​ ពេលរសៀលអស់កម្ដៅថ្ងៃនឹងយកមើមស្ពៃប្រឡាក់នឹងអំបិលថ្មី។ រយ

ៈពេលហាលក្តៅ ជៀសវាងកុំឲ្យត្រូវភ្លៀង អាស្រ័យជ្រាបទឹកភ្លៀង នឹងធ្វើឲ្យមើមស្ពៃរលួយ។ ជារៀងរាល់ឆ្នាំ ផលិតផលមើមស្ពៃប្រៃ របស់មូលដ្ឋានផលិតប្រមាណពី ៤-៥ តោន តាំងពីឆ្នាំ ២០១៥ បានមជ្ឈមណ្ឌលជំរុញឧស្សាហពាណិជ្ជកម្មឧបត្ថម្ភម៉ាស៊ីនបឺតខ្យល់ហើយគ្រួសារវិនិ យោគទុនបើកទូលាយទ្រង់ទ្រាយផលិត ទើបទិន្នផលផលិតផលកើន ២០០% បច្ចប្បន្នសម្រេចបរិមាណផលប្រមាណ ២០​ តោន (ស្មើរនឹង ២០០ តោនមើមស្ពៃវត្ថុធាតុដើម។

  ផលិតផលមើមស្បៃប្រៃមានគ្រប់ប្រភេទ​ដូចជា៖ ប្រឡាក់ទាំងមើម កាត់ជាចំណិតតូចៗ ប្រឡាក់ជាមួយគ្រឿង។ល។ ដោយមានទម្ងន់ផ្សេងពីគ្នា៖ ០១ គីឡូក្រាម​ ០,៥ គីឡូក្រាម ២០០ ក្រាម នឹងបានបញ្ចូលកញ្ចប់ទំនិញមានផ្លាកយ៉ាងស្អាត ទាក់ទាញអារម្មណ៍អិតិថិជន។ ផលិតផលមើមស្ពៃប្រៃបានច្នៃជាម្ហូបច្រើនមុខដូចជា៖ ស្ងោរជាមួយឆ្អឹង លីងជាមួយសាច់ជ្រូក​ប្រឡាក់គ្រឿង។ល។

   បងវឿងតៀងខាញបានឲ្យដឹងបន្ថែមថា៖ គិតតាំងពីឆ្នាំ ២០១៣ មកដល់សព្វថ្ងៃ ផលិតផលរបស់មូលដ្ឋានបានលក់នៅទីផ្សារបណ្តាខេត្ត ទីក្រុងធំៗ ក្នុងប្រទេស ជាពិសេសគឺប្រព័ន្ធទិញទំមុខនិញតាមទូរសព្ទស្រូបយកអត្រា ៨០% បរិមាណផល។ អាស្រ័យរយៈកាលធានាផលិតផលប្រមាណ ០៦​ខែ ទើបមានអតិថិជននៅប្រទេសក្រៅ ពេលត្រឡប់មកប្រទេសវៀតណាម ច្រើនទិញនិងផ្ញើជូនសាច់ញាតិ។​ អាស្រ័យវត្ថុធាតុដើមបានប្រមូលទិញផ្ទាល់ របស់កសិករនៅស្រុកថ្កូវ ស្រុកយ្វៀងហាយ ទីផ្សាររួមខេត្តយ្វៀងហាយ ធានាលំនឹងអំពីវត្ថុធាតុដើម។ ​ជៀសវាងស្ថានភាពមិនគ្រប់វត្ថុធាតុដើមផ្គត់ផ្គង់ក្នុងរដូវភ្លៀង។ រយៈកាលផលិតមើមស្ពៃប្រៃ ចាប់ផ្តើមពីខែ ១០ ចន្ចគតិ អូសអន្លាយដល់ខែ ៤-៥ ( យោងតាមអាកាសធាតុ)។​ ក្រោយមក ផលិតផលច្នៃចេញបានលក់សន្សឹមៗ រហូតដល់ចុងឆ្នាំ។ បច្ចុប្បន្ន មូលដ្ឋានអនុវត្តសម្រេចសំណុំឯកសារ​​ រួចផ្ញើរទៅខេត្ត ដើម្បីបង្កើនកម្រិតឲ្យផលិតផលមើមស្ពៃប្រៃពីផ្កាយ ៣​ ឡើងផ្កាយ ៤ ។ ប្រែសរប្រួល៖ សុខា