ឃុំផុងភូ៖ បំផុសចលនាគ្រួសារចិញ្ចឹមសត្វម្ចាស់ការបង្ការ ទប់ស្កាត់អាសន្នរោគនៅលើសត្វស្លាប

         គិតតាំងពីដើមឆ្នាំ ២០២០ មកទល់ពេលនេះ ឃុំសហការជាមួយផ្នែកជំនាញចាត់តាំង ផ្សព្វផ្សាយអំពីការបង្ការ ទប់ស្កាត់អាសន្នរោគលើសត្វនិងសត្វស្លាបបានជាង ២០ លើក ឧបត្ថម្ភចាក់ថ្នាំបង្ការជំងឺឱ្យសត្វស្លាបគ្រប់ប្រ ភេទជាង ១០.០០០ ក្បាល។ ថ្វីត្បិតតែដូច្នោះ អាស្រ័យការឥទ្ធិពលអំពីការប្រែប្រួលអាកាសធាតុឥទ្ធិពលនៃប្រ ភពទឹក នៅថ្ងៃទី ១៩ ខែសីហាឆ្នាំ ២០២០ មូលដ្ឋានកំណត់ថាកើតមានអាសន្នរោគផ្តាសាយបក្សីលើសត្វមាន់ចំនួន ៣០០ ក្បាល មានអាយុ ៦១ ថ្ងៃរបស់គ្រួសារបងថាច់សាក នៅភូមិឫស្សីស្រុក ដោយអាស្រ័យមានការចូលរួមយ៉ាងសកម្មរបស់ផ្នែកពាក់ព័ន្ធ និងការជ្រោមជ្រែងរបស់អ្នកចិញ្ចឹមក្នុងការកម្ចាត់អាសន្នរោគ ម៉្លោះហើយអាសន្នរោគបានទប់ស្កាត់ មិនបណ្តោយឱ្យរាលដាលក្នុងផ្ទៃធំទូលាយ។ ក្រោយពេលអាសន្នរោគបានបង្រ្កាប គ្រួ សារជាច្រើននៅតែរក្សាការចិញ្ចឹមសត្វដដែល។ ទន្ទឹមនឹងនោះ ដោយអាស្រ័យមានព្រៀបរបស់មូលដ្ឋានមានវាលស្រែធំទូលាយ មានគ្រួសារជាង១០គ្រួចិញ្ចឹមទាដេញឱ្យស៊ីតាមវាលស្រែទៅតាមរដូវកាល ជាមួយចំនួនទាក្នុងមួយគ្រួសារៗពី ២.០០០-២.៥០០ ក្បាល។

បងថាច់សាកពិនិត្យការធំធាត់របស់ទា។

            ធ្វើដំណើរទៅកាន់គ្រួសារបងថាច់សាក នៅភូមិឫស្សីស្រុក ឃុំផុងភូ ជាគ្រួសារដែលបានកំណត់កើតមានអាសន្នរោគលើហ្វូងមាន់កាលពីខែសីហាឆ្នាំ ២០២០​ យើងខ្ញុំកាន់តែមានអារម្មណ៍យល់បានពីការខិតខំរបស់បង មានបំណងឱ្យការចិញ្ចឹមសត្វបានល្អប្រសើរជាង។ ក្រោយពេលមាន់ត្រូវខូចខាត ក្នុងលើកចិញ្ចឹមជាបន្តទៀត បានបងបំបែរមកចិញ្ចឹមទាចំនួន ១២០ ក្បាល។ 

           បងថាច់សាកបានឱ្យដឹង៖ ឃើញគ្រួសារមានដីទូលាយបង្គួរដែរ​ ការ ងារក៏នៅជុំវិញផ្ទះ។ ម៉្លោះហើយពេលមូលដ្ឋានផ្សព្វផ្សាយគោលនយោបាយចំពោះគ្រួសារលំបាក គ្រួសារខ្ញុំបុលទុន ពីធនាគារគោលនយោបាយសង្គមស្រុកចំនួន ១០ លានដុងទិញមាន់ ៣០០ ក្បាលមកចិញ្ចឹម។ ចំនួនប្រាក់ដែលនៅសេសសល់ទុកសម្រាប់ទិញចំណីឱ្យមាន់។ ខ្ញុំរំពឹងគិតថាមានបទពិសោធន៍ចិញ្ចឹមសត្វស្លាបក្នុងរយៈពេលជាច្រើនឆ្នាំប្រាកដជាគ្មានបញ្ហាអ្វី។ ក្នុងដំណាក់កាលចិញ្ចឹមតែងអនុវត្តគ្រប់គ្រាន់តាមការក្រើនព្រមានរបស់ផ្នែកជំនាញ ធ្វើអនាម័យយ៉ាងហ្មត់ចត់។ល។ ប៉ុន្តែដល់ដំណាក់កាលជិតបានលក់បែរជាកើតមានជំងឺ ហ្វូងមាន់ទាំងអស់របស់គ្រួសារត្រូវកំទេចចោល។ ឃើញការចិញ្ចឹមសត្វស្លាប សមស្របជាមួយលក្ខណៈជីវភាពគ្រួសារ ខ្ញុំបន្តទិញទាមកចិញ្ចឹមវិញ។ ការចិញ្ចឹមទាលើកនេះមានការហ្មត់ចត់ជាង តាមដានរាល់សញ្ញា និងល្បឿនធំធាត់របស់ទា បើសិនឃើញទាមានអាការប្លែកដូចជា ស៊ីចំណីតិច បះរោម។ល។ នោះរិះរកវិធានការព្យាបាលជាបន្ទាន់។ ការចិញ្ចឹមលើកនេះសម្រេចជោគជ័យ ខ្ញុំនឹងពង្រីកទូលាយជាមួយចំនួនច្រើនជាងដើម្បីកែលម្អជីវភាព និងសងបំណុលធនាគារ។                            បច្ចុប្បន្ន គោលនយោបាយឧបត្ថម្ភចាក់ថ្នាំបង្ការអាសន្នរោគឱ្យហ្វូងសត្វចិញ្ចឹមបានត្រឹមតែទៅតាមលើកនីមួយៗ អាស្រ័យផ្នែកបសុព្យាបាលស្រុកបត់បែងឱ្យទៅតាមឃុំនីមួយៗ លោកង្វៀងវ៉ាំងទឿ អនុប្រធានគណៈកម្មាធិការប្រជាជនឃុំផុងភូបានឱ្យដឹង៖ ក្នុងបណ្តាឆ្នាំកន្លង ទទួលផលពីគម្រោងការ AMD គ្រួសារជាច្រើនលើភូមិសាស្រ្តក៏បានឧបត្ថម្ភចិញ្ចឹមមាន់ ក្នុងនោះមានគ្រួសារជិត១០គ្រួអនុវត្តការចិញ្ចឹមព្រលែងក្នុងចម្ការ។ រួមជាមួយនោះ គ្រួសារចិញ្ចឹមសត្វស្លាបជាច្រើនក៏តែងបានអញ្ជើញចូលរួមបណ្តាវគ្គហ្វឹកហាត់អំពីចំណេះដឹងខាងការចិញ្ចឹមសត្វអាចម្ចាស់ការក្នុងការអនុវត្តន៍បង្ការគ្រោះខូចខាតដល់ហ្វូងសត្វស្លាបរបស់ខ្លួន។ មូលដ្ឋានក៏តែងតាមដានការចិញ្ចឹមសត្វរបស់មាមីងបំផុសចលនាបណ្តាគ្រួសារអនុវត្តគ្រប់គ្រាន់តាមការណែ នាំរបស់ផ្នែកជំនាញ បើសិនបានបត់បែងអំពីចំនួនថ្នាំចាក់បង្ការនោះអនុវត្តការចាក់បង្ការជាបន្ទាន់ដល់ហ្វូងសត្វចិញ្ចឹមរបស់មាមីង បើសិនមានថ្នាំកម្ចាត់មេរោគក៏បែងជូនជាបន្ទាន់ដើម្បីបាញ់កម្ចាត់មេរោគតាមទ្រុងចិញ្ចឹមសត្វទាន់ពេល៕    

         អត្ថបទ-រូបថត៖ ថាច់សម្បត្តិ