កសិករថាច់ញ៉ធ្វើសេដ្ឋពូកែ

គ្រួសារលោកថាច់ញ៉មានសមាជិក ០៤ នាក់ ជារៀងរាល់ថ្ងៃប្រពន្ធលោកមមាញឹកជាមួយនឹងកូនតូច ០២ នាក់ ដូច្នោះប្រភពចំណូលសម្រាប់ជីវភាពគ្រួសារគឺពឹងទៅលើកម្លាំងរបស់លោកជានិច្ច។ បណ្តាឆ្នាំដែលបានផ្តើមអាជីពគ្រួសារ ពិតជាគ្រួសារធ្វើប្រពលវប្បកម្មលើផ្ទៃដីស្រែ ៦.០០០ ម៉ែត្រក្រឡា ពិតមែន ប៉ុន្តែអាស្រ័យដោយតម្លៃស្រូវមិនលំនឹង និងប្រាក់កម្រៃមិនខ្ពស់បានជាគ្រួសារលោកជូបការលំបាកច្រើន។ ក្រៅពីនោះ មានផ្ទៃដីដាំដើមឫស្សី ២.០០០ ម៉ែត្រក្រឡាដែលបានឪពុកម្តាយចែកឲ្យនោះ លោកថាច់ញ៉ប្តេជ្ញាចិត្តកាប់ចោល និងបង្វែរមកដាំសណ្តែកដី អាស្រ័យដោយមិនទាន់មានបទពិសោធន៍បានជាទិន្នផលមិនបានខ្ពស់ ក្នុងមួយរដូវប្រមូលផលបានតែ ០៦ លានដុងប៉ុណ្ណោះ ក្រោយពីទូទាត់បណ្តាខ្ទង់ចំណាយនៅចំណេញបានមិនច្រើន។

លោកថាច់ញ៉បានឲ្យដឹងថា៖ “ភូមិឥដ្ឋគឺជាតំបន់ដីផ្នោរខ្សាច់បានជាប្រជាជនភាគច្រើនដាំដើមឫស្សីសម្រាប់សាងសង់ផ្ទះ និងសម្ភារៈប្រើប្រាស់មួយចំនួនផ្សេងៗ។ ថ្វីត្បិតនៅបណ្តាឆ្នាំមកអាយនេះ តម្លៃសេដ្ឋកិច្ចនាំមកពីដើមឫស្សីគ្មាននៅលទ្ធផលទៀត បានជាប្រជាកសិករបង្វែរមកដាំដើមឈើមានតម្លៃសេដ្ឋដើម្បីលើកកម្ពស់ប្រភពចំណូលជូនគ្រួសារគឺជាការចាំបាច់ បានជាខ្ញុំប្តេជ្ញាចិត្តបង្វែរមកដាំដើមឈើផ្សេងៗវិញ” ។

  ឆ្នាំ ២០១៦ គ្រួសារកសិករមួយចំនួនមានចម្ការឫស្សីហៅលក់ជាមួយនឹងតម្លៃសមស្រប បានជាលោកមានគំនិតលក់ផ្ទៃដីស្រែរបស់ខ្លួនដើម្បីទិញមកផ្ទៃដីចម្ការឫស្សីមកកាប់ ចោលដើមឫស្សីដើម្បីដាំដូង ក្រូចថ្លុង និងសណ្តែកដី។ អស់រយះកាល ០៤ ឆ្នាំក្រោយមកលោកបានចូលរួមដំណើរជាមួយក្រុមប្រតិភូអនុវត្តបណ្តាលើកទៅទស្សនាទម្រង់ប្រកបរបររកទទួលទានមានប្រសិទ្ធភាពអាស្រ័យដោយរដ្ឋអំណាចមូលដ្ឋានចាត់តាំង។ លោកថាច់ញ៉បានច្បាមខ្ជាប់ និងចូលរួមវគ្គរៀនសូត្រ ហ្វឹកហាត់ ផ្ទេរជូនវិទ្យាសាស្ត្រ-បច្ចេកទេសផ្លាស់ប្តូររចនាសម្ព័ន្ធពូជឈើដាំ សត្វចិញ្ចឹម រួមជាមួយនឹងការស្វែងយល់ បទពិសោធន៍ពីបណ្តាទម្រង់មានប្រសិទ្ធភាពនៅនឹងមូលដ្ឋាន។ គិតមកដល់បច្ចុប្បន្ននេះ ទម្រង់ “បង្វែរពីដីដាំឫស្សីអន់ប្រសិទ្ធភាពមកដាំដើមឈើផ្តល់សេដ្ឋកិច្ចខ្ពស់ “របស់លោក ថាច់ញ៉បាននាំមកប្រភពចំណូលជាក់ស្តែងសម្រាប់ គ្រួសារ។

ជាមួយនឹងផ្ទៃដីដាំសណ្តែកដី ៥.០០០ ម៉ែត្រក្រឡា ក្នុងមួយឆ្នាំដាំបាន ០៣ រដូវ ក្នុងមួយឆ្នាំ លោកមាញ៉ប្រមូលផលបាន ១០៥ លានដុង ក្រោយពីទូទាត់បណ្តាខ្ទង់ចំណាយរួចរាល់ គ្រួសារនៅចំណេញបានជាង ៧៥ លានដុង បើប្រៀបជាមួយនឹងការដាំដើមឫស្សីកើនជាងច្រើនដង។ ទន្ទឹមនឹងនោះ លោកមាញ៉បានយកដើមសណ្តែកដីធ្វើជាចំណីសម្រាប់ហ្វួងគោទៀតផង​ ផ្តើមពីនោះផ្តល់បានប្រភពចំណូលជូនគ្រួសារគ្រាន់បើ។ ទន្ទឹមនឹងជាមួយនឹងផ្ទៃដីដាំដើមដូងថ្មី ៣.០០០ ម៉ែត្រក្រឡានឹងសន្យាយូរអង្វែងនឹងនាំមកសេដ្ឋកិច្ចខ្ពស់ និងផ្ទៃដីដាំដើមក្រូចថ្លុង ២.០០០ ម៉ែត្រក្រឡាកំពុងផ្តល់ផ្លែ និងពង្រីកល្អផងដែរ។

“គឺជាកសិករផលិតផ្ទាល់ ខ្ញុំឃើញការផ្លាស់ប្តូររចនាសម្ព័ន្ធពូជឈើដាំអន់ប្រសិទ្ធភាពមកដាំដើមឈើមានតម្លៃសេដ្ឋកិច្ចខ្ពស់គឺជាការចាំបាច់នាពេលបច្ចុប្បន្ននេះ។ ដើម្បីធ្វើបានល្អប្រការនេះ បណ្តាផ្នែក បណ្តាថ្នាក់គប្បីបង្កើនការងារផ្សព្វផ្សាយដើម្បីលើកកម្ពស់ចំណេះដឹងជូនប្រជាជនក្នុងការងារបង្វែរគំនិតផលិតរួមចំណែកបង្កើនប្រភពចំណូលលើអង្គភាពផ្ទៃដីតែមួយ។ ប្រការសំខាន់នោះគឺត្រូវមានការកែច្នៃប្រតិដ្ឋ និងការប្តេជ្ញាចិត្តជាមួយនឹងទម្រង់របស់ខ្លួន។ ទន្ទឹមនឹងនោះ គប្បីយកចិត្តទុកដាក់ដល់ការផ្ទេរវិទ្យាសាស្ត្រ-បច្ចេក ទេសជូនប្រជាកសិករ ចាត់តាំងឲ្យកសិករបានទៅទស្សនា រៀនសូត្រពីទម្រង់ប្រកបរបររកទទួលទានមានប្រសិទ្ធភាពដើម្បីដកពិសោធន៍ក្នុងការចិញ្ចឹមសត្វ ដាំដុះ​ផលិត។ ទម្ទឹមនឹងនោះស្វែងរកច្រកចេញលំនឹង បង្កលក្ខណៈងាយស្រួលសម្រាប់ប្រជាកសិករចុះកិច្ចសន្យាលំ នឹងជាមួយនឹងច្រកចេញឲ្យផលិតផល”-លោកថាច់ញ៉បានឲ្យដឹងដូច្នោះ។

លោកថាច់បាំង លេខាសាខាបក្សភូមិឥដ្ឋរីករាយបានឲ្យដឹងថា៖ “លោកថាច់ញ៉គឺជាគំរូមួយក្នុងបណ្តាគំរូកសិករផលិតពូកែរបស់ភូមិ។ ជាមួយនឹងការព្យាយាម ឧស្សាហ៍ ឆ្លងកាត់រាល់ការលំបាក ខិតខំរកទទួលទាន និងបានការឧបត្ថម្ភពីគម្រោងការពង្រីកការផលិតក្នុងតំបន់ជនរួមជាតិខ្មែរ បច្ចុប្បន្ននេះ កសាងបានមូលដ្ឋានភោគទ្រព្យគ្រាប់គ្រាន់បើ។ អាចនិយាយបានថា ទម្រង់ “បង្វែរពីផ្ទៃដីដាំដើមឫស្សីអន់ប្រសិទ្ធភាពមកដាំដើមឈើមានតម្លៃសេដ្ឋខ្ពស់” របស់លោកថាច់ញ៉គប្បីត្រូវបានពង្រីកទូលាយចេញទៅបណ្តាគ្រួសារប្រជា ជនក្នុងមូលដ្ឋាន រួមចំណែកធ្វើឲ្យវិវឌ្ឈន៍យ៉ាងខ្លាំងក្លា ដើម្បីលើកកម្ពស់គុណភាពជីវភាព ជូនប្រជាជនក្នុងតំបន់ជនរួមជាតិខ្មែរ”។

ដោយបានដឹង ភូមិឥដ្ឋបច្ចុប្បន្ននេះជាភូមិមួយមានចំនួនមនុស្សរាយចំនួន ១.៤៤០ នាក់ ក្នុងនោះជនរួមជាតិខ្មែរស្រូបយកអត្រា ៧០%។ បណ្តាឆ្នាំកន្លងហើយ អាស្រ័យដោយបានអនុវត្តព្រមៗគ្នា ប្រសិទ្ធភាពបណ្តាវិធីសាស្ត្រកាត់បន្ថយភាពក្រីក្រចីរភាពជាមួយនឹងឆន្ទះ ឈានឡើងរបស់គ្រប់គ្រួសារប្រជាជន ឆ្លងតាមឆ្នាំនីមួយៗ អត្រាគ្រួសារក្រីក្រ ពិសេសគឺចំពោះគ្រួសារជនរួមជាតិខ្មែរក្រីក្រលើភូមិសាស្ត្រភូមិបន្ថយចុះជាបង្គួរ។ ឆ្នាំ ២០១៥ ភូមិមានគ្រួសារក្រីក្រ ១៨៥ គ្រួ គិតមកដល់ពេលនេះកាត់បន្ថយចុះនៅ ៤០ គ្រួ(បន្ថយបាន ១៤៥ គ្រួ)។ ផែនការឆ្នាំ ២០២០ នេះលុបបំបាតគ្រួសារក្រីក្រ ១៩ គ្រួ តាមសមត្ថភាព និងការព្យាករណ៍ភូមិឥដ្ឋអនុវត្តសម្រេចតាមផែនការដាក់ចេញ៕ប្រែសម្រួល៖រតនា