អ្នកចម្ការសង្ឃឹមឆាប់បានផ្សព្វផ្សាយកន្សោមចងសម្ព័ន្ធក្នុងការលក់ផ្លែឈើ

ទន្ទឹមនឹងនោះ ផ្នែកខាងអាជីវកម្មបានស្នើឧបត្ថម្ភថវិកា ១០០%​ ដល់អ្នកចម្ការក្រុមសហការដាំដំណាំក្នុងការកសាងលេខកូដ លេខតំបន់ ចំពោះបណ្តាផលិតផលផ្លែឈើដែលអាជីវកម្មឆ្ពោះទៅរកការចងសម្ព័ន្ធ។ នេះជាគោលដៅថ្មីដើម្បីបង្កលក្ខណៈឲ្យមាមីងកសិករនឹងនរចិត្តផលិត មិនប្រឈមមុខនឹងការ “អំណោយផល ប៉ុន្តែតម្លៃទាប”។

តាមតួលេខស្ថិតិពីមន្ទីរកសិកម្ម និងអភិវឌ្ឍន៍ជនបទ បច្ចុប្បន្នទូទាំងខេត្តមានផ្ទៃដីដាំឈើហូបផ្លែ ១៨.២៦០ ហិកតា​ (ស្រូបយកអត្រា ៤៣,៧៦% នៃផ្ទៃដីដាំឈើយូរឆ្នាំ) បរិមាណផលក្នុងមួយឆ្នាំសម្រេចជាង ២៨៤.៥០០ តោន។ បរិមាណផល និងគុណភាពបណ្តាឈើហូបផ្លែ ពិសេស មានព្រៀបកើនឡើង ដូចជា៖ ក្រូចពោធិ៍សាត់ ៦៦.៤០០ តោន ស្រកានាគ ១០.៧០០ តោន ក្រូចត្លុង ១៤.៩០០ តោន ចេក ៩០.២០០ តោន។ល។ បច្ចុប្បន្នបណ្តាផលិតផលឈើហូបផ្លែ មិនទាន់បានចងសម្ព័ន្ធក្នុងកិច្ចសន្យាម៉ៅទិញផលិតផលរវាងអាជីវកម្ម និងអ្នកចម្ការ។

ឈ្មួញប្រមូលទិញផ្លែស្រកានាគ។ រូបថត៖ ហ៊ឺវហ្វេ

លោកត្រឿងថាញ់ដេ ប្រធានសមាគមកសិករស្រុកកូវកែឱ្យដឹងថា៖ ចំពោះមូលដ្ឋានដែលមានសក្តានុពលអំពីឈើហូបផ្លែ (មានផ្ទៃដីជាង ៨.០០០ ហិកតា) បរិមាណផលភាគច្រើន ពេលឈានចូលដល់រដូវប្រមូលផល មាមីងកសិករស្វែងរកច្រកចេញដោយខ្លួនឯងមិនទាន់មានកិច្ចសហការចងសម្ព័ន្ធក្នុងការលក់ចេញផលិតផលយូរអង្វែង។ល។ ម្ល៉ោះហើយតម្លៃលក់ចេញត្រូវទីផ្សារគាបសង្កត់។ ហេតុនោះ សមាគមកសិករស្រុកចងសម្ព័ន្ធជាមួយក្រុមហ៊ុន Green PoWers បង្កបង្កើតតំបន់វត្ថុធាតុដើម ដើម្បីរកច្រកចេញឱ្យបណ្តាផលិតផល ដែលអាជីវកម្មកំពុងមានគោលដៅ ដូចជាក្រូចត្លុងសំបកខៀវ ក្រូចណាមរ៉យ ស្វាយកាកជូ ដូងសៀម និងផ្លែមៀន។ល។ នេះជាសក្តានុពលរបស់ស្រុកកូវកែ។

លោកចូវង្វៀងអាញ់ខ្វា អនុប្រធានក្រុមប្រឹក្សាភិបាលក្រុមហ៊ុន Green PoWers ឱ្យដឹងថា៖​ បច្ចុប្បន្ន​ ក្រុមហ៊ុនមានរោងចក្រច្នៃ បញ្ចូលកញ្ចប់ នីហរ័ណមុខទំនិញកសិផលនៅខេត្តបេនត្រែ (ធ្វើសកម្មភាពពីឆ្នាំ ២០១៨)។ បច្ចុប្បន្ន បានចងសម្ព័ន្ធកសាងតំបន់វត្ថុធាតុដើម ១.២០០ ហិកតា ដោយមានបណ្តាប្រភេទឈើ ហូបផ្លែ (ក្រូចត្លុងសំបកខៀវ ក្រូចណាមរ៉យ ស្វាយកាកជូ ដូងសៀម សាវម៉ាវ) ទីផ្សារលក់ចេញរបស់ក្រុម ហ៊ុននៅបណ្តាប្រទេសទ្វីបអឺរ៉ុប អង់គ្លេស អាមេរិក កាណាដា អូស្រ្តាលី។ល។ ក្រុមហ៊ុនកសាងប្រព័ន្ធផលិតបិទជិត៖ ប្រព័ន្ធលាងផ្លែឈើ វិនិច្ឆ័យផ្លែឈើ ជាពិសេសគឺផ្លែឈើមានកំពឹស រក្សាបានគុណភាពផលិតផល​ ដូចជា ទើបប្រមូលផលអាចរក្សាបានទុកបានក្នុងរយៈកាល ០៦ ខែ។

ចែករំលែកជាមួយយើងខ្ញុំ អ្នកចម្ការវ៉វ៉ាំងធ្វឹង (ឃុំង្វៀកហ្វា ស្រុកចូវថាញ់) ឱ្យដឹងថា៖​ គ្រួសារខ្ញុំដាំក្រូចត្លុងសំបកខៀវ ៤ កុង ជារៀងរាល់ឆ្នាំផលិតផលផ្លែឈើរបស់គ្រួសារខ្ញុំ ក៏ដូចជាបណ្តាអ្នកចម្ការដទៃទៀត តែងរកកន្លែងលក់ចេញដោយខ្លួនឯង ហើយតម្លៃមិនលំនឹង។ បច្ចុប្បន្ន ដោយមានបរិមាណផលផ្លែឈើក្នុងមួយឆ្នាំប្រមាណ ០៧ តោន លក់ជាមួយតម្លៃពី ២៥.០០០ ‑៣០.០០០ ដុងក្នុងមួយគីឡូក្រាម មានពេល ខ្លះតម្លៃថយចុះនៅតែ ១៥.០០០ ដុងក្នុងមួយគីឡូក្រាម។ ប្រសិនបើក្រុមហ៊ុន Green PoWers សហការជាមួយមាមីងកសិករ និងមានការឧបត្ថម្ភលិខិតបញ្ជាក់លេខកូដ៖ ណែនាំប្រជាជនកត់សម្គាល់សម្ភារវិនិយោគ របៀបប្រើជី រហូតដល់ការបង្កើតសំណុំលិខិតទទួលស្គាល់លេខកូដតំបន់ដាំ។ល។ បានក្រុមហ៊ុនឧបត្ថម្ភ នឹងជួយឱ្យមាមីងកសិករបង្កើនគុណភាពមុខទំនិញផលិតផល ឆ្លងតាមនោះជួយឲ្យអ្នកចម្ការបន្តបង្កើនបច្ចេកទេសផលិត និងគុណភាពផលិតផល។ ផ្តើមពីនោះតម្លៃផលិតផលកើនខ្ពស់ ហើយប្រភពចំណូលក៏កើនឡើង លើផ្ទៃដីមានខ្នាតរង្វាស់តែមួយ ពេលដែលផលិផលផ្លែឈើបានទទួលស្គាល់សម្រេចសម្បទា។

ក៏តាមប្រសាសន៍របស់លោកចូវង្វៀងអាញ់ខ្វា ផ្នែកខាងអាជីវកម្មកំពុងជំរុញល្បឿន (តាមរយៈសមាគមកសិករខេត្ត និងស្រុក) ដើម្បីចងសម្ព័ន្ធច្រកចេញសម្រាប់ផលិតផលកសិផល​របស់មាមីងកសិករក្នុងខេត្ត​ កសាងផែនការ អំពីមូលដ្ឋានប្រមូលទិញ‑ច្នៃ‑ផលិត និងនីហរ័ណផលិតផលនៅខេត្តត្រាវិញ។ ក្នុងកិច្ចចងសម្ព័ន្ធ រកច្រកចេញរបស់មូលដ្ឋាន មុននោះកសិករត្រូវឆ្លងកាត់ច្រើនដំណាក់កាល ទើបបានផលិតផល សម្រាប់អាជីវកម្មច្នៃ ផ្តើមពីនោះកាត់បន្ថយប្រភពចំណូលរបស់មាមីងកសិករ។ ផ្ដើមពីស្ថានភាពខាងលើ ក្រុមហ៊ុន Green PoWers នឹងឆ្ពោះទៅវិធីសាស្ត្រ ចងសម្ព័ន្ធផ្ទាល់រវាងកសិករនិងក្រុមហ៊ុន។ ផ្នែកខាងអាជីវកម្មនឹងចំណាយប្រាក់ដើម្បីកសាងលេខកូដ លេខតំបន់ ឱ្យមាមីងកសិករមួយចំនួនរបស់ខេត្ត អាស្រ័យបច្ចុប្បន្នកសិករមិនអាចអនុវត្តដោយខ្លួនឯងបាន។ បណ្តាផ្នែក បណ្តាថ្នាក់គប្បីសហការជាមួយក្រុមហ៊ុន ដើម្បីផ្សព្វផ្សាយការងារឱ្យបានព្រមៗគ្នា ដើម្បីអាជីវកម្ម‑កសិករ ឆាប់បានផ្សព្វផ្សាយកន្សោមការចងសម្ព័ន្ធក្នុងការលក់ចេញផ្លែឈើរបស់អ្នកចម្ការ៕

ប្រែសម្រួល៖ សុខា