08/06/2021 09:18
ក្នុងបណ្តាឆ្នាំកន្លង ចលនាដាំក្រូចឆ្មាររីកចម្រើនបង្គួរនៅតំបន់ដីតឹងគ្វី ឃុំអាងភូតឹងនិយាយដោយឡែក នៅលើភូមិសាស្ត្រស្រុកកូវកែនិយាយរួម ហើយនាំមកលទ្ធផលសេដ្ឋកិច្ចខ្ពស់ជូនអ្នកចម្ការនៅទីនេះ ។ ទន្ទឹមនឹងនោះ បណ្តាពូជក្រូចឆ្មារបានដាំច្រើននៅទីនេះ ដូចជាក្រូចឆ្មារគ្មានគ្រាប់ ក្រូចឆ្មារផ្លែមូល ក្រូចឆ្មារផ្កាស្វាយ។ល។ បច្ចុប្បន្នដើមក្រូចឆ្មារទាំងនោះត្រូវចាស់រិល និងកើតជំងឺលឿងស្លឹក ស្អុយគល់។ ឆ្នាំ ២០២០ អ្នកចម្ការង្វៀងវ៉ាំងក្វឹកផុង នៅភូមិ តឹងគ្វី ទី ២ បាននាំយកពូជក្រូចឆ្មារចង្កោមផ្កាស្វាយមកដាំ រួចពង្រីកទូលាយ ទទួលបានទិន្នផល និងលក់បានតម្លៃខ្ពស់ជាងពី ០៣ - ០៤ ដង បើប្រៀបនឹងពូជក្រូចឆ្មារដែលមាននៅមូលដ្ឋាន។អ្នកចម្ការង្វៀងវ៉ាំងក្វឹកផុង ចែករំលែកថា៖ ខ្ញុំច្រើនទៅរកប្រមូលទិញផ្លែឈើនៅក្នុង និងក្រៅស្រុកកូវកែ ហើយឃើញក្រូចឆ្មារជាផ្លែឈើនាំមកលទ្ធផលសេដ្ឋកិច្ចខ្ពស់ ងាយដាំ និងឆាប់បានប្រមូលផល ជាពិសេសសមស្របជាមួយនឹងតំបន់ដីថ្មី។ ក្នុងលើកទៅលក់ផ្លែឈើនៅខេត្តមិញភឿក ខ្ញុំឃើញពូជក្រូចឆ្មារចង្កោមផ្កាស្វាយ (ពូជថ្មី) បានអ្នកចម្ការនៅទីនេះដាំផ្តល់ទិន្នផលខ្ពស់ ហើយទីផ្សារក៏ចូលចិត្ត ដូចជានៅបណ្តាភូមិភាគកណ្តាល និងដុងណាមបូ។ ក្រោយពេលដាំដកពិសោធន៍ លើផ្ទែដី ០,២ ហិកតា (ប្រមាណ ២០០ ដើម) កាលពីឆ្នាំ ២០១៩ និង ២០២០ បច្ចុប្បន្ន ក្រូចមានអាយុជាង ១ ឆ្នាំហើយផ្តល់ទិន្នផលមធ្យមពី ៤៥ - ៥០ គីឡូក្រាមក្នុងមួយដើម។
កសិករថែទាំក្រូចឆ្មារ។ រូបថត៖ ហ៊ឺវហ្វេ
បណ្តាពូជក្រូចឆ្មារធម្មតាតម្លៃមធ្យមពី ៤.០០០-៥.០០០ ដុងក្នុងមួយគីឡូក្រាម (រដូវ ប្រាំង) ពី ២២.០០០-២៥.០០០ ដុងក្នុងមួយគីឡូក្រាម (រដូវផ្ទុយ) ប៉ុន្តែតម្លៃក្រូចឆ្មារចង្កោមផ្កាស្វាយ តែងមានតម្លៃពី ១០.០០០ -៣០.០០០ ដុងក្នុងមួយគីឡូក្រាម។ ពូជក្រូចឆ្មារនេះ អាស្រ័យដោយបានបង្កាត់ពូជពី F១ ម៉្លោះហើយលូតលាស់ល្អ និងស្ថិរភាពនៃលក្ខណៈពូជក្រូចឆ្មារចង្កោមផ្កាស្វាយ (ក្រអូប សាច់ស) ទន្ទឹមនឹងនោះផ្លែធំ ផ្តល់ទិន្នផលខ្ពស់ ជាងពូជក្រូចឆ្មារដែលធ្លាប់មានពីមុននោះ។
អាស្រ័យដោយទីផ្សារកំពុងមានតម្រូវការពូជក្រូចឆ្មារចង្កោមផ្កាស្វាយច្រើន ទន្ទឹមនឹងប្រមូលផលផ្លែ ពូក្វឹកផុងនៅទាំងបំបៅមែកលក់ឲ្យអ្នកចម្ការនៅក្នុង និងក្រៅស្រុកកូវកែទៀតផង។ ពូក្វឹកផុងឲ្យដឹងថា៖ ចំពោះក្រូចមានអាយុក្រោម ២ ឆ្នាំក្នុងមួយកុងផ្ដល់ទិន្នផលពី ៤-៤,៥ តោន ( ១០០ ដើម) ពេលក្រូចមានអាយុពី ២ ឆ្នាំឡើងទៅផ្តល់ទិន្នផលលំនឹងពី ៧-៨ តោន។ អាស្រ័យក្រូច ឆ្មារចង្កោមផ្កាស្វាយផ្ដល់លទ្ធផលសេដ្ឋកិច្ចខ្ពស់ មានអ្នកចម្ការជាច្រើនមកដាក់ពាក្យទិញមែក។ ក្នុងរយៈកាល ៥ ខែដើមឆ្នាំ ២០២១ គាត់ផ្គត់ផ្គង់ជូនអ្នកចម្ការដទៃជាង ៥.០០០ មែក។ ផ្តើមពីលទ្ធផលនៃការដាំក្រូចឆ្មារចង្កោមផ្កាស្វាយ គ្រួសារពូក្វឹកផុងបន្តពង្រីកទូលាយផ្ទៃដីដាំបានជាង ១ ហិកតា តាមការគ្រោងទុកដល់ចុងឆ្នាំ ២០២១ គ្រួសារគាត់នឹងផ្គត់ផ្គង់ពូជក្រូចជូនអ្នកចម្ការប្រមាណ ២០.០០០ មែក ដោយលក់ជាមួយតម្លៃ ១៨.០០០ ដុងក្នុងមួយមែក (តម្លៃពូជក្រូចឆ្មារចង្កោមផ្កាស្វាយ នៅខេត្តបិញភឿកតម្លៃ ២៥.០០០ ដុងក្នុងមួយមែក)៕
ប្រែសម្រួល៖ សុខា
.gif)
មុនបុណ្យចូលឆ្នាំរវាងមួយ ឬ ពីរខែ មាមីងកសិករខ្មែរនៅឃុំធ្វឹងហ្វា ស្រុកកូវង៉ាង តែងមមាញឹកក្នុងការដាំ និងថែទាំដំណាំសម្រាប់លក់ក្នុងឱកាសបុណ្យចូលឆ្នាំថ្មី។ ដោយថែទាំបានល្អ កសិករនៅទីនេះមានចម្ការដំណាំខៀវស្រស់ធានាទាំងទិន្នផល និងគុណភាពសម្រាប់លក់ក្នុងឱកាសបុណ្យចូលឆ្នាំថ្មី។
