សហករណ៍កសិកម្មព្រែកលប៖ បង្កើនគុណភាពក្នុងការគ្រប់គ្រងបញ្ជាការ ពង្រីកសមាជិក

សមាជិកសហករណ៍កសិកម្មព្រែកលបពិនិត្យដើមស្រូវ។ រូបថត៖ មីញឹង

   គិតតាំងពីឆ្នាំ ២០១៦ មកដល់ពេលនេះ បណ្តាសមាជិកក្នុងក្រុមប្រឹក្សាភិបាលសហការជាមួយរដ្ឋអំណាចមូលដ្ឋាន​សកម្មផ្សព្វផ្សាយ ចលនាពង្រីកសមាជិកថ្មីដោយរូបភាពជាក់ស្តែងជាច្រើនមានប្រសិទ្ធភាព។ លោកហ្វិញដាំងខ្វា​ ប្រធានក្រុមប្រឹក្សាភិបាល នាយកសហករណ៍កសិកម្មព្រែកលបបានឲ្យដឹង៖ គិតតាំងពីបង្កើតមកដល់បច្ចុប្បន្នសហករណ៍អនុវត្តល្អបណ្តាផែនការ វិធានការ ផលិត​ធ្វើអាជីវកម្មប្រចាំឆ្នាំ។ ក្នុងការអនុវត្តន៍ភារកិច្ចផលិត ធ្វើអាជីវកម្មសហករណ៍បានកសាងផែនការលម្អិតក្នុងមួយឆ្នាំ និងក្នុងរដូវនីមួយៗ។ ផ្តើមពីនោះ​ មានសមាជិកសហករណ៍ ១០០% តែងផលិតត្រូវតាមវិធីសាស្រ្តបច្ចេកទេស​ ពូជដូចគ្នា​ ផលិតផលច្រកចេញបានឯកភាព, ចំនួនផលិតច្រើន ឆ្លើយតបតម្រូវការនីហរណរបស់អាជីវកម្ម។ ក្នុងមួយឆ្នាំបរិមាណផលស្រូវមានគុណភាពខ្ពស់សម្រេច ៤.៥០០ តោន។ បច្ចុប្បន្នសហករណ៍ចុះកិច្ចសន្យាជាមួយអាជីវកម្មនីហរណអង្ករ ៤ កន្លែង។ អាស្រ័យលក់ផ្ទាល់ឲ្យអាជីវកម្មច្នៃនីហរណ ទើបតម្លៃខ្ពស់ជាងទីផ្សារនៅមូលដ្ឋានពី ៥០ -២៥០ ដុងក្នុងមួយគីឡូក្រាម ផ្តើមពីនោះបង្កបានការរាលដាលក្នុងទូទាំងប្រជាជន ម៉្លោះហើយមានសមាជិកជាច្រើនមកកាន់សហករណ៍ធ្វើសំណុំលិខិតសុំចូលរួម។ ទន្ទឹមនឹងនោះ សហករណ៍នៅទាំងសហការជាមួយបណ្តាអាជីវកម្មផ្គត់ផ្គង់ពូជ​ ជី ថ្នាំការពាររុក្ខជាតិដើម្បីផ្គត់ផ្គង់ដល់សមាជិក។ មកដល់សព្វថ្ងៃសហករណ៍បានចុះកិច្ចសន្យាជាមួយអាជីវកម្ម ៥ កន្លែង ឆ្លងតាមនោះបានជួយឲ្យសមាជិកទទួលបានប្រភពវិនិយោគមានគុណភាព តម្លៃសមស្រប។

   អស់រយៈកាលជិត ៥ ឆ្នាំធ្វើសកម្មភាព សហករណ៍នាំមកប្រភពចំណូលបង្កើនបន្ថែមជូនដល់សមាជិកជាង ៣,៥ ពាន់លានដុង (ប្រាក់ចំណេញបង្កើនបន្ថែមជូនសមាជិកជាង ៧៥០ លានដុងក្នុងមួយឆ្នាំ)។ ឆ្នាំ ២០១៧ ប្រភពចំណូលសម្រេចបានជាង ១៥,៣ ពាន់លានដុង ចំណេញជិត ២៥០ លានដុង​ ឆ្នាំ​ ២០១៨ ប្រភពចំណូលសម្រេចជាង ១៦,៤ ពាន់លានដុង​ ចំណេញជិត ១០០ លានដុង​ ​ឆ្នាំ​ ២០១៩ ប្រភពចំណូលសម្រេចបាន ១៦,៤ ពាន់លានដុង​ ចំណេញជិត ៩០ លានដុង។ ប្រាក់ចំណេញថយចុះ អាស្រ័យក្នុងបណ្តា ឆ្នាំជិតៗ​ នេះសហករណ៍វិនិយោគទុនកសាងហេដ្ឋារចនាសម្ព័ន្ធច្រើន ផ្តើមពីនោះ កើនប្រាក់ចំណាយផលិត ម៉្លោះហើយជះឥទ្ធិពលដល់ប្រាក់ចំណេញរបស់សហករណ៍ ប៉ុន្តែអំពីប្រាក់ចំណេញរបស់សមាជិកសហករណ៍គ្មានត្រូវជះឥទ្ធិពលឡើយ។

   បច្ចុប្បន្នសហករណ៍បានគណៈកម្មាធិការប្រជាជនខេត្តដោះស្រាយឲ្យជួលដីជាង ៥​ កុងសម្រាប់កសាងមណ្ឌលសកម្មភាព​ជួយក្នុងរយៈពេល ៤៩ ឆ្នាំ។ ក្រៅពីនោះសហករណ៍នៅទាំងវិនិយោគឃ្លាំងសម្រាប់ផ្ទុកសម្ភារកសិកម្មផលិតដូង។ល។ សរុបទឹកប្រាក់ជាង ៥០០ លានដុង។ មកដល់បច្ចុប្បន្នមូលដ្ឋានបានឆ្លើយតបតម្រូវការផលតិ និងធ្វើអាជីវកម្ម ។ ទន្ទឹមនឹងនោះសហករណ៍ កសាងគម្រោងការចងសម្ព័ន្ធ និងបានឧបត្ថម្ភទុន ១ ពាន់លានដុងវិនិយោគពូជ​ ជីផ្ទាល់ចំពោះសមាជិក ៤៩៧​ នាក់។ បច្ចុប្បន្នសហករណ៍ពង្រីកបន្ថែម  ៧  សេវាកម្មទៀតរួមចំណែកដោះស្រាយការងារធ្វើជូនពលករនៅមូលដ្ឋាន ម្នាក់ៗមានប្រភពចំណូលពី ៤,៥-០៩ លានដុងក្នុងមួយខែ។

   តាមលោកហ្វិញដាំងខ្វា នៅពេលខាងមុខនេះ សហករណ៍នឹងបន្តបង្កើនគុណភាពសកម្មភាព​ប្រើប្រាស់មានប្រសិទ្ធភាពប្រាក់ទុនរបស់សហករណ៍ អាទិភាពវិនិយោគទុនផលិតស្រូវប្រើប្រាស់ជីសរីរាង្គ បន្តវិនិយោគទុនឧបត្ថម្ភបណ្តាគ្រួសារសងទុនក្រោយពេលប្រមូលផលស្រូវ និងមិនវិនិយោគទុនចំពោះបណ្តាគ្រួសារដែលមិនសងបំណុលមកវិញក្រោយពេលប្រមូលផល​ បន្តផ្គត់ផ្គង់សម្ភារកសិកម្មដល់បណ្តាគ្រួសារសមាជិកទាញយកផល​ និងគ្រប់គ្រងល្អដំណាក់បូមទឹកនៅភូមិចើ ឃុំតឹងហ៊ុង កសាងរោងចក្រផលិតទឹកបរិសុទ្ធ ផលិតអង្ករដោយមានយីហោព្រែកលប៕

ប្រែសម្រួល៖ សុខា