ស្រុកថ្កូវពិនិត្យទទួលស្គាល់គម្រោងការ ”វិនិយោគម៉ាស៊ីន ឧបករណ៍ទំនើបក្នុងការផលិតគ្រឿងឈើវិចិត្រកម្ម”

ដើម្បីអនុវត្តកម្មវិធីជំរុញឧស្សាហកម្មនៅមូលដ្ឋានឆ្នាំ ២០២១ កាលពីថ្ងៃទី ២៨ មេសា មជ្ឈមណ្ឌលជំរុញឧស្សាហកម្ម និងជំរុញពាណិជ្ជកម្មខេត្តត្រាវិញសហការជាមួយការិយាល័យសេដ្ឋកិច្ច-ហេដ្ឋារចនាសម្ព័ន្ធស្រុកថ្កូវ គណៈកម្មាធិការប្រជាជនឃុំគីមស៊ើងចាត់តាំងពិនិត្យទទួលស្គាល់មូលដ្ឋានគម្រោងការជំរុញឧស្សាហកម្ម  “វិនិយោគម៉ាស៊ីន ឧបករណ៍ទំនើបក្នុងការផលិតផលិតផលគ្រឿងឈើវិចិត្រកម្ម” នៅភូមិបឹងស្នៃ ឃុំគីមស៊ើង ស្រុកថ្កូវ។

មូលដ្ឋានផលិតគ្រឿងឈើ ត្រឹងធីកឹមវ៉ឹង បានបង្កើតកាលពីឆ្នាំ ២០១៧ ធ្វើសកម្មភាពលើវិស័យផលិតធ្វើអាជីវកម្មគ្រឿងឈើ និងឧបករណ៍ប្រើប្រាស់។ ជាមួយថ្វីដៃដ៏ប៉ិនប្រសប់ និងការច្នៃប្រតិដ្ឋ អង្គភាពសន្សឹមៗបើកទូលាយទីផ្សារជាបន្តបន្ទាប់ ដោយមានច្នៃប្រតិដ្ឋបណ្តាផលិតផលវិចិត្រកម្មមានគុណភាពខ្ពស់ឆ្លើយតបតម្រូវការរបស់អ្នកប្រើប្រាស់។

ថ្នាក់ដឹកនាំខេត្ត​ ស្រុកចុះត្រួតពិនិត្យម៉ាសុីនឆ្លាក់គឿងឈើ។ រូបថត៖ ខាក់លឿង

បានការយកចិត្តទុកដាក់ បង្កលក្ខណៈរបស់មន្ទីរឧស្សាហពាណិជ្ជកម្ម មជ្ឈមណ្ឌលជំរុញឧស្សាហកម្ម និងជំរុញពាណិជ្ជកម្ម ការិយាល័យសេដ្ឋកិច្ច-ហេដ្ឋារចនាកម្ព័ន្ធស្រុកថ្កូវ និងគណៈកម្មាធិការប្រជាជនឃុំគីមស៊ើង ឆ្នាំ ២០២០ អង្គភាពបានម្ចាស់ការចុះឈ្មោះគម្រោងការវិនិយោគទិញម៉ាស៊ីន ឧបករណ៍ទំនើបផលិតគ្រឿងឈើវិចិត្រកម្មសំដៅលើកកម្ពស់សមត្ថភាពផលិតរបស់អង្គភាពជាមួយទឹកប្រាក់សរុប ៤៥១ លានដុង។ ក្នុងនោះទុនមជ្ឈមណ្ឌលជំរុញឧស្សាហកម្មឧបត្ថម្ភ ២២០ លានដុង វិនិយោគទិញម៉ាស៊ីនក្រឡឹងឈើនិងម៉ាស៊ីនឆ្លាក់ក្បាច់តាមគំរូប្លង់លើកំព្យូទ័រ ០២ គ្រឿង។ ម៉ាស៊ីន ឧបករណ៍ទាំងនេះនឹងជួយឲ្យគ្រួសារអាជីវកម្មលើកកម្ពស់គុណភាពបច្ចេកវិទ្យា ទិន្នផល និងផលិតចេញផលិតផលសម្រេចគុណភាពខ្ពស់ ឆ្លើយតបតម្រូវការរបស់ទីផ្សារ រួមចំណែកដោះស្រាយការងារធ្វើជូនពលករនៅមូលដ្ឋាន និងធ្វើឲ្យបង្កើនតម្លៃរបស់ផ្នែកឧស្សាហកម្ម ឧស្សាហសិប្បកម្មរបស់ខេត្តយើង៕        

ខាក់លឿង-តឹងង៉ុក