ស្រុកកូវង៉ាងបន្តផ្សព្វផ្សាយឧបត្ថម្ភធ្វើរចនាសម្ព័ន្ធកសិកម្មឡើងវិញ

       តាមប្រសាសន៍របស់លោកង្វៀងទ្រឿងយ៉ាង អនុប្រធានគណៈកម្មាធិការប្រជាជនស្រុក​កូវង៉ាង៖​ ស្រុកកូវង៉ាង​ជាស្រុកមានកម្លាំងព្រៀបអំពីការពង្រីកកសិកម្ម។ អនុវត្តតាមសេចក្ដីសម្រេចចិត្តលេខ ២២៨៨/QĐ-UBND ចុះថ្ងៃទី ២៤ ខែវិច្ឆិកា ឆ្នាំ ២០២២ “ផ្ដល់សច្ចាប័នផែនការប្រគល់បរិមាណ និងថវិកាអនុវត្តគោលនយោបាយឧបត្ថម្ភធ្វើរចនា​សម្ព័ន្ធផ្នែកកសិកម្មខេត្តត្រាវិញឆ្នាំ ២០២៣ ឡើងវិញ”  ស្រុកកូវង៉ាង បានផ្ដល់ជូន​ថវិកាជាង ៦,៥ ពាន់លានដុង​ដើម្បីផ្សព្វផ្សាយ ជំរុញមាំអនុវត្តរចនាសម្ព័ន្ធផ្នែកកសិកម្មឡើងវិញតាមទិសដៅបង្កើនកន្សោមតម្លៃ។ អនុវត្តគោលនយោបាយឧបត្ថម្ភនីតិវិធីអនុវត្តការផលិតកសិកម្មល្អ(VietGAP) ដល់មូលដ្ឋានផលិត ៦៤ កន្លែង ជាមួយថវិកាជាង ៤,៨ ពាន់លានដុង។ ឧបត្ថម្ភការផលិត ប្រើប្រាស់បន្លែសុវត្ថិភាពដល់មូលដ្ឋាន ២ កន្លែង ជាមួយថវិកាជាង ០,១ ពាន់លានដុង។ ឧបត្ថម្ភបង្វែរដីផលិតស្រូវមិនសូវមានផលជូនកសិករលើភូមិសាស្រ្តដោយមានផ្ទៃដីអនុវត្តចំនួន ១៣៩,៦ ហិកតា ដោយមានថវិកាឧបត្ថម្ភជិត ១,៦ ពាន់លានដុង។

ទម្រង់ដាំផ្កា របស់ប្រជាកសិករស្រុកកូវង៉ាង។

អនុវត្តគោលនយោបាយឧបត្ថម្ភនីតិវិធីអនុវត្តការផលិតកសិកម្ម (VietGAP)  ស្រុកនឹងឧបត្ថម្ភបណ្ដាផលិតផលដាំដុះរួមមាន៖ បន្លែ ផ្សិត ឈើហូបផ្លែ ដូង ស្រូវ សណ្ដែកដី។ បណ្ដាផលិតផលចិញ្ចឹមសត្វរួមមាន៖ ជ្រូក គោ ពពែ មាន់ ទា។ បណ្ដាផលិតផលជលផល រួមមាន៖ បង្គានាគ បង្កងជើងស បង្កងសាវទាវ ត្រីប្រា ក្ដាមសមុទ្រ  ងាវ។ ជាមួយកម្រិតឧបត្ថម្ភ៖ ឧបត្ថម្ភសម្រាប់មូលដ្ឋានមួយលើកនៅក្នុងរង្វង់ពេលផលិតដំបូងអនុវត្ត​VietGAP ឬក៏រង្វង់ពេលផលិតឡើងវិញចំពោះបណ្ដាមូលដ្ឋានដែលបានទទួលស្គាល់អនុវត្តVietGAP ប៉ុន្តែមិនទាន់បានទទួលគោលនយោបាយឧបត្ថម្ភ។ កម្រិតឧបត្ថម្ភពី ២០ - ៣០០ លានដុងសម្រាប់បណ្ដាផលិតផលត្រូវអនុវត្ត VietGAP តាមគំរូបានកំណត់។ មានកិច្ចសន្យាប្រើប្រាស់ ឬក៏វិធីសាស្រ្តប្រើប្រាស់ផលិតផល និងមានលិខិតទទួលស្គាល់VietGAP។ គោលនយោបាយឧបត្ថម្ភការផលិត ប្រើប្រាស់ និងជួល ឬក៏កសាងថ្មីគ្រឹះស្ថានអាជីវកម្មបន្លែសុវត្ថិភាព។ កម្រិតឧបត្ថម្ភ ៥០ លានដុងចំពោះមូលដ្ឋានផលិតមានគម្រោងការវិនិយោគពង្រីកបន្លែសុវត្ថិភាព និងសន្យាសម្ទុះផ្សព្វផ្សាយគម្រោងការដោយបានគណៈកម្មាធិការប្រជាជនស្រុកទទួលស្គាល់ បានផ្ដល់លិខិតទទួលស្គាល់មូលដ្ឋានគ្រប់លក្ខណៈសុវត្ថិភាពគ្រឿងបរិភោគ ឬមានលិខិតសន្យាផលិត ធ្វើអាជីវកម្មអនុវត្តគ្រឿងបរិភោគ កសិ-រុក្ខ- ជលផលសុវត្ថិភាពតាមការកំណត់។ គោលនយោបាយឧបត្ថម្ភបង្វែរដីអន់ប្រសិទ្ធភាព នឹងឧបត្ថម្ភមួយលើកពីថវិកាទិញជី ថ្នាំការពាររុក្ខជាតិ ចំណី បសុព្យាបាលសម្រាប់បណ្ដាគ្រួសារផលិតផ្ទាល់ដោយបង្វែរពីដីផលិតស្រូវមកដាំបណ្ដាប្រភេទឈើដំណាំដទៃ ឬក៏ផលិតស្រូវគួបផ្សំជាមួយការដាំចិញ្ចឹមជលផលដោយកម្រិតឧបត្ថម្ភ ១០ លានដុងក្នុងមួយហិកតា។ ដាំស្មៅចិញ្ចឹមគោ ឧបត្ថម្ភ ១០ លានដុងក្នុងមួយហិកតា ដាំសណ្ដែកដី ពោត ឧបតម្ថម្ភ ៨ លានដុងក្នុងមួយហិកតា។

នាំយកដំណាំចុះកាន់វាលស្រែ រួមចំណែកអនុវត្តរចនាសម្ព័ន្ធផ្នែកកសិកម្មឡើងវិញរបស់ស្រុកកូវង៉ាង។

   ឃុំឡុងស៊ើង ជាឃុំមួយក្នុងបណ្ដាឃុំបានកំណត់គប្បីជំរុញយ៉ាងខ្លាំងក្លាជាងទៀតអំពីការធ្វើរចនាសម្ព័ន្ធផ្នែកកសិកម្មឡើងវិញ សមស្របជាមួយតំបន់ដី និងពង្រីកហ្វូងសត្វចិញ្ចឹមក្នុងបណ្ដាគ្រួសារប្រជាជន ។​ គិតមកទល់ពេលនេះ មានគ្រួសារប្រជាជនជាង ៤០ គ្រួបានចុះឈ្មោះអនុវត្តបង្វែរដីផលិតស្រូវអន់ប្រសិទ្ធភាពមកដាំដំណាំ ដាំស្មៅចិញ្ចឹមគោ។ល។

    លោកលឺមិញថុង ប្រធានគណៈកម្មាធិការប្រជាជនឃុំឡុងស៊ើងឱ្យដឹងថា៖ ឃុំបានចង្អុលការ បណ្ដាភូមិធ្វើការផ្ទៀងផ្ទាត់បណ្ដាមុខសញ្ញាចាំបាច់ត្រូវការបង្វែរដើម្បីអនុវត្តរចនាស្ព័ន្ធផ្នែកកសិកម្មឡើងវិញ ក្នុងនោះជ្រោងខ្ពស់ការបង្វែរដីផលិតស្រូវអន់ប្រសិទ្ធ​ភាពមកដាំបណ្ដាប្រភេទដំណាំផ្ដល់តម្លៃសេដ្ឋកិច្ចខ្ពស់សំដៅលើកកម្ពស់ប្រភពចំណូលនៅលើផ្ទៃដីកសិកម្មតែមួយ ។ យោងតាមកម្រិតឧបត្ថម្ភតាមការកំណត់ គួបផ្សំជាមួយបណ្ដាគោលនយោបាយពាក់ព័ន្ធដទៃទៀត បង្កបានទិសដៅថ្មីសម្រាប់ការពង្រីកផ្នែកកសិកម្មនៅមូលដ្ឋាន។

   លោកង្វៀងទ្រឿងយ៉ាងឱ្យដឹងបន្ថែម៖ ការឧបត្ថម្ភធ្វើរចនាសម្ព័ន្ធផ្នែកកសិកម្មឡើង​វិញគឺក្នុងគោលបំណងរៀបចំសណ្ដាប់ធ្នាប់ក្នុងការផលិតកសិកម្មឡើងវិញនៅតាមតំបន់នីមួយៗ ដើម្បីបង្កើតបានផលិតផលមានតម្លៃមានកម្លាំងប្រជែងនៅលើទីផ្សារ។ ទន្ទឹមនឹងនោះ ស្រុកក៏ចង្អុលការឲ្យផ្នែកកសិកម្មត្រូវរួមដំណើរជាមួយប្រជាជនដែលបានទទួលផលហ្វឹកហាត់ពីចំណេះដឹងវិទ្យាសាស្រ្ត-បច្ចេកទេសដើម្បីអនុវត្តទៅក្នុងការដាំដុះ ចិញ្ចឹមសត្វ កាន់តែមានប្រសិទ្ធភាព៕

​​​​​​អត្ថបទ-រូបថត៖ ថាច់សម្បត្តិ