សមាគមកសិករឃុំហ្វាធ្វឹង៖ លុបបំបាត់គ្រួសារសមាជិកក្រីក្រដោយទម្រង់ចិញ្ចឹមគោ

          សមាជិក ស៊ើងថាញ់ នៅភូមិវិញទ្រឿង   ឃុំហ្វាធ្វឹង  ឆ្នាំ ២០១៦ បងថាញ់បានសមាគមកសិករឃុំហ្វាធ្វឹងបង្កលក្ខណៈឲ្យបុលទុនបាន ៣០ លានដុង ពីធនាគារគោលនយោបាយសង្គមស្រុកសម្រាប់ទិញគោញីមួយក្បាល តម្លៃ ១៧ លានដុងមកចិញ្ចឹម។ ប្រាក់នៅសល់ពីនោះ គាត់ជួលដី ០២ កុងសម្រាប់ដាំបន្លែហូបស្លឹកហើយបងថាញ់នៅទាំងឆ្លៀតពេលទៅស៊ីឈ្នួល ថែទាំចម្ការរបស់អ្នកភូមិផងដើម្បីរកប្រាក់ចំណូលបន្ថែមទៀតផង។

          បងថាញ់មានប្រសាសន៍ថា៖ មកដល់ពេលនេះគ្រួសារខ្ញុំមានគោទាំងអស់ ០៥ ក្បាល។ គ្រួសារខ្ញុំលក់អស់ ០២ ក្បាល តម្លៃជិត ៤៥ លានដុងដើម្បីសងបំណុលធនាគារ។ បច្ចុប្បន្នគ្រួសារខ្ញុំគ្មាននៅជំពាក់បំណុលធនាគារទៀតឡើយ រួចមានគោ​ញី ០៣ ក្បាល ក្នុងនោះមានគោញី ០២ ក្បាលជិតកើតកូន។ អំពីការដាំដំណាំ គ្រួសារខ្ញុំឆ្លៀតយកលាមកគោមួយចំណែកធ្វើជីសម្រាប់ដាំដំណាំ មួយចំណែកទៀត ខ្ញុំលក់បានតម្លៃពី ១៥-២០ ពាន់ដុងក្នុងមួយការុង។ ក្រោយពេលទូទាត់ប្រាក់ចំណាយរួច គ្រួសារខ្ញុំមានប្រភពចំណូលជិត ៣០ លានដុងក្នុងមួយឆ្នាំពីផ្ទៃដីដាំដំណាំ ០២ កុង និងចំណូលពីការលក់លាមកគោបានពី ០៤-០៥ លានដុង​ទៀត។ អាស្រ័យបានបុលទុនចិញ្ចឹមសត្វពង្រីកការផលិត ទើបជីវភាពគ្រួសារខ្ញុំ បានកែលម្អ និងរួចផុតពីភាពក្រីក្រកាលឆ្នាំ ២០១៩។ ប្តីប្រពន្ធខ្ញុំបន្តការខិតខំពលកម្ម ជាពិសេសគឺខិតខំថែទាំគោឲ្យបានល្អនិងឆ្លៀតពេលធ្វើការស៊ីឈ្នួល ដាំដំណាំពង្រីកសេដ្ឋកិច្ចគ្រួសារឲ្យបានរីកចម្រើនជាងទៀតដើម្បីឧបត្ថម្ភកូនពីរនាក់រៀនសូត្របានល្អ។

បងថាញ់ឆ្លៀតពេលទៅស៊ីឈ្នួលថែទាំចម្ការរបស់អ្នកភូមិផង។

        សមាគមកសិករឃុំហ្វាធ្វឹងមានសមាជិក ១.២៦៨ នាក់ ក្នុងនោះ សមាជិកជនជាតិខ្មែរជាង ៦២% ។ តាំងពីដើមឆ្នាំ ២០២១ មកទល់ពេលនេះ  សមាគមបង្កលក្ខណៈឲ្យសមាជិក ៥១៦ នាក់បុលទុន សរុបប្រាក់បំណុលជាង ៩,៨ ពាន់លានដុង សមាជិកដែលបានបុលទុន ភាគច្រើនវិនិយោគក្នុងការចិញ្ចឹមគោ និងដាំដំណាំ។ បច្ចុប្បន្ននេះ សមាគមខិតខំពង្រឹង លើកកម្ពស់គុណភាពក្រុមសមាគមអាជីព  ១៧ ក្រុម ដើម្បីទាក់ទាញសមាជិកទំនាក់ទំនងគ្នាទៅវិញទៅមកឲ្យមានការជិតស្និទ្ធគ្នាដោយមានសមាជិក ៣១៤ នាក់ចូលរួម ក្នុងនោះមានក្រុមចិញ្ចឹមគោ ០៧ ក្រុម មានសមាជិក ១១៨ នាក់ចូលរួម។ ក្នុងចំណោមក្រុមសមាគមអាជីព មានក្រុមចិញ្ចឹមគោសាច់ គោញីសម្រេចលទ្ធផលសេដ្ឋកិច្ចខ្ពស់បំផុត។

       តាមតួលេខស្ថិតិ បច្ចុប្បន្នឃុំមានហ្វូងគោជាង ១.១០០ ក្បាល ក្នុងនោះគោរបស់សម ជិកប្រមាណ ៩០០ ក្បាល។ លោកង្វៀងភឿកថាញ់ ប្រធានសមាគមកសិករឃុំហ្វាធ្វឹងមានប្រសាសន៍ថា៖ ដោយយល់ឃើញថា សមាជិក​ កសិករនៅលើភូមិសាស្រ្តឃុំភាគច្រើនមានជីវភាពធូរធាអាស្រ័យដោយការចិញ្ចឹមគោ  ម្ល៉ោះហើយសមាគមក៏ជ្រើសទម្រង់ចិញ្ចឹមគោដើម្បីលុបបំបាត់គ្រួសារសមាជិកក្រីក្រ។ ពិនិត្យរួម បណ្តាគ្រួសារចិញ្ចឹមគោនិយាយរួម គ្រួសារសមាជិកចិញ្ចឹមគោនិយាយដោយឡែក មិនសូវបង់ខាតប៉ុន្មានឡើយ។  ជាពិសេស ក្នុងពេលចិញ្ចឹមអាចយកលាមកគោសម្រាប់ដាំដំណាំផងនិងលក់ផងអាចជំនួយឲ្យកសិករមានប្រាក់ចំណេញខ្ពស់។                ដើម្បីជំនួយឲ្យ សមាជិក​កសិករបង្កើនចំណេះដឹងក្នុងការចិញ្ចឹមគោបានល្អ តាំងពីដើមឆ្នាំ ២០២១ មកទល់ពេលនេះ សមាគមបានសហការជាមួយសមាគមកសិករខេត្តចាត់តាំងបើកវគ្គហ្វឹកហាត់ពីបច្ចេកទេសចិញ្ចឹម ថែទាំគោញី‑គោសាច់បាន ០២ ថ្នាក់ ទាក់ទាញសមាជិកជិត ៧០ នាក់ចូលរួម។​ សមាគមតែងចាត់ឲ្យកម្មាភិបាលដែលគ្រប់គ្រងភូមិសាស្រ្ត​ សហការជាមួយកម្មាភិបាលកសិកម្មឃុំទៅត្រួតពិនិត្យ ណែនាំសមាជិកពីរបៀបថែទាំគោ សាងសង់រោងគោត្រឹមត្រូវត្រង់ទីកំណត់ អនាម័យឲ្យបានស្អាតស្អំ ធានាការចិញ្ចឹមសុវត្ថិភាព អនាម័យបរិស្ថាន ម្ល៉ោះហើយជាច្រើនឆ្នាំកន្លង ហ្វូងគោរបស់សមាជិក និងកសិករនៅឃុំហ្វាធ្វឹង តែងធំធាត់ល្អជានិច្ច៕

                     អត្ថបទ‑រូបថត៖ សុជា