រួមជាមួយកសិករធានាសុវត្ថិភាពស្រូវរដូវសម្រក

     លោកឡេវ៉ាំងភី ប្រធានការិយាល័យកសិកម្មនិងអភិវឌ្ឍន៍ជនបទស្រុកកូវង៉ាងបានឱ្យដឹង៖ វិធានការដំបូងបានផ្នែកដាក់ចេញគឺបង្កើនការគ្រប់គ្រងមានបណ្តាលូបង្ខាំងទឹកដើមប្រភពដែលមានបាតុភាពជ្រាបជាតិប្រៃពីតំបន់ជិតខាង និងពីច្រកសមុទ្រ។ ទន្ទឹមនឹងនោះតាមដានយ៉ាងដិតដល់កម្រិតប្រៃដើម្បីជូនដំណឹងទាន់ពេលដល់ប្រជាជន បើសិនចាំបាច់គឺទាក់ទងជាមួយបណ្តាមូលដ្ឋាននៅជិតខាងបូមទឹកសាបចូលរក្សាទុក បម្រើការផលិតសម្រាប់ប្រជាកសិករ។

       អាស្រ័យមានលក្ខណៈផុលផុសដោយខ្លួនឯង ម៉្លោះហើយការចុះពូជស្រូវរដូវសម្រកឆ្នាំនេះមិនសូវបានព្រមគ្នាដែរ។ មានស្រូវខ្លះដល់ដំណាក់កាលនេះទើបបានអាយុកាលប្រមាណ ៤០ ថ្ងៃ។ ដូច្នេះ  ជាមួយអាយុកាលរបស់ស្រូវនេះដល់ទៅខែពិសាខទើបបានប្រមូលផល។ ហេតុនោះសមត្ថភាពត្រូវរងឥទ្ធិពលដោយភាពរាំងស្ងួត ជ្រាបជាតិប្រៃយ៉ាងខ្ពស់ ឥទ្ធិពលដល់ទិន្នផលស្រូវ។ ចំពោះគ្រួសារដែលចុះពូជបានរូតនោះមានក្តីរីករាយជាង។ កសិករ សឺនរី នៅភូមិភាវ ឃុំហ៊ីបហ្វាបានឱ្យដឹង៖ ឃើញមូលដ្ឋានជីកស្តារប្របានល្អបណ្តាដងប្រឡាយវាលស្រែ រួមជាមួយនោះគឺទឹកពេញប្រឡាយ ខ្ញុំចុះពូជបានរូតជាងគ្រួសារដទៃ។ គិតមកទល់ពេលនេះ ស្រូវរបស់គ្រួសារខ្ញុំបានជិត ៦០ ថ្ងៃហើយ រួចស្រូវក៏កំពុងលូតលាស់ ល្អ។ សង្ឃឹមថាជាមួយការយកចិត្តទុកដាក់របស់បណ្តាផ្នែកគ្រប់លំដាប់ថ្នាក់ក្នុងការរក្សាទឹកសាប ស្រូវរបស់ខ្ញុំនឹងសុវត្ថិភាព ប្រមូលផលនឹងសម្រេចបានទិន្នផលខ្ពស់ ប្រៀបជាមួយស្រូវរដូវវស្សាឆ្នាំ ២០២០។

ការជីកស្តារប្រឡាយវាលស្រែនៅឃុំហ៊ីបហ្វាធានាប្រភពទឹកបម្រើការផលិត។

         ដើម្បីធានាប្រភពទឹកបម្រើការផលិត រយៈពេលកន្លង បណ្តាមូលដ្ឋានលើភូមិសាស្រ្តស្រុកបានបង្កើតផែនការជីកស្តារបណ្តាដងប្រឡាយដើម្បីរក្សាទឹកសាប។ គិតដោយឡែកតែក្នុងបណ្តាខែនៃដើមឆ្នាំ ២០២១ បណ្តាមូលដ្ឋានអនុវត្តការជីកស្តារប្រឡាយកម្រិត ១ ចំនួន ៩ ខ្សែ និងប្រឡាយកម្រិត ២ ចំនួន ៦ ខ្សែ សរុបប្រវែងជាង ១២ គីឡូម៉ែត្រ ប៉ាន់ស្មានបរិមាណដីជីកទប់ចំនួន ៣៦.០០០ ម៉ែត្រត្រីគុណ។ គិតមកទល់ដើមខែមីនា ឆ្នាំ ២០២១ មានប្រឡាយកម្រិតលេខ ២ ចំនួន ៥ ខ្សែ និងប្រឡាយកម្រិតលេខ ២ ចំនួន ២ ខ្សែបានជីកស្តារសម្រេច លោកឡេវ៉ាំងភីបានឱ្យដឹងបន្ថែម៖ ការិយាល័យកសិកម្មស្រុកតែងសហការជាមួយដំណាក់វារីជលផលបូកសរុបបណ្តាដងប្រឡាយត្រូវល្បាប់ហូរលុប បង្កើតបញ្ជីស្នើដល់គណៈកម្មាធិការប្រជាជនស្រុកវិនិយោគថវិកាអនុវត្ត។ អាស្រ័យហេតុនោះ គិតមកទល់ពេលនេះ លើវាលស្រែជាច្រើនស្ថិតក្នុងតំបន់ជំនាញផលិតកសិកម្មតែងសម្រេចសំណូមពរអំពីកម្រិតជម្រៅដើម្បីរក្សាទឹកសាបបម្រើដល់ការផលិតស្រូវ ស្រោចស្រពដំណាំរបស់មាមីងប្រជាកសិករ។

រដូវស្រូវសម្រកជារដូវស្រូវដែលមានភាពងាយស្រួលក្នុងការផលិតសម្រាប់ប្រជាកសិករ ទន្ទឹមនឹងនោះ ក៏ជារដូវស្រូវផ្តល់ទិន្នផលខ្ពស់ប្រៀបជាមួយរដូវដទៃបើសិនទឹកសាបបានធានា។ អាស្រ័យហេតុនោះ កសិករជាច្រើនផ្តល់យោបល់ថាជារដូវដែលបង្កើនបានប្រាក់កម្រៃសម្រាប់គ្រួសារ ម៉្លោះហើយទោះបីមានការព្រមានរបស់គណៈកម្មាធិការប្រជាជនស្រុកក៏ដោយ ប្រជាជននៅតែផុលផុសចុះពូជដោយខ្លួនឯង។ បងថាច់ភាព កសិករនៅភូមិណាងណើង ឃុំគីមហ្វាចែករំលែក៖ បើសិនមិនផលិតស្រូវរដូវសម្រកចាត់ទុកដូចជាការខ្ជះខ្ជាយម្យ៉ាងអំពីដីធ្លី ខ្ជះខ្ជាយអំពីរដូវកាល។ អាស្រ័យហេតុនោះ ទឹកពេញប្រឡាយ ស្រូវមិត្រូវរងឥទ្ធិពលដោយអាកាសធាតុភ្លៀងខ្យល់។ កន្លែងមួយចំនួនមានដងផ្លូវចុះទៅដល់វាលស្រែ ប្រ មូលផលស្រូវរួចលក់ក៏ងាយស្រួល។ នោះជាផលប្រយោជន៍យ៉ាងស័ក្តិសមធ្វើម្តេចដែលថាកសិករមិនតាម។

         អាស្រ័យស្រូវរដូវសម្រកមិនសូវរងឥទ្ធិពលអាកាសធាតុភ្លៀងខ្យល់ ម៉្លោះហើយកសិករផលិតពូជស្រូវគុណភាពខ្ពស់បានជាង ៣០០ ហិកតា ប្រមូលផ្តុំនៅតាមបណ្តាឃុំហ៊ីបហ្វា ទ្រឿងទ័រ គីមហ្វា ក្នុងនោះ មានពូជស្រូវនាងក្រអូបបានកសិករមួយចំនួនចាត់ទុកថាមិនសមស្របសម្រាប់រដូវដើមឆ្នាំ វស្សាឆ្នាំ ២០២១ នោះ ក៏បានកសិករប្រមូលផ្តុំផលិតច្រើនជាង ជាមួយផ្ទៃដីជាង ១០០ ហិកតា។ ពូជស្រូវប្រភេទនេះបានមូលដ្ឋានមួយចំនួនដែលជំនាញផ្គត់ផ្គង់ស្រូវពូជចុះកិច្ចសន្យាប្រមូលទិញពេលស្រូវបានប្រមូលផល៕

​​         អត្ថបទ-រូបថត៖ ថាច់សម្បត្តិ