ពហុសណ្ឋានពូជដំណាំ ដើម្បីបង្កើនប្រភពចំណូលជូនកសិករ

         ជាមួយផ្ទៃដីចម្ការ ០២ កុង កសិករថាច់សាង នៅភូមិតាអោកដុំធំ​ ឃុំចូវដៀង​បង្កើនប្រភពចំណូលពី ១០-២០ លានដុងក្នុងមួយឆ្នាំ។ កាលពីមុនគាត់ច្រើនដាំបន្លែហូបស្លឹក។ ឆ្នាំ ២០១៨ បានសាខាសមាគមចលនាអនុ វត្តទម្រង់ពហុសណ្ឋានដំណាំ គាត់ក៏ដាំផ្កាស្បៃរឿង ផ្កាឡេវអាវឆ្លាស់ក្នុងបន្លែ។ ជាពិសេសរដូវបុណ្យតេតឆ្នាំ ២០២១ នេះ គាត់ដាំផ្កាស្បៃរឿង និងផ្កាឡេវអាវបានប្រមាណ ២០០​ ផើង។ ឈ្មួញមកទិញដល់ចម្ការជាមួយតម្លៃពី ៣០-៣៥ ពាន់ដុងក្នុងមួយផើង ក្រោយពេលទូទាត់ខ្ទង់ចំណាយរួច គាត់ចំណេញបាន ០៤​ លានដុងក្នុងមួយរដូវ។ បច្ចុប្បន្ននេះ គាត់កំពុងថែទាំផ្កាស្បៃរឿង និងផ្កាឡេវអាវជិត ៣០០ ផើងបម្រុងលក់នារដូវបុណ្យតេតឆ្នាំ ២០២១ ។

កសិករថាច់សាងកំពុងស្រោចទឹកផ្កា។

          លោកមាថាច់សាងបានឲ្យដឹង៖ ចាប់តាំងពីអនុវត្តទម្រង់ពហុសណ្ឋានពូជដំណាំលើផ្ទៃដី ០២ កុង ក្រោយពេលទូទាត់ខ្ទង់ប្រាក់ចំណាយរួចគ្រួសារខ្ញុំនៅចំណេញពី ៤០-៥០ លានដុងក្នុងមួយឆ្នាំកើនពី ១០-២០ លានដុងបើប្រៀបជាមួយនឹងកាលមិនទាន់អនុវត្តទម្រង់នេះ។ អាស្រ័យអនុវត្តទម្រង់ពហុសណ្ឋានពូជដំណាំគ្រួសារខ្ញុំបានរួចផុតពីភាពក្រីក្រកាលពីឆ្នាំ ២០១៨ ហើយសន្សំសំចៃទិញបានគោញី ០២ ក្បាល។ បច្ចុប្បន្នគ្រួសារខ្ញុំមានគោទាំងអស់ ០៤ ក្បាល។

         អនុវត្តកិច្ចចង្អុលការរបស់ឃុំឲ្យផ្លាស់ប្តូររចនាសម្ព័ន្ធពូជដំណាំ សត្វចិញ្ចឹម ជាពិសេសគឺពីពហុសណ្ឋានពូជដំណាំ សមាគមកសិករឃុំចូវដៀងបាននិងកំពុងផ្សព្វផ្សាយ ចលនាសមាជិក និងកសិករផ្លាស់ប្តូរពូជដំណាំដែលមិនសូវមានផលមកដាំឈើហូបផ្លែសមស្របជាមួយនឹងលក្ខណៈដីធ្លី បរិស្ថានដើម្បីនាំមកលទ្ធផលសេដ្ឋកិច្ចខ្ពស់។ ដោយឡែកឆ្នាំ ២០២០ សមាគមចលនាប្រជាកសិករបង្វែរផ្ទៃដីចម្ការចម្រុះមកដាំឈើហូបផ្លែ ដាំដំណាំឆ្លាស់នឹងផ្កាលម្អបានជាង ០៦ ហិកតា ។​

       លោកតូហ្វាងអាញ់ ប្រធានសមាគមកសិករឃុំចូវដៀង មានប្រសាសន៍ថា៖ ការពហុសណ្ឋានពូជដំណាំជំនួយឲ្យកសិករជម្នះបញ្ហាដង្កូវក្រាបំផ្លិចបំផ្លាញផង លក់ផលិតផលបាន ងាយស្រួលផង ព្រមទាំងទទួលបានប្រភពចំណូលខ្ពស់ផង។ ឆ្នាំ ២០២០ សមាគមមាន គ្រួសារ ០៨ គ្រួរួចផុតពីភាពក្រីក្រ។ ក្នុងនោះមាន ០៤ គ្រួសាររួចផុតពីភាពក្រីក្រអា ស្រ័យទម្រង់ពហុសណ្ឋានពូជដំណាំ។ នៅពេលខាងមុខ សមាគមកសិករឃុំបន្តកិច្ច សហការជាមួយបណ្តាមន្ទីរ ផ្នែក ចាត់តាំងវគ្គហ្វឹកហាត់ ផ្ទេរជូនវិទ្យាសាស្រ្ត-បច្ចេកទេសជឿនលឿនក្នុងការដាំដុះនិងចិញ្ចឹមសត្វ។  ជា ពិសេសជំរុញទឹកចិត្តកសិករឱ្យអនុវត្តទម្រង់ពហុសណ្ឋានពូជដំណាំនិងសត្វចិញ្ចឹម ដើម្បីជំនួយឲ្យសមាជិក បង្កើនប្រភពចំណូលបន្ថែមទៀត៕    

អត្ថបទ‑រូបថត៖ សុជា