ផលិតដំណាំរដូវភ្លៀង៖កសិករគប្បីទប់ទល់ និងបង្ការទឹកលិច

            ក្នុងការផលិតកសិកម្មនាពេលបច្ចុប្បន្ន បណ្តាផ្ទៃដីផលិតដំណាំភាគច្រើនដូចជា ឪឡឹក ល្ពៅចុះពូជក្នុងជើងស្រែ (រដូវសម្រក) នៅបណ្តាស្រុកកូវង៉ាង និងយ្វៀងហាយ នឹងត្រូវជះឥទ្ធិពលអាស្រ័យភ្លៀងដើមឆ្នាំ បណ្តាលឱ្យបណ្តាផ្ទៃដីដាំដំណាំភាគច្រើនជាតំបន់ទំនាប ​ប្រព័ន្ធបង្ហូតទឹកយឺត។ គិតដល់ចុងខែមេសា ឆ្នាំ ២០២១ ក្នុងទូទាំងខេត្តចុះពូជដំណាំបានជាង ២៦.៤០៤ ហិកតា ភាគច្រើនគឺពោត ២.១០៤ ហិកតា ដំឡូងជ្វា ២៧៥,៨ ហិកតា​ ដំឡូងមី ២៦៨ ហិកតា​ ដំណាំធញ្ញជាតិផ្សេងៗ  ១៧៥ ហិកតា​ ដំណាំគ្រប់ប្រភេទ ១៥.០០០ ហិកតា សណ្តែកដី ៣.៥០០ ហិកតា។ល។ ផ្ទៃដីប្រមូលផលបាន ១៦.០០០ ហិកតា។​ ស្រូវរដូវដើមឆ្នាំ ២០២១ ចុះពូជបាន ១២.៧៨៩ ហិកតា សម្រេច ១៧,២៨% នៃផែនការ រដូវស្រូវសម្រកប្រមូលផលបាន ៥៦.០៨០ ហិកតា ​ស្រូបយកអត្រា ៩៣,៨៨% នៃផ្ទៃដីចុះពូជ​ ទិន្នផលគិតជាមធ្យមក្នុងមួយហិកតាសម្រេចបាន ៦,៦ តោន (ប្រៀបជាមួយនឹងពេលជាមួយគ្នា នៃឆ្នាំកន្លងក្នុងមួយហិកតាកើនជាង ១,៧២ តោន)។

កសិករកំពុងថែដំណាំ។ រូបថត៖ ហ៊ឺវហ្វេ

          តាមប្រសាសន៍លោកត្រាងតឹង នាយកសាខានាយកដ្ឋានដាំដុះ និងការពាររុក្ខជាតិស្ថិតក្រោមឱវាទមន្ទីរកសិកម្មនិងអភិវឌ្ឍន៍ជនបទ៖ បច្ចុប្បន្នឈានចូលរដូវភ្លៀង ចំពោះដំណាំមួយចំនួន ដូចជាឈើហូបផ្លែ និងផលិតស្រូវមានការងាយស្រួល ដើម្បីកសិករផ្តុំកម្លាំងវិនិច្ឆ័យ និងស្តារឡើងវិញជាតិបំប៉នឲ្យដំណាំ ជាពេលដើម្បីយកទឹកសាបនិងជម្រះជាតិជូរប្រៃក្នុងវាលស្រែ ដើម្បីបម្រើការផលិត និងជីវភាពប្រជាជន។ ថ្វីត្បិតដូច្នោះក្ដី នេះក៏ជាការលំបាកចំពោះដំណាំមួយចំនួនកំពុងស្ថិតក្នុងដំណាក់កាលចេញផ្កា ផ្លែ ងាយជះឥទ្ធិពលដូច ជាឪឡឹក និងពោត។ រយៈកាលធន់នឹងទឹកលិចរបស់ដំណាំនេះតែប្រមាណ ០១ ថ្ងៃ ​ប្រសិនជាមិនបង្ហូតទឹកបានទាន់ពេលទេនោះ​ ដំណាំនឹងត្រូវងាប់ដើម។ ហេតុនោះកសិករគប្បីអនុវត្ត ល្អការបង្ការទប់ស្កាត់ទឹកលិចដោយអន្លើ បង្ហូតផ្លូវទឹក និងភាគច្រើនផ្ទៃដីដាំដំណាំក្នុងរដូវសម្រក ច្រើនបានផលិតនៅក្នុងជើងស្រែទំនាប។ល។

          កត់សម្គាល់អំពីការជះឥទ្ធិពល អាស្រ័យដោយភ្លៀងដើមរដូវលើដំណាំនៅស្រុកកូវង៉ាង នេះជាមូលដ្ឋានរីកចម្រើនខ្លាំងក្លាទម្រង់ដាំដំណាំរដូវប្រាំងនៅក្នុងជើងស្រែ។ នៅឃុំម៉ីឡុងបាក់ ក្នុងខែមេសា ឆ្នាំ ២០២១ បណ្តាផ្ទៃដីដាំដំណាំបានមាមីងកសិករផលិតច្រើនគឺឪឡឹក​ និងពោតនៅបណ្តាភូមិហាញ់ម៉ី បេនកិញ បេនកាក។ល។

            តាមប្រសាសន៍លោកត្រឹងមិញអៀង​ ប្រធានគណៈកម្មាធិការប្រជាជនឃុំម៉ីឡុងបាក់, ស្រុកកូវង៉ាង៖ អាស្រ័យភាគច្រើនផ្ទៃដីផលិតដំណាំនៅវាលស្រែ និងខាងក្នុងទំនប់ តំបន់នេះទាប ទើបលើកភ្លៀងកន្លងហើយ​បង្កឲ្យទឹកលិចនិងការបង្ហូតទឹកជួបលំបាកខ្លាំង។ ឆ្លងតាមនោះ មានត្រឡាច ឪឡឹកប្រមាណ ២០៣ ហិកតាត្រូវលិចទឹកអន្តរាយពី ៨០-៩០%។ មានកសិករជាច្រើនត្រូវប្រមូលផលមុន​​​​និងបោះបង់ចោល។

             នៅស្រុកកូវកែ អ្នកចម្ការរីករាយអាស្រ័យភាគច្រើនផ្ទៃដីដាំមង្ឃុតនិងសាវម៉ាវកំពុងឈានចូលរដូវប្រមូលផល។ ប៉ុន្តែក្នុងរយៈកាលនេះ (ពីពាក់កណ្តាលខែកុម្ភៈ ដល់ពាក់កណ្តាលខែមេសា ឆ្នាំ​ ២០២១) មិនទទួលបានទឹកសាបសម្រាប់បូមឡើងចម្ការឈើហូបផ្លែ ញ៉ាំងឲ្យដើមឈើមិនលូតលាស់ និងការដាក់ជីឲ្យដើមឈើក៏ជួបលំបាក។ បណ្តាលើកភ្លៀងដើមរដូវបានធ្វើឲ្យដើមឈើលូតលាស់រហ័ស អ្នកចម្ការចាប់ផ្តើមថែទាំដើមឈើដំណាក់កាលចេញផ្លែ។ អ្នកចម្ការដូវ៉ាំងតាយ នៅភូមិតឹងគ្វី ១ ឃុំអាងភូតឹង ស្រុកកូវកែបានឲ្យដឹង៖ អស់រយៈកាលយូរថ្ងៃ មេឃក្តៅអូសអន្លាយ មានចម្ការឈើហូបផ្លែជាច្រើនជួបការលំបាក ពេលបូមទឹកពីទន្លេស្រោចស្រព ព្រោះទឹកពីទន្លេហូវមានកម្រិតជាតិប្រៃខ្ពស់។ ដោយ កន្លងហើយ មានភ្លៀងធំបង្គួរបានជួយឲ្យដើមឈើលូតលាស់ល្អជាងមុន និងផ្គត់ផ្គង់គ្រប់ចំនួនទឹកឲ្យបណ្តាដើមឈើដែលកំពុងចេញផ្លែ ធ្វើឲ្យផ្លែឈើរលើបរលោង ធំរហ័ស៕

ប្រែសម្រួល៖ សុខា