ប្រើម៉ាស៊ីនក្រឡឹងបច្ចេកវិទ្យាខ្ពស់ក្នុងការផលិតគ្រឿងឈើវិចិត្រកម្ម

តំណាងស្វែងយល់អំពីដំណាក់កាលក្រឡឹងគ្រឿងឈើ។ រូបថត៖ ហុងញុង

         គ្រួសារអាជីវករឡុងផាកគឺជាមូលដ្ឋានមួយក្នុងចំណោមមូលដ្ឋានធ្វើអាជីវកម្មបណ្តាមុខទំនិញតុបតែងសម្ភារក្នុងផ្ទះដោយគ្រឿងឈើដូចជា៖ តុ កៅអី គ្រែ ទូដាក់ខោអាវ ទូសៀវភៅ។ល។ នេះក៏ជារបរប្រពៃណីមួយនៅខេត្តត្រាវិញ។ បណ្តាផលិតផលភាគច្រើនបានផលិតចេញអំពីឈើធម្មជាតិ មានស្រឡាវជាដើម បានឆ្លាក់ក្បាច់យ៉ាងលម្អិតគួបផ្សំជាមួយការច្នៃប្រតិដ្ឋដើម្បីផលិតចេញជាផលិតផលនីមួយៗ។

       គ្រួសារអាជីវករឡុងផាក បច្ចុប្បន្នផលិតបានបណ្តាផលិតផលមានគុណភាព ប៉ុន្តែជាមួយតម្រូវការពីមួយថ្ងៃទៅមួយថ្ងៃកាន់តែខ្ពស់របស់អ្នកប្រើប្រាស់ គឺផលិតដោយហត្ថកម្មមិនឆ្លើយតបតាមតម្រូវការអំពីចំនួនដាក់ទិញមុខទំនិញ។ អាស្រ័យហេតុនោះ គ្រួសារអាជីវករឡុងផាកសម្រេចចិត្តវិនិយោគទិញម៉ាស៊ីនទំនើបក្នុងការឆ្លាក់ ក្រឡឹងបង្កើតជាផលិតផលរហ័សជាងដើម្បីឆ្លើយតបតាមលិខិតដាក់ទិញមុខទំនិញក៏ដូចជាចំណាយប្រាក់ជួលកម្មករក្នុងការផលិត។

        ដោយក្តាប់បានតម្រូវការរបស់មូលដ្ឋានឧស្សាហកម្មជនបទ មជ្ឈមណ្ឌលជំរុញឧស្សាហកម្ម និងជំរុញពាណិជ្ជកម្មត្រាវិញបានពិគ្រោះ និងឧបត្ថម្ភគ្រួសារផ្សព្វផ្សាយអនុវត្តគម្រោងការ “ឧបត្ថម្ភប្រើម៉ាស៊ីនក្រឡឹងបច្ចេកវិទ្យាខ្ពស់ក្នុងការផលិតគ្រឿងឈើវិចិត្រកម្ម”។ ម៉ាស៊ីនក្រឡឹងបច្ចេកវិទ្យាខ្ពស់ តម្លៃ ៣៨៥ លានដុង(ថវិកាជំរុញឧស្សាហពាណិជ្ជកម្មមូលដ្ឋានឆ្នាំ ២០២១ ឧបត្ថម្ភ ១៨០ លានដុង)។

        ម៉ាស៊ីនទំនើបនេះនឹងជួយគ្រួសារអាជីវករឡុងផាកលើកកម្ពស់គុណភាព រូបភាពផលិតផលសម្បូរបែប រួមចំណែកបង្កើនតម្លៃរបស់ផ្នែកឧស្សាហកម្មសិប្បកម្មនៅក្នុងខេត្ត៕

 ហុងញុង-តឹងង៉ុក