ទីវកឹង៖ បង្កើនការគ្រប់គ្រង ប្រើប្រាស់សម្បត្តិធម្មជាតិ ការពារបរិស្ថាន

  លោកវ៉តឹងត្រៀង​ ប្រធានការិយាល័យភោគផលធម្មជាតិនិងបងិស្ថានស្រុកទីវកឹងបានឲ្យដឹង៖ ជាក់ស្តែង ការងារគ្រប់គ្រងភោគផលធម្មជាតិនិងការពារបរិស្ថានកន្លងហើយ នៅមានចំណុចអន់ខ្សោយច្រើន កម្មាភិបាលបក្ខជនមិនទាន់បង្កើនការយល់ដឹងនិងស្មារតីទទួលបន្ទុក ។ ប្រព័ន្ធច្បាប់ ឧបករណ៍គ្រប់គ្រងមិនទាន់ស៊ីចង្វាក់គ្នា ផ្ទួនគ្នា អនុវត្តមិនទាន់មានប្រសិទ្ធភាព។ គ្រោងផែនការពង្រីកសេដ្ឋកិច្ច‑សង្គមមួយចំនួនមិនទាន់ភ្ជាប់តាមផែនការនិងស្ថានភាពផ្លាស់ប្តូរអាកាសធាតុ បង្ការ ជំនះគ្រោះធម្មជាតិ ការពារបរិស្ថាន។​ការងារដកយកដីធ្លី រំសាយទីធ្លាសំណង់មួយចំនួន គម្រោងការកសាងសំណង់សំខាន់ៗនៅលើភូមិសាស្ត្រស្រុក រយៈកាលកន្លង នៅជួបបញ្ហាលំបាកច្រើន ដំណើរការកសាងនៅយឺត បណ្តាលឲ្យជះឥទ្ធិពលដល់គុណភាពសំណង់​​រាំងស្ទះការពង្រីកសេដ្ឋកិច្ច‑សង្គមរបស់មូលដ្ឋាន។ ការគ្រប់គ្រងដីធ្លីរដ្ឋនៅឃុំ ទីប្រជុំជនមួយចំនួនមិនទាន់ម៉ឹងម៉ាត់​ ផ្តល់ឱកាសឲ្យប្រជាជនប្រើប្រាស់ដីធ្លីរដ្ឋជាច្រើនឆ្នាំ មិនទាន់បានដោះស្រាយដាច់ស្រេច។ ស្ថានភាពកខ្វក់ក្នុងការផលិតធ្វើអាជីវកម្មនិងគ្រួសារចិញ្ចឹមសត្វបានជះឥទ្ធិពលដល់បរិស្ថានរស់នៅរបស់ប្រជាជន​ នៅកើតមានយ៉ាងច្រើន។ការផ្សព្វផ្សាយ ចាត់តាំងអនុវត្តសារាចរលេខ ១៥​របស់គណៈអចិន្ត្រៃយ៍នៃគណៈកម្មាធិការបក្សខេត្តមានពេលខ្លះមិនទាន់ធ្វើបានខ្ជាប់ខ្ជួន។ ប្រជាជនចូលរួមមិនទាន់បានកុះករ ស្ថានភាពលក់ដូរ តាមចិញ្ចើមថ្នល់នៅតែកើតមានឡើង ការងារគ្រប់គ្រងកសាងរបៀបរៀបរយទីក្រុងមិនទាន់សម្រេចបានលទ្ធផលខ្ពស់។ល។

            យោងទៅតាមសភាពការណ៍ជាក់ស្តែងដូចពោលមកខាងលើ លោកវ៉តឹងត្រៀងបានឲ្យដឹងបន្តថា៖ ការរិយាល័យនឹងបន្តកិច្ចសហការជាមួយបណ្តាផ្នែកមូលដ្ឋាន ជំរុញមាំការងារផ្សព្វផ្សាយដល់ប្រជាជនបង្កើនការយល់ដឹងអំពីច្បាប់ដីធ្លី ច្បាប់ធនធានរ៉ែ ច្បាប់ធនធានទឹក ច្បាប់ការពារបរិស្ថាន និងកម្មវិធីអនុវត្ត ទប់ពល់នឹងអាកាសធាតុប្រែប្រួល អភិរ្សពហុជីវសាស្រ្ត បង្កប្រភពកម្លាំងដើម្បីពង្រីកសេដ្ឋកិច្ច‑សង្គមរបស់ស្រុក។ កែប្រែបំពេញបន្ថែមគ្រោងផែនការប្រើប្រាស់ដីធ្លីដល់ឆ្នាំ ២០២៥ ទិសដៅពង្រីកសេដ្ឋកិច្ចតំបន់ សហតំបន់របស់ស្រុកដល់ឆ្នាំ ២០២៥​ ចង្ខុវិស័យ ដល់ឆ្នាំ ២០៣០ ។ គ្រប់គ្រង ទាញយកផលយ៉ាងមានប្រសិទ្ធភាពពីដីដាំដើមឈើជារៀងរាល់ឆ្នាំ។ ជាពិសេសគឺដីដាំឈើស្បៀងអាហារ សម្រេចឯកសារដីធ្លីមូលដ្ឋាន សំណុំឯកសារដីធ្លីតាមច្បាប់កំណត់ ឆ្លើយតបតាមតម្រូវការគ្រប់គ្រងភោគផលដីធ្លីរបស់ស្រុក។​ សម្រេចការងារឡើងគ្រោងផែនការប្រើប្រាស់ដីធ្លីដំណាក់កាល ២០២១‑២០៣០។ ​ផែនការប្រើប្រាស់ដីធ្លីជារៀងរាល់ឆ្នាំ ការងារត្រួតពិនិត្យដីធ្លី កែប្រែគ្រោងផែនការ ពង្រីកសេដ្ឋកិច្ចរបស់បណ្តាផ្នែកមូលដ្ឋាន។​ក្នុងនោះ គប្បីកាត់បន្ថយយ៉ាងពេញទំហឹងជាមួយនឹងបណ្តាផ្នែកដែលផលិតធ្វើអាជីវកម្ម បណ្តាគម្រោងការដែលប្រើប្រាស់ដីធ្លីខុសច្បាប់ ទាញយកផលធម្មជាតិមិនស្របច្បាប់ បណ្តាលឲ្យមានកាកសំណល់ជះឥទ្ធិពលដល់បរិស្ថាន ធ្វើឲ្យក្រខ្វក់បរិស្ថាន បង្កើនគ្រោះធម្មជាតិ​ ជាពិសេសគឺនៅតំបន់ប្រភពដើមផ្លូវទឹក តំបន់ប្រជាជនស្នាក់នៅ។ បង្កើនការត្រួតពិនិត្យ គ្រប់គ្រងរដ្ឋអំពីដីធ្លី គ្រប់គ្រងដីធ្លីរដ្ឋតាមតួនាទីរបស់ខ្លួន។ ទន្ទឹមនឹងនោះបង្កើនការត្រួតពិនិត្យពីការគោរពច្បាប់ការពារបរិស្ថាននៅបណ្តាក្រុមហ៊ុន អាជីវកម្ម មូលដ្ឋានផលិតធ្វើអាជីវកម្មនិងអង្គភាពធ្វើសកម្មភាពទាញយកផល ដឹកជញ្ជូនរ៉ែនៅលើភូមិសាស្រ្តស្រុក។​ផ្សព្វផ្សាយកសាងទីធ្លាចាក់សំរាមរបស់ស្រុកនៅភូមិដៃទទឹង ឃុំតឹបង៉ាយ ដោយមានទ្រង់ទ្រាយ ១,៥ ហិកតា ។ បង្កើនកងកម្លាំងប្រមូលសំរាម វិនិច្ឆ័យកាកសំណល់មានជាតិពុល កាកសំណល់សុខាភិបាល។ ក្រើនរំលឹកអនុវត្តល្អតាមសារាចរលេខ ១៥ របស់គណៈអចិន្ត្រៃយ៍នៃគណៈកម្មាធិការបក្សខេត្ត ការពារបរិស្ថានភ្ជាប់ជាមួយនឹងបង្កើនគុណភាពនិងពង្រីកទម្រង់ដងផ្លូវ ភ្លឺ‑ខៀវ‑ជ្រះ‑ស្អាត បង្កបានទិដ្ឋភាពថ្មីដើម្បីស្រុកទីវកឹងកសាងសម្រេចជោគជ័យ ស័ក្តិសមជាទីក្រុងរបស់ខេត្តក្រោយពីឆ្នាំ ២០២០ នេះ៕ថាញ់ក្វាង‑សុជា