24/09/2021 08:19
តាមប្រភពដំណឹងពីសាខានាយកដ្ឋានដាំដុះ និងការពាររុក្ខជាតិខេត្ត ស្ថិតក្រោមឱវាទមន្ទីរកសិកម្មនិងអភិវឌ្ឍន៍ជនបទត្រាវិញ ដង្កូវក្បាលខ្មៅបំផ្លាញដូងជាប្រភេទដង្កូវថ្មីមួយធ្វើឲ្យខូចខាតយ៉ាងច្រើន ក្នុងខែសីហាឆ្នាំ ២០២១ ដង្កូវកើតរួចបំផ្លាញចម្ការដូងមួយចំនួននៅតំបន់ភូមិកាវម៉ោក ឃុំតឹងហ្វា ស្រុកទីវកឹងជាមួយផ្ទៃដី ២,៧ ហិកតារបស់គ្រួសារកសិករ ០៤ គ្រួ។ អត្រាដង្កូវបំផ្លាញខូចដូងពី ៦០%-៧០%។ ក្រោយពេលនោះ អង្គភាពបានសហការជាមួយមូលដ្ឋានដំណើរការបាញ់ថ្នាំកម្ចាត់ ដោយប្រភេទថ្នាំ Ematin 60EC លាយជាមួយ Emaamectin benzoate 60g/l (កម្រិតបាញ់ក្នុងមួយហិកតា ០១ លីត្រ)។ក្រៅពីនោះ សាខានាយកដ្ឋានដាំដុះនិងការពាររុក្ខជាតិខេត្តបន្ដការបាញ់ថ្នាំការពារដង្កូវក្នុងតំបន់ដែលមានចម្ការដូងជិតខាងដើម្បីកុំឲ្យរាលដាល ចំនួនផ្ទៃដីបានបាញ់ថ្នាំរួម ៧,២ ហិកតា របស់គ្រួសារកសិករ ១៣ គ្រួ។ ឆ្លងតាមនោះលទ្ធផលត្រួតពិនិត្យក្រោយពេលបាញ់ថ្នាំបាន ០៤ ថ្ងៃ អត្រាដង្កូវងាប់សម្រេចជាង ៩០%។ បច្ចុប្បន្ន អង្គភាពចាត់កម្មាភិបាលបច្ចេកទេសបន្ដត្រួតពិនិត្យតាមដាន។ បានដឹងថាលើភូមិសាស្រ្ដឃុំតឹងហ្វា ស្រុកទីវកឹងបច្ចុប្បន្ននេះមានចម្ការដូងជិត ៨០០ ហិកតា៕
ប្រែសម្រួល៖ លឺវវូ
.gif)
មុនបុណ្យចូលឆ្នាំរវាងមួយ ឬ ពីរខែ មាមីងកសិករខ្មែរនៅឃុំធ្វឹងហ្វា ស្រុកកូវង៉ាង តែងមមាញឹកក្នុងការដាំ និងថែទាំដំណាំសម្រាប់លក់ក្នុងឱកាសបុណ្យចូលឆ្នាំថ្មី។ ដោយថែទាំបានល្អ កសិករនៅទីនេះមានចម្ការដំណាំខៀវស្រស់ធានាទាំងទិន្នផល និងគុណភាពសម្រាប់លក់ក្នុងឱកាសបុណ្យចូលឆ្នាំថ្មី។
