ទឹកប្រាក់ជាង ៣៨៧ ពាន់លានដុងវិនិយោគជីកស្ដារប្រឡាយធារាសាស្រ្ដដើមទង ១៨ ខ្សែ

       គម្រោងការអនុវត្តសម្រេចនឹងរួមចំណែកនាំទឹកសាបផ្ទាល់ពីចុងប្រភពមកផ្ដល់ឲ្យបណ្ដាតំបន់ផលិតកសិកម្មរបស់ខេត្តដូចជា៖ ស្រុកកាងឡុង កូវកែ ទីវកឹង ចូវថាញ់ កូវង៉ាង ថ្កូវនិងទីផ្សាររួមខេត្តយ្វៀងហាយ។

ម៉ាស៊ីនជីកស្តារប្រឡាយធារាសាស្រ្តវាលស្រែ។ រូបថត៖ រតនា

         ទន្ទឹមនឹងនោះ បណ្ដាប្រឡាយធារាសាស្រ្ដនេះនឹងកើនចំណុះស្ដុកទឹកសាបសម្រាប់បម្រើការផលិត ឆ្លើយតបតម្រូវការស្រោចស្រពផលដំណាំ ជៀសវាងស្ថានភាពខ្វះទឹកអាស្រ័យដោយរាំងស្ងួត ជ្រាបជាតិជូរប្រៃក្នុងរដូវប្រាំងដូចបណ្ដាឆ្នាំកន្លង។

        លោកផាមមិញត្រៀង នាយកមន្ទីរកសិកម្មនិងអភិវឌ្ឍន៍ជនបទខេត្តត្រាវិញបានឲ្យដឹងថា៖ បណ្ដាឆ្នាំកន្លងហើយ ត្រាវិញត្រូវជះឥទ្ធិពលអាស្រ័យដោយអាកាសធាតុប្រែប្រួល បំផុតគឺស្ថានភាពរាំងស្ងួត ជ្រាបជាតិជូរប្រៃចូលក្នុងវាលស្រែជះឥទ្ធិពលយ៉ាងធ្ងន់ធ្ងរដល់ការផលិតនិងការរស់នៅរបស់ប្រជាជនលើភូមិសាស្រ្ដខេត្ត។

         រដូវប្រាំងឆ្នាំ ២០១៥-២០១៦ គ្រោះរាំងស្ងួតជ្រាបជាតិជូរប្រៃបានបង្កឲ្យខូចខាតគិតជាតម្លៃក្នុងវិស័យផលិតកសិកម្មរួមរបស់ខេត្តជាង ១.១០០ ពាន់លានដុង។ រដូវប្រាំងឆ្នាំ ២០១៩-២០២០ ជ្រាបជាតិជូរប្រៃបណ្ដាលឲ្យខេត្តត្រូវខូចខាតគិតជាតម្លៃ ១.០០០ ពាន់ លានដុង៕  

ប្រែសម្រួល៖ លឺវវូ