ទឹកប្រាក់ជិត ១,២ ពាន់លានដុងសម្រាប់អនុវត្តបណ្តាគម្រោងការជំរុញឧស្សាហកម្ម

ជាក់ស្តែងគឺ ខេត្តបានឧបត្ថម្ភទុន ៩១ លានដុងដល់គ្រួសារធ្វើអាជីវកម្ម បាវង៉ឹង នៅអនុសង្កាត់លេខ ០៩ សង្កាត់ទី ០៩ ទីក្រុងត្រាវិញ ដើម្បីអនុវត្តម៉ាស៊ីនឧបករណ៍ទំនើបទៅក្នុងការផលិតនំក្រៀប ឧបត្ថម្ភទុន ៨៥ លានដុងដល់ក្រុមហ៊ុនចំកាត់ Cacao Mekong នៅភូមិក្នក ឃុំសុងឡុក ស្រុកចូវថាញ់អនុវត្តម៉ាស៊ីនឧបករណ៍ទំនើបក្នុងផលិតសូកូឡា ឧបត្ថម្ភ ៤០ លានដុង ដល់សហករណ៍កសិកម្មឡុងហ៊ីប ស្រុកថ្កូវអនុវត្តឧបករណ៍អេឡិចត្រូនិច ឧបត្ថម្ភ ១៤០ លានដុងដល់អាជីវកម្មឯកជន ភុកអាញ់ណាម នៅអនុសង្កាត់ទី ០១ ទីប្រជុំជនកូវក្វាង ស្រុកទីកឹង អនុវត្តម៉ាស៊ីនឧបករណ៍ទំនើបក្នុងការកាត់ដេរឧស្សាហកម្ម។

ខេត្តឧបត្ថម្ភទុន ១៤០ លានដុងដល់អាជីវកម្មឯកជន យីមកេវនៅភូមិតាដេវ ឃុំណិញថើយ ស្រុកកូវកែ អនុវត្តម៉ាស៊ីនឧបករណ៍ទំនើបក្នុងការកាត់ដេរឧស្សាហកម្ម។ ឧបត្ថម្ភទុន ៦៨ លានដុងដល់សហករណ៍កសិកម្មញឹកលិន ភូមិផ្នោរលើ(បេ) ឃុំញីទ្រឿង ស្រុកកូវង៉ាងសម្រាប់អនុវត្តម៉ាស៊ីនឧបករណ៍ទំនើបក្នុងការផលិតតែ  ឧបត្ថម្ភ ៣០០ លានដុងដល់ក្រុមហ៊ុនភាគហ៊ុន ស្បៀងបៀងសាញ់ នៅអនុសង្កាត់លេខ ០១ សង្កាត់ទី ០១ ទីផ្សាររួមខេត្តយ្វៀងហាយ ផលិតដប PET អេឡិចត្រូនិច ឧបត្ថម្ភ ៣០០ លានដុងដល់គ្រួសារពាណិជ្ជកម្ម ង្វៀងថាញ់ស៊ើង នៅអនុសង្កាត់បេនចូយ សង្កាត់ទី ០១ ទីផ្សាររួមខេត្តយ្វៀងហាយអនុវត្តម៉ាស៊ីនឧបករណ៍ទំនើបក្នុងការផលិតនំបញ្ចុកប្រពៃណី ។

លោកវ៉មិញកឹម នាយកមន្ទីរឧស្សាហពាណិជ្ជកម្មបានឲ្យដឹង៖ គិតតាំងពីពេលនេះរហូតដល់ឆ្នាំ ២០២៥ ខេត្តត្រាវិញមានផែនការអនុវត្តបណ្តាសកម្មភាពជំរុញឧស្សាហកម្ម សរុបរួមថវិកាជាង ៤០ ពាន់លានដុង។ ក្នុងនោះ ប្រភពថវិកាជំរុញឧស្សាហកម្មជាតិ ១,៥ ពាន់លានដុង ប្រភពថវិកាខេត្តជាង ១៨,៣ ពាន់លានដុង ចំនួនប្រាក់ក្រៅពីនោះកេណ្ឌប្រមូលពីបណ្តាមូលដ្ឋានឧស្សាហកម្ម-សិប្បកម្មវិនិយោគ។

ដំណាក់កាលឆ្នាំ ២០១៦-២០២០ ខេត្តត្រាវិញអនុវត្តបណ្តាសកម្មភាពជំរុញឧស្សាហកម្មជាមួយថវិកាជាង ០៧ ពាន់លានដុង។ ក្នុងនោះ ថវិកាជំរុញឧស្សាហកម្មលើមូលដ្ឋានជាង ៤,៨ ពាន់លានដុង ថវិកាជំរុញឧស្សាហកម្មជាតិជាង ២,១ ពាន់លានដុង។ បណ្តាសកម្មភាពឧស្សាហកម្មបានជួយឲ្យបណ្តាមូលដ្ឋាន អាជីវកម្មហ៊ានវិនិយោគម៉ាស៊ីន ឧបករណ៍ទំនើប រួមចំណែកលើកកម្ពស់ប្រសិទ្ធភាពក្នុងការផលិត។ ភាគច្រើនបណ្តាមូលដ្ឋានអាជីវកម្មបានឧបត្ថម្ភតែងពង្រីកបានលំនឹង ស្ថិរភាព បើកទូលាយទ្រង់ទ្រាយធ្វើសកម្មភាព ផលិតផលមានច្រកចេញលំនឹង បង្កការងារធ្វើថ្មីបានច្រើន និងលើកបង្កើនប្រភពចំណូលជូនពលករនៅជនបទ៕                                                                            

ប្រែសម្រួល៖ តឹងង៉ុក