ដាំក្រូចឃ្វិចផ្អែមលើដីផលិតស្រូវ

កើតមកក្នុងគ្រួសារកសិករ អាស្រ័យលក្ខណៈសេដ្ឋកិច្ចគ្រួសារលំបាក ម៉្លោះហើយបងខ្វា កើតឆ្នាំ ១៩៨៦ រៀនបានត្រឹមតែកម្រិតវិទ្យាល័យ ជាកូនប្រុសច្បងនិងជាកូនប្រុសតែមួយគត់ គ្រួសារមានបងប្អូន ០២ នាក់ ម៉្លោះហើយភារកិច្ចអនាគតរបស់បងត្រូវរែកពុនការងារក្នុងគ្រួសារ។ វ័យក្មេង “នៅជនបទបានរៀនសូត្រតិចតួច” បងតែងបារម្ភពីព្រោះ មិនដឹងតើផ្តើមអាជីពអ្វីលើតំបន់ដីនេះ។ ក៏ក្នុងពេលនេះដែរ បងសម្រេចចិត្តទៅបំពេញកាតព្វកិច្ចយោធានៅឆ្នាំ ២០១៦។ អស់រយៈពេលជិត ០២ ឆ្នាំរៀនសូត្រ និងឆ្លងកាត់ក្នុងបរិស្ថានកងទ័ពនៅកងអនុសេនាតូចលេខ ៨ ខណ្ឌថោកណូក ទីក្រុងកឹងធើ បងមានលក្ខណៈរៀនសូត្រ លត់ដំសីលធម៌ សតិអារម្មណ៍ អប់រំនយោបាយជួយឲ្យបងមានចំណេះដឹង និងមានគោលជំហររឹងមាំ។

បងយឿងកីមខ្វាកំពុងពិនិត្យក្រូចឃ្វិច។ រូបថត៖ ម៉ីញ៉ឹង

ក្រោយពេលចេញពីកងជួរទ័ព បងវិលមកកាន់មូលដ្ឋានបន្តជួយកិច្ចការឪពុកម្តាយធ្វើស្រែជាមួយផ្ទៃដី ១,២ ហិកតាផលិតស្រូវ ០៣ រដូវក្នុងមួយឆ្នាំ។ បងបានឃុំភូកឹងបង្កលក្ខណៈឲ្យចូលប្រកបការងារនៅសមាគមអតីតយុទ្ធជនឃុំ គណៈត្រួតពិនិត្យគណៈកម្មាធិការបក្សឃុំ គណៈបញ្ជាការដ្ឋានយោធាឃុំ និងទទួលភារកិច្ចផ្សេងៗជាច្រើនទៀត។ ក៏ក្នុងឱកាសនេះដែរ បងបានថ្នាក់ដឹកនាំឃុំបង្កលក្ខណៈឲ្យទៅរៀនមហាវិទ្យាល័យផ្នែកខាងច្បាប់ មធ្យមសិក្សាទ្រឹស្តីនយោបាយ បណ្តុះបណ្តាលមធ្យមសិក្សាជំនាញយោធា។ ដល់ឆ្នាំ ២០១៥ បងបានប្រគល់ឲ្យទទួលតួនាទីជាមេបញ្ជាការនៃគណៈបញ្ជាការដ្ឋានយោធាឃុំរហូតមកទល់ពេលនេះ។

ក្រៅពីការងារជំនាញ បងឆ្លៀតពេលជួយឪពុកម្តាយថែទាំការងារស្រែចម្ការ។ បងខ្វាបានឲ្យដឹងៈ អស់រយៈពេលច្រើនឆ្នាំស្រាវជ្រាវបងសម្គាល់ឃើញថាផលិតស្រូវបង់កម្លាំងថែទាំច្រើន ប្រាក់ចំណាយក្នុងការផលិតខ្ពស់ ប្រភពចំណូលទាប ម៉្លោះហើយពេលមានគ្រួសារបងសម្រេចចិត្តផ្លាស់ប្តូរជីវភាពដោយរបៀបជួលដីផលិតស្រូវ ០,៥ ហិកតាដើម្បី ដាំក្រូចឃ្វិចផ្អែម។ ជាមួយចំនួនប្រាក់ដែលសន្សែសន្សំច្រើនឆ្នាំមករួមជាមួយការជំនួយកម្លាំងរបស់ឪពុកម្តាយ បងបានជួលដីផលិតស្រូវឡើងចម្ការដាំក្រូចឃ្វិចផ្អែម រយៈពេលសន្យាសហការជួលដី ១០ ឆ្នាំ តម្លៃជួលដី ១០ លានដុងក្នុងមួយឆ្នាំ និងសងប្រាក់ជួលដីមុនម្តង ១០០ លានដុង ក្នុងនោះឪពុក ម្តាយឧបត្ថម្ភទុន ៥០%។ ជាមួយផ្ទៃដីខាងលើ បងបានដាំក្រូចឃ្វិចផ្អែម ៧០០ ដើមពីឆ្នាំ ២០១៨ រហូតមកទល់ពេលនេះ។

ជាអ្នកកើតមកក្នុងគ្រួសារកសិករ សេដ្ឋកិច្ចគ្រួសារបងខ្វាសំខាន់គឺផលិតកសិកម្ម។ អាស្រ័យហេតុនោះ បងរៀនសូត្របានចំណេះដឹងមួយចំនួនអំពីគ្រួសារដើម្បីអនុវត្តចូលក្នុងការដាំដំណាំ ដាំឈើហូបផ្លែ។ អាស្រ័យព្យាយាមពលកម្ម បច្ចុប្បន្ននេះ ចម្ការក្រូចឃ្វិច ០,៥ ហិកតាកំពុងអំណោយផលជាមធ្យមពី ០,៥-០១ តោនក្នុងមួយខែ លក់ជាមួយតម្លៃ ពី ២០.០០០-៣០.០០០ ដុងក្នុងមួយគីឡូក្រាម។ ក្រូចឃ្វិចអំណោយផលតាំងពីខែឧសភាឆ្នាំ ២០២០ មកទល់ពេលនេះ ទទួលបានប្រភពចំណូលជិត ៨០ លានដុង។ ចំពោះបងខ្វា ក្រូចឃ្វិចមានអាយុកាលពី ១០-១២ ឆ្នាំ មានប្រភពចំណូលលំនឹងជារៀងរាល់ខែ។

នេះជាទម្រង់ដំបូងបង្អស់លើភូមិសាស្រ្ត ឃុំ ហើយបានសមាជិកសមាគម សមាជិកសម្ព័ន្ធយុវជនរៀនសូត្ររួចពង្រីកទូលាយ មកទល់ពេលនេះបានជាង ០២ ហិកតា។ តាមបងខ្វា មុនពេលប្រមូលផលក្រូចឃ្វិចផ្អែម បងបានអនុវត្តវិធានការយកខ្លីចិញ្ចឹមវែង ក្នុងរយៈពេលថែទាំក្រូចឃ្វិចផ្អែមបងដាំត្រសក់ស្រូវ ននោង និងបន្លែគ្រប់ប្រភេទ ។ ទន្ទឹមជាមួយការពង្រីកសេដ្ឋកិច្ចចម្ការ បងនៅទាំងដាំស្មៅចិញ្ចឹមគោមេទៀតផង។ គិតមកទល់ពេលនេះប្រភពចំណូលអំពីការដាំបន្លែបង្កាគ្រប់ដើមទុនជួលដី៕           

  ប្រែសម្រួល៖ តឹងង៉ុក