ដាក់ក្តីសង្ឃឹមលើរដូវស្រូវដើមឆ្នាំ ២០២១

គិតដល់ចុងខែមិថុនាឆ្នាំ​ ២០២១ មាមីងកសិករក្នុងខេត្តចុះពូជស្រូវរដូវដើមឆ្នាំបាន ៧២.៧០២ ហិកតា (សម្រេច ៩៩,៣៥% ផែន ការ) កើន ៣.៣៩៣ ហិកតាបើប្រៀបជាមួយរដូវស្រូវដើមឆ្នាំ ២០២០។ បច្ចុប្បន្ន មានស្រូវ  ៤៨.៦៨១​ ហិកតាកំពុងស្ថិតក្នុងដំណាក់កាលល្បាច ស្រូវ ១១.៩៩៨ ហិកតាកំពុងបែកគុម្ព​ ១១.៩៨១ ​ហិកតាទុំ។ល។ និងមានផ្ទៃដីមួយចំនួនបានប្រមូលផលរួចស្រេច ភាគច្រើននៅ តំបន់ឃុំថាញ់ភូ​ ថុងហ្វា (ស្រុកកូវកែ) តឹងអាង ​តឹងបិញ (ស្រុកកាងឡុង)។ តាមប្រសាសន៍ លោកឡេវ៉ាំងដុង នាយករងមន្ទីរកសិកម្មនិងអភិវឌ្ឍន៍ជនបទត្រាវិញបានឲ្យដឹង៖ ការរចនាពូជក្នុងរដូវស្រូវដើមឆ្នាំ ២០២១​ ភាគច្រើនប្រ មូលផ្តុំក្នុងក្រុមពូជមានគុណភាពខ្ពស់  ស្រូបយកអត្រា ៦៧,៨% ផ្ទៃដីរួម (រួមមាន៖ OM ៥៤៥១, OM៤៩០០, ដាយធើម ៨, OM៤២៩, OM៦៩៧៦។ល។) ក្រុមពូជមានគុណភាពមធ្យមស្រូបយកអត្រា ២១,៨% (រួមមាន៖ IR ៥០៤០៤, ML២០២ ស៊ីវហាមត្រូវ) និងក្រុមពូជក្រអូបវិសេសផលស្រូបយកអត្រា ០,៧% ផ្ទៃដី (រួមមាន៖ ST២៤ ST២៥ RVT ណាងធើម ៩) ក្រៅពីនោះគឺបណ្តាពូជផ្សេងស្រូបយកអត្រា ៩,៧%។ល។

ទម្រង់ផលិតស្រូវ។ រូបថត៖ រតនា

កត់សម្គាល់ពីស្ថានភាពផលិតស្រូវរដូវដើមឆ្នាំ ២០២១ នៅលើភូមិសាស្រ្តស្រុកកូវកែ មកដល់បច្ចុប្បន្ន ផ្ទៃដីចុះពូជរដូវដើមឆ្នាំរបស់ស្រុកសម្រេចជាង ៨.១០១ ហិកតា (សម្រេចលើស ០,២% ផ្ទៃដីបើប្រៀបជាមួយផែនការ) ក្នុងនោះមាន ៧.៨៥០ ហិកតាកំពុងល្បាច។ តាមលោកង្វៀងវ៉ាំងដើម​ ប្រធានដំណាក់ដាំដុះ និង ការពាររុក្ខជាតិស្រុកកូវកែបានឲ្យដឹង៖ ចំពោះស្រូវរដូវដើមឆ្នាំនេះលូតលាស់ល្អជាងបើប្រៀបជាមួយឆ្នាំ ​២០២០ ដើមរដូវស្រូវមិនជះឥទ្ធិពលអាស្រ័យជ្រាបជាតិជូរប្រៃ រាំងស្ងួត និងក្នុងដំណាក់ពេលលូតលាស់មិនសូវមានជំងឺ និងដង្កូវបំផ្លាញ កសិករអនុវត្តល្អវិធានការវប្បកម្ម និងបង្ការទប់ស្កាត់ជំងឺលើស្រូវ។ ឆ្លងតាមការត្រួតពិនិត្យជាក់ស្តែងឲ្យឃើញថា ទិន្នផលស្រូវអាចសម្រេចខ្ពស់ជាង ២៥% បើប្រៀបជាមួយស្រូវរដូវដើមឆ្នាំ ២០២០ (ក្នុងមួយហិកតាស្រូវស្ងួតសម្រេចពី ៦,៣%‑៦,៥ តោន)។

ចំណែកនៅស្រុកទីវកឹវ​រដូវស្រូវដើមឆ្នាំ ២០២១  ចុះពូជបាន ១១.៥៦៦/១១.៧១០ ហិកតា សម្រេច ៩៨,៧% ផែនការ បណ្តាពូជស្រូវដែលបានកសិករចុះពូជច្រើនដូចជា៖ OM ១៨​, OM៥៤៥១, OM៤៩០០។ល។

សំណេះសំណាលជាមួយយើងខ្ញុំ លោកង្វៀងវ៉ាំងភឿក ប្រធានក្រុមប្រឹក្សាភិបាល និងជានាយកសហករណ៍កសិកម្មឃុំភូកឹង ស្រុកទីវកឹងបានឲ្យដឹង៖ ស្រូវរដូវដើមឆ្នាំនេះងាយស្រួលបង្គួរ មាមីងកសិករគ្មានចុះពូជច្រើនលើកដូចរដូវដើមឆ្នាំ ២០២០​ ទន្ទឹមនឹងនោះគឺកាលបរិច្ឆេទបានផ្សព្វផ្សាយព្រមៗគ្នា និងតម្លៃស្រូវខ្ពស់ ម៉្លោះហើយ កសិករវិនិយោគល្អក្នុងការផលិតហេដ្ឋារចនាសម្ព័ន្ធធារាសាស្ត្រតែងបានពង្រីកមានលទ្ធផលក្នុងការផលិត។ ចំពោះផ្ទៃដីផលិតស្រូវរបស់បណ្តាសមាជិកក្នុងសហករណ៍ ទិន្នផលអាចសម្រេចខ្ពស់បង្គួរ ក្នុងមួយហិកតាសម្រេចបានប្រមាណ ០៧ តោន។

សេចក្ដីប្រកាសព្រមានមួយចំនួនរបស់ផ្នែកកសិកម្ម ចំពោះផ្ទៃដីផលិតស្រូវនឹងចាប់ផ្តើមទុំ និងប្រមូលផលក្នុងខែសីហា និងខែកញ្ញា កសិករជួបលំបាកអាស្រ័យភ្លៀងកាន់តែច្រើន។ ហេតុនោះដើម្បីកាត់បន្ថយកុំឲ្យស្រូវរលំ មាមីងកសិករគប្បីប្រតិបត្តិល្អតាមវិធីសាស្រ្តបច្ចេកទេសដូចជាបន្ថយ ៣​ យ៉ាង‑បង្កើន ៣​ យ៉ាង ត្រូវ ១ ប្រការ‑បន្ថយ ៥ ប្រការ។  ជាពិសេសគប្បីគ្រប់គ្រងល្អចំនួនទឹកក្នុងវាលស្រែ និងព្រាចជីសមស្រប ដើម្បីស្រូវក្រេបយកជាតិបំប៉នល្អ និងចេញឫសល្អ ជំនួយឲ្យដើមស្រូវរឹងមាំ។ កសិករមិនគប្បីប្រើជីក្នុងដំណាក់កាលស្រូវកំពុងបែកគុម្ព ឬក៏មានគ្រាប់រួចស្រេច​ ព្រោះក្នុងរយៈពេលនេះគប្បីរក្សាឲ្យស្លឹកស្រូវខៀវស្រស់និងលឿង​ដើម្បីមានលទ្ធភាពធន់ទ្រាំជាមួយនឹងភ្លៀងព្យុះបានល្អជាង៕

ប្រែសម្រួល៖ សុខា