ដំណាប់ដូងខ្ទិះកឹមហាំង

បងស្រីង្វៀងធីកឹម ជាមួយនឹងផលិត​ផលដំណាប់។ រូបថត៖ ហ៊ឺវវហេ្វ

          ឆ្នាំ ២០១៩ ផលិតផលដំណាប់ដូង ខ្ទិះកឹមហាំង បានគណៈកម្មាធិការប្រជាជនខេត្តត្រាវិញទទួលស្គាល់សម្រេចជាផលិតផល  OCOP  ផ្កាយ ៣ និងសម្រេចផលិតផលឧស្សាហកម្មជនបទឆ្នើមតំបន់ភាគខាងត្បូងឆ្នាំ ២០២០។ វិសេសផលដូងខ្ទិះកូវកែ​ បានវិជ្ជាស្ថានកម្មសិទ្ធិបញ្ញា (ក្រសួងវិទ្យាសាស្រ្ត - បច្ចេកវិទ្យា) ទទួលស្គាល់ជាផលិតផលពិសេសរបស់ស្រុកកូវកែ  និង បានទទួលស្គាល់សម្រេចសម្បទា (VietGAP) ដល់សហករណ៍ដូងខ្ទិះហ្វាតឹង​ ស្រុកកូវកែ​ ប៉ុន្តែទីផ្សារលក់ចេញភាគច្រើនជាភ្ញៀវទេសចរណ៍ មានបំណងហូបផ្លែឈើវិសេសផលនេះ​ និងទិញធ្វើជាអំណោយ។

           ចែករំលែកជាមួយយើងខ្ញុំ បងស្រីង្វៀងធីកឹមបានឲ្យដឹង៖ រដូវប្រមូលផលកំពូលភាគច្រើនតម្លៃដូងតែងបន្ថយចុះ ដូងមានតម្លៃពី ៥០.០០០​- ១០០.០០០ ដុងក្នុងមួយផ្លែ (យោងតាមប្រភេទផ្លែ)។​ ជាពិសេស បច្ចុប្បន្ននេះផ្ទៃដីដាំដូងខ្ទិះនៅស្រុកកូវកែបានពង្រីកទូលាយជាង ៣០០ ហិកតា​ ច្រកចេញរបស់ផលិតផល ភាគច្រើនលក់ទាំងផ្លែ ។ ក្រោយពេលមូលដ្ឋានផលិតជាដំណាប់ដូងខ្ទិះ​ ស្ករគ្រាប់ដូងខ្ទិះបានឆ្ពោះទៅរកទិសដៅចងសម្ព័ន្ធរវាងអ្នកដាំដូង​ និងមូលដ្ឋានផលិតដំណាប់ នេះជាឱកាសដើម្បីកសាង និងបង្កើនតម្លៃ ពាណិជ្ជសញ្ញាដូងខ្ទិះកូវកែជូនកសិករ។ 

           ក្រោយរយៈកាលសិក្សាស្រាវជ្រាវ  ស្វែងរកទីផ្សារជាច្រើនឆ្នាំ និងដកពិសោធន៍ពីការផលិតដំណាប់ដូងខ្ទិះត្រូវបរាជ័យច្រើនដងនោះ បច្ចុប្បន្ននេះ មូលដ្ឋានផលិតកឹមហាំងទទួលបានជោគជ័យ​ និងធ្វើឲ្យដំណាប់ដូងខ្ទិះ ស្ករគ្រាប់ដូងខ្ទិះមានមុខនៅទីផ្សារនៃបណ្តាទីក្រុងធំៗ ដូចជា ហាណូយ ទីក្រុងហូជីមិញ​ដាណាំង។ល។ អាស្រ័យសាច់ដូងទន់ជ្រាយ ​និងមានកម្រិតប្រេងខ្ពស់ ក្រោយពេលពុះដូងដើម្បីយកសាច់នោះ ត្រូវវិនិច្ឆ័យក្នុង  ២៤ ម៉ោង​ទើបសាច់ដូងមិនត្រូវពុក​ និងឡើងប្រេង ញ៉ាំងឲ្យដូងមិនបាត់រសជាតិឆ្ងាញ់ក្រអូប ​។

               ចែករំលែកអំពីរូបមន្តធ្វើដំណាប់ដូងខ្ទិះ បងង្វៀងធីកឹមបានឲ្យដឹង៖ ដំបូងយើងជ្រើសដូងមិនទុំពេក​ ល្អបំផុតគឺពេលដែលដូងទើបតែទុំ​ សាច់ដូងមិនក្រាស់ពេក (ពី​ ១,២-០២ សង់ទីម៉ែត្រ) បើសិនសាច់ដូងក្រាស់ពេក​នឹងធ្វើឲ្យដំណាប់ដូងទន់ ផលិតមិនសូវបានផល។​ ក្រោយពេលកាត់​រួចប្រឡាក់ជាមួយស្ករ ទឹកដោះ ក្រោយមកសាច់ដូងបានដាក់ចូលខ្ទះ​ រួចឆារ ដល់ពេលដំណាប់ដូងស្ងូត ត្រូវបង់ពេលប្រ មាណ ១២ ម៉ោង ក្នុងនោះដំណាក់កាលធ្វើឲ្យដំណាប់ដូងស្ងូតស្រូបយកជាងស្មើ ៦០% នៃពេលវេលារួម (១២ ម៉ោង)និងពលករម្នាក់ផលិតបានតែ​ ១ ខ្ទះ (ពី ៥-៧ គីឡូក្រាម)។

              បច្ចុប្បន្ន​ ដំណាប់ដូងខ្ទិះក្នុងមួយគីឡូក្រាមមានតម្លៃពី ៤០០.០០០-៤២០.០០០​ ដុង  គ្រាប់ស្ករដូងខ្ទិះក្នុងមួយគីឡូក្រាមមានតម្លៃ ២៥០.០០០ ដុង ។ របៀបធ្វើតាមប្រពៃណី មិនប្រើសារធាតុការពារ រសជាតិវ៉ាន់នី ម៉្លោះហើយធានាបានរសជាតិរបស់ដូងខ្ទិះទាំងស្រុង អ្នកប្រើប្រាស់អាចទុកបរិភោគបានក្នុងរយៈពេលពី​ ១៥-២០​ថ្ងៃ។​ ដើម្បីបង្កើនគុណភាពដំណាប់ដូងខ្ទិះ ឆ្លើយតបតម្រូវការទីផ្សារ ធានាសុវត្ថិភាពអនាម័យគ្រឿងបរិភោគ។ ឆ្នាំ ​២០១៩ ដោយបានការឧបត្ថម្ភរបស់មជ្ឈ មណ្ឌលជំរុញឧស្សាហកម្ម (មន្ទីរឧស្សាហពា ណិជ្ជកម្ម) បានវិនិយោគប្រព័ន្ធឧបករណ៍ហាល​​ បញ្ចូលកញ្ចប់ និងបឺតខ្យល់ម៉្លោះហើយផលិតផលធានាបានសុវត្ថិភាព និងមានរយៈកាលប្រើប្រាស់បានយូរជាង​ អតិថិជនអាចពិនិត្យផលិតផលរបស់មូលដ្ឋានតាមរយៈលេខកូដផលិតផល​នៅលើកញ្ចប់។

              តាមសំដីរបស់បងង្វៀងធីកឹម មុននោះ  ដើម្បីផលិតបានដំណាប់ ១​ ខ្ទះត្រូវបង់ពេលវេលា​ ១៥ ម៉ោង បច្ចុប្បន្នមានប្រព័ន្ធឧបករណ៍ហាលស្វ័យប្រវត្ត ក្រោយពេលដំណាប់ដូងបាន​ឆាររួចស្រេច​ និងបានដាក់ចូលទៅក្នុងកញ្រ្ជែងហាលប្រហែល​ ៣​ ម៉ោង (ដោយមាន ៣ ម៉ាស៊ីន៖​ មានថាមពលធ្វើឲ្យស្ងួត ០៦ កញ្រ្ជែងក្នុង ១០ គីឡូក្រាមដំណាប់ក្នុងមួយលើក​​ ១០ កញ្រ្ជែងក្នុង ៥០ គីឡូក្រាមដំណាប់ក្នុង មួយលើក​ ០៣ កញ្រ្ជែងក្នុង ១០ គីឡូក្រាម ដំណាប់ក្នុងមួយលើក) ធានាឲ្យមូលដ្ឋានផ្គត់ផ្គង់គ្រប់បរិមាណផលដំណាប់តាមបណ្តាវិក្ក យបណ្ណដាក់ទិញមុខទំនិញរបស់អតិថិជន។ ក្នុងមួយឆ្នាំមូលដ្ឋានផ្គត់ផ្គង់ទីផ្សារពី​០៦-០៧ តោន និងប្រមូលទិញដូងខ្ទិះពី ៣.០០០-៣.៥០០​ ផ្លែក្នុងមួយខែ៕

                          ប្រែសម្រួល៖ សុខា