ចង្អុលការឧបត្ថម្ភប្រមូលផលស្រូវរដូវដើមឆ្នាំ ២០២១

បច្ចុប្បន្ននេះ ស្រូវរដូវដើមឆ្នាំនៅលើភូមិសាស្ត្រខេត្តឈានដល់រដូវប្រមូលផល ប៉ុន្តែអាស្រ័យដោយជះឥទ្ធិពលស្ថានភាពរោគជំងឺកូវីដ-១៩ ប្រែប្រួលស្មុគស្មាញបណ្តាលឱ្យជះឥទ្ធិពលយ៉ាងធ្ងន់ធ្ងរដល់ដំណាក់កាលប្រមូលផល និងលក់ស្រូវ។ ចំពោះស្ថានភាពនោះ កាលពីថ្ងៃទី ២០ កក្កដាឆ្នាំ ២០២១ ប្រធានគណៈកម្មាធិការប្រជាជនស្រុកកាងឡុងបានធ្វើរបាយការណ៍អំពីការទុក្ខលំបាកក្នុងការប្រមូលផល និងការលក់ស្រូវរដូវដើមឆ្នាំ។ ដើម្បីឧបត្ថម្ភដល់ស្រុកកាងឡុងនិយាយដោយឡែក និងបណ្តាមូលដ្ឋានផ្សេងៗនិយាយរួមដើម្បីប្រមូលផល និងលក់ស្រូវរដូវដើមឆ្នាំ ប្រធានគណៈកម្មាធិការប្រជាជនខេត្តប្រគល់ភារកិច្ចឱ្យមន្ទីរកសិកម្ម និងអភិវឌ្ឍន៍ជនបទខេត្តធ្វើជាអធិបតីសហការជាមួយនឹងមន្ទីរឧស្សាហពាណិជ្ជកម្ម គណៈកម្មាធិការប្រជាជនបណ្តាស្រុក ទីផ្សាររួមខេត្ត ទីក្រុង និងបណ្តាអង្គភាពទាក់ទិន។ ចំពោះមុខ ត្រូវពិនិត្យឡើងវិញចំនួនគ្រឿងម៉ាស៊ីនកាត់បោកចម្រុះនៅលើភូមិសាស្ត្រខេត្តដើម្បីឧបត្ថម្ភការប្រមូលផលស្រូវឱ្យបណ្តាស្រុក រៀបចំប្តូរវែនគ្រឿងម៉ាស៊ីនកាត់បោកចម្រុះឱ្យមានវិទ្យាសាស្ត្រ ស្ថិតលើមូលដ្ឋានរបស់មូលដ្ឋានណាមានវាលស្រែស្រូវទុំមុនគឺគប្បីប្រមូលផ្តុំកម្លាំងប្រមូលផលមុនរួចទើបឆ្លងទៅមូលដ្ឋានផ្សេង។ ទន្ទឹមនឹងអំពាវនាវចងសម្ព័ន្ធជាមួយនឹងឈ្មួញ អាជីវកម្មក្នុងខេត្តម៉ៅទិញស្រូវរបស់ប្រជាកសិករ។ ចំពោះករណីដែលនៅក្នុងខេត្តមិនអាចឆ្លើយតបសំណូមពរបាន គឺបង្កើតកន្សោមចងសម្ព័ន្ធជាមួយនឹងបណ្តាខេត្តផ្សេងៗក្នុងតំបន់វាលទំនាបទន្លេគឺវឡុងដើម្បីឧបត្ថម្ភការប្រមូលផល និងការលក់ស្រូវរដូវដើមឆ្នាំជូនប្រជាកសិករនៅលើភូមិសាស្ត្រខេត្តតាមការសំណូមពរស្នើរបស់ប្រធានគណៈកម្មាធិការប្រជាជនស្រុកកាងឡុងក៏ដូចជាបណ្តាមូលដ្ឋានផ្សេងៗ ប៉ុន្តែត្រូវធានាការងារបង្ការទប់ស្កាត់អាសន្នរោគជំងឺកូវីដ-១៩ ត្រឹមត្រូវតាមការកំណត់។ ប្រធានគណៈកម្មាធិការប្រជាជនបណ្តាស្រុក ទីផ្សាររួមខេត្ត ទីក្រុងសហការជាមួយនឹងនាយកមន្ទីរកសិកម្ម និងអភិវឌ្ឍន៍ជនបទអនុវត្ត។ លទ្ធផលរបាយការណ៍ជូនប្រធានគណៈកម្មាធិការប្រជាជនខេត្ត៕

ប្រែសម្រួល៖ រតនា