ឃុំហ្វាតឹង៖ ពង្រីកសេដ្ឋកិច្ចចម្ការភ្ជាប់ជាមួយការកសាងផលិតផលពិសេស

ពង្រីកចម្ការដាំដូងខ្ទិះនៅឃុំហ្វាតឹង។ រូបថត៖ សុខា

       សមមិត្តង្វៀងវ៉ាំងហាយ​ អនុលេខាប្រចាំការឃុំហ្វាតឹងបានឲ្យដឹង៖ អនុវត្តសេចក្តីសម្រេចចិត្តឆ្នាំ ២០២០ ​មកដល់ពេលនេះសម្រេចបាន ១៩/២១ កម្រិតផែនការ (នៅ ២ កម្រិតផែនការមិនទាន់សម្រេចគឺពង្រីកអាជីវកម្ម និងបញ្ជូនពលករទៅធ្វើការនៅបរទេស)។ នេះជាបណ្ដាកម្រិតផែនការដែលត្រូវជះឥទ្ធិពលពីអាសន្នរោគកូវីដ-១៩។ យោងតាមលទ្ធផលសម្រេចបានក្នុងឆ្នាំ​ ២០២០ គណៈអចិន្ត្រៃយ៍នៃគណៈកម្មាធិការបក្សឃុំបានកេណ្ឌប្រមូលជ្រួតជ្រាប ផ្សព្វផ្សាយសេចក្តីសម្រេចចិត្តឆ្នាំ ​២០២១ ក្នុងនោះភ្ជាប់គម្រោងការរចនាសម្ព័ន្ធកសិកម្មឡើងវិញ ជាមួយការកសាងជនបទថ្មីលើកកម្ពស់​ ផ្តុំកម្លាំងដោះស្រាយការងារធ្វើជូនពលករ​​ និងបង្វែរបណ្តាផ្ទៃដីចម្ការចម្រុះផលិតស្រូវមិនសូវមានផលមកដាំដំណាំដែលមាន តម្លៃសេដ្ឋកិច្ចខ្ពស់ ឆ្លើយតបតម្រូវការទីផ្សារ។

ឆ្នាំ​ ២០២១ ឃុំហ្វាតឹងខិតខំបង្កើនប្រភពចំណូលជូនប្រជាជនម្នាក់ៗសម្រេច ៨០ លានដុងក្នុងមួយឆ្នាំ (ឆ្នាំ ២០២០ សម្រេច ៧០ លានដុង)។​ ឆ្នាំ ២០២០ ឃុំហ្វាតឹង ផ្តុំបង្វែរផ្ទៃដីចម្ការមិនសូវមានផល ៣៦,៣​ ហិកតាមកដាំក្រូចថ្លុងសំបកខៀវ មៀនសាច់លឿង ខ្នុរ ដូងខ្ទិះ។ល។ បង្កើនផ្ទៃដីចម្ការឈើហូបផ្លែរបស់ឃុំមកទល់ពេលនេះ ១.១៤៥,៥ ហិកតា និងដូងខ្ទិះ ៤៩.០០០/៨៣.៦០០​ ដើម។ ក្នុងវិស័យឧស្សាហកម្ម ឧស្សាហសិប្បកម្ម សេវា ពាណិជ្ជកម្ម ពង្រីកបាន ៩៥ មូលដ្ឋានចូលរួមដោះស្រាយការងារធ្វើឲ្យពលករ ៥៨៥ នាក់។ ​ វិស័យសេវាពាណិជ្ជកម្មរីកចម្រើនដោយមាន ៤៥៩​ កន្លែងធ្វើអាជីវកម្ម​ សេវាលក់ដូរ។ល។ ចូលរួមដោះស្រាយការងារធ្វើជូនឲ្យពលករ ៩៨៥ នាក់ សរុបតម្លៃនាំមុខទំនិញចេញចូលនិងទទួលបានប្រភពចំណូលពីសេវាកម្មជាង ១៧៥,២ ពាន់លានដុង។

       កសិករថាច់វិញ​នៅភូមិចុងផ្នោរលេខ ២ បានឲ្យដឹង៖ គ្រួសារខ្ញុំមានដីផលិតស្រូវ ០,៤ ហិកតា អាស្រ័យតំបន់នេះដីទួលនៅឆ្ងាយប្រភពទឹក ម៉្លោះហើយផលិតស្រូវមិនសូវមានផល (ទិន្នផលផ្ដល់ប្រមាណតែ ៥ តោនក្នុងមួយហិកតា) និងប្រាក់ចំណាយខ្ពស់។ ឆ្នាំ ២០១៩ គ្រួសារខ្ញុំបង្វែរមកដាំដំណាំ ដំណាក់កាលដំបូងដាំឆ្លាស់ជាមួយដូងខ្ទិះ។ បច្ចុប្បន្នគ្រួសារមានប្រភពចំណូលលំនឹង​ ក្នុងមួយឆ្នាំពី ២០-២៥ លានដុងក្នុង ០,៤ ហិកតា។

       ដើម្បីកំណត់ទិសដៅពង្រីកសេដ្ឋកិច្ចក្នុងឆ្នាំ ២០២១ ជាពិសេសគឺការផ្សព្វផ្សាយសេចក្តីសម្រេចចិត្តរបស់បក្ខភាគឃុំ អាណត្តិកាល ២០២០-២០២៥​ ហ្វាតឹងកំណត់យកការពង្រីកសេដ្ឋកិច្ចចម្ការភ្ជាប់ជាមួយការកសាងផលិតផលពិសេសរបស់មូលដ្ឋាន គឺដូងខ្ទិះ​ និងស្វាយកាកចូ។ លោកង្វៀងវ៉ាំងហ៊ឹង​​ ប្រធានគណៈកម្មាធិការប្រជាជនឃុំហ្វាតឹងបានឲ្យដឹង៖ ក្រោយពេលផ្លាស់ប្តូរការផលិត និងវិនិយោគកសាងទំនប់ព័ទ្ធជុំ ប្រឡាយវាលស្រែ។ល។ ព្រមៗគ្នាពង្រីកបានលទ្ធផលក្នុងការផលិត។ ជាពិសេសតម្លៃសេដ្ឋកិច្ចចម្ការកើនពី ២-៣ ដងបើប្រៀបនឹងពេលមុននោះ។ ដើម្បីអនុវត្តសម្រេចបណ្តាកម្រិតផែនការសេចក្តីសម្រេចិត្តអំពីការពង្រីកសេដ្ឋកិច្ចឆ្នាំ ២០២១​ ឃុំបង្កើនការងារផ្សព្វផ្សាយជ្រួតជ្រាបដល់កម្មាភិបាល បក្ខជន ប្រជាជន បណ្តាអាជីវកម្ម សហករណ៍ ដើម្បីបង្កបានការស្រុះស្រួល ឯកភាពក្នុងការផលិតដំណាំ ចិញ្ចឹមសត្វ រួមចំណែកបង្កើនតម្លៃផលិតផលប្រជែងទីផ្សាររួមចំណែកអនុវត្តមានលទ្ធផលគម្រោងការរចនាសម្ព័ន្ធសេដ្ឋកិច្ចឡើងវិញ​ និងកសាងជនបទថ្មី។

       នៅចំពោះមុខ ឃុំផ្តុំកម្លាំងបង្កើនគុណភាពតំបន់ផលិត ២៤៨ ហិកតា នៅភូមិចុងផ្នោរលេខ ២ ចុងផ្នោរលេខ ៣ និងភូមិសុករួងពីផលិតស្រូវមកដាំឈើហូបផ្លែវិញ។ ឡើងគម្រោងការ​ និងពង្រីកតំបន់ដាំឈើហូបផ្លែនៅបណ្តាភូមិអាងបិញ ហូយ អាង អាងឡុក (ប្របទន្លេបាសាក់)តាមទិសដៅជំនាញ និងបង្កើនតម្លៃសេដ្ឋកិច្ចជាមួយបណ្តាឈើហូបផ្លែពិសេសដូចជាស្វាយ​ ដូងខ្ទិះ មៀន ស្រកានាគ។ល។ ទន្ទឹមនឹងនោះឃុំពង្រឹងនិងពង្រីកសហករណ៍ ២ គឺសហករណ៍ស្វាយកាកចូនិងសហករណ៍ ដូងខ្ទិះ។​  បច្ចុប្បន្ន សហករណ៍ទាំង ០២  បានសហការចងសម្ព័ន្ធក្នុងការផ្គត់ផ្គង់ ផលិតផលជាមួយអាជីវកម្មនៅទីក្រុងកឹង ធើ។ ក្នុងការកសាងជនបទថ្មីដល់ចុងឆ្នាំ ២០២០ ហ្វាតឹងអនុវត្តសម្រេចនិងទទួលស្គាល់ ០៧/០៧  ភូមិវប្បធម៌ជនបទថ្មី​ និងកសាងផ្លូវផ្កាប្រវែង ២០ គីឡូម៉ែត្រ ក្នុងនោះមាន ០៧/០៧ ភូមិចុះឈ្មោះកសាងផ្លូវផ្កាគំរូ ០៧ ខ្សែ (ក្នុងមួយខ្សែប្រវែងពី ៥០០-៨០០ ម៉ែត្រ)៕                                                                                               ប្រែសម្រួល៖ សុខា