ឃុំតឹងហ្វា៖ បំផុសចលនាប្រជាជនឲ្យម្ចាស់ការបង្ការ ទប់ស្កាត់អាសន្នរោគលើសត្វចិញ្ចឹម

     ឆ្នាំ ២០២០ ក្នុងការបាញ់ថ្នាំកម្ចាត់មេរោគទាំងពីរលើក មូលដ្ឋានបានបាញ់ថ្នាំកម្ចាត់មេរោគទ្រុងចិញ្ចឹមសត្វចំនួន ៧៣.៣៩២ ម៉ែត្រក្រឡា របស់គ្រួសារចិញ្ចឹម ៤.៥៨៧ លើកគ្រួ ឧបត្ថម្ភចាក់វ៉ាក់ស៊ីនជំងឺអុតក្តាមឱ្យគោចំនួន ៦២៧ ក្បាល របស់គ្រួសារចិញ្ចឹម ២០៥ គ្រួ ឧបត្ថម្ភចាក់ថ្នាំបង្ការជំងឺឆ្កែឆ្កួតបានចំនួន ៥៣ ក្បាលរបស់គ្រួសារក្រីក្រ ជិតក្រចំនួន ២២ គ្រួ។ លោកយឿងវ៉ាំងថឹម ប្រធានគណៈកម្មាធិការប្រជាជនឃុំតឹងហ្វាបានឱ្យដឹង៖ ទន្ទឹមជាមួយការឧបត្ថម្ភចាក់វ៉ាក់ស៊ីនឱ្យហ្វូងសត្វពាហនៈ​និងសត្វស្លាបលើភូមិសាស្រ្តឃុំនៅទាំងបំផុសចលនាបណ្តាគ្រួសារ បើសិន ពិនិត្យឃើញសញ្ញាខុសប្រក្រតីគប្បីទាក់ទងជាមួយផ្នែកជំនាញដើម្បីបានពិគ្រោះ រកវិធានការទប់ស្កាតជំងឺទាន់ពេល។ បច្ចុប្បន្ន គិតដោយឡែកតែហ្វូងគោ មូលដ្ឋានមានគោជិត ៤.០០០ ក្បាលរបស់គ្រួសារចិញ្ចឹម ៦០០ គ្រួ អត្រាគ្រួសារដែលបានឧបត្ថម្ភចាក់ថ្នាំបង្ការជំងឺឱ្យគោ និងបណ្តាគ្រួសារចាក់ថ្នាំបង្ការជំងឺគ្រប់គ្រាន់ដោយខ្លួនឯងតាមការព្រមានរបស់ផ្នែកបសុព្យាបាលសម្រេចជាង ៨០%។

បងលីយៀងតាមដានការធំធាត់របស់ហ្វូងគោ។

         គ្រួសារបងលីយៀង នៅភូមិអូរវែងថ្មី ជាគ្រួសារមួយក្នុងបណ្តាគ្រួសារអនុវត្តល្អការងារចាក់ថ្នាំបង្ការជំងឺឱ្យហ្វូងគោរបស់គ្រួសារ។ ក្រៅពីការចាក់ថ្នាំបង្ការជំងឺ ការធ្វើអនាម័យទ្រុងចិញ្ចឹមក៏បានបងយកចិត្តទុកដាក់យ៉ាងហ្មត់ចត់ ទន្ទឹមនឹងនោះ ក្នុងដំណាក់កាលថែទាំហ្វូងគោ បងតែងតាមដានហ្វូងគោ បើពិនិត្យឃើញបណ្តាសញ្ញាខុសពីធម្មតាអាស្រ័យឥទ្ធិពលនៃអាកាសធាតុកើតមានអាសន្នរោគនោះ បងទាក់ទងជាបន្ទាន់ជាមួយផ្នែកបសុព្យាបាលដើម្បីព្យាបាលឱ្យគោ។ ដោយអាស្រ័យហេតុនោះ ក្នុងរយៈពេលកន្លង ចំនួនហ្វូងគោ ០៨ ក្បាលរបស់គ្រួសារបងគ្មានកើតជំងឺអ្វីឡើយ។ បងលីយៀងបានឱ្យដឹងថា៖ ប្រការមួយក្នុងបណ្តាប្រការសុវត្ថិភាពក្នុងការចិញ្ចឹមគោ តាមគំនិតឯកជនរបស់ខ្ញុំ ការធ្វើអនាម័យ បាញ់ថ្នាំកម្ចាត់មេរោគគឺជាការសំខាន់។ គោមានសមត្ថភាពជម្នះជំងឺល្អបង្គួរ។ ចំពោះរូបខ្ញុំ បើបានជាចិញ្ចឹមសត្វត្រូវថែទាំឱ្យដិតដល់  បើបណ្តោយទុកឱ្យកើតមានជំងឺនោះ គ្រួសារនឹងត្រូវប្រឈមមុខជាមួយភាពលំបាក។

          ដើម្បីធានាឱ្យការចិញ្ចឹមសត្វបានល្អប្រសើរ ក្រៅពីការបំផុសចលនាឱ្យគ្រួសារចិញ្ចឹមចាក់ថ្នាំបង្ការជំងឺឱ្យសត្វបានគ្រប់គ្រាន់ មូលដ្ឋាននៅទាំងយកចិត្តទុកដាក់ដល់ការបើកថ្នាក់បង្រៀនរបររយៈពេលខ្លីជូនដល់ពលករជនបទ ក្នុងនោះមានថ្នាក់បច្ចេកទេសចិញ្ចឹមគោ ផ្តើមពីនោះកសិករជាច្រើនកាន់តែមានចំណេះដឹងក្នុងការចិញ្ចឹមសត្វ ជាក់ស្តែងគឺមិនត្រឹមតែកំណត់ដឹងបានរោគសញ្ញាប៉ុណ្ណោះទេ មានអ្នកខ្លះពេលឃើញសត្វមានជំងឺក៏ទៅទិញថ្នាំមកចាក់ឱ្យសត្វចិញ្ចឹមដោយខ្លួនឯង។        ដើម្បីជួយឱ្យរបរចិញ្ចឹមសត្វសម្រេចជោគជ័យ ឃុំតឹងហ្វាតែងសហការជាមួយផ្នែកជំនាញធ្វើល្អការងារព្យាករណ៍ស្ថានភាព សំខាន់គឺបណ្តាដំណាក់កាលដែលមានពន្លកជំងឺកើតឡើងច្រើនដើម្បីប្រជាជនបង្កើនការបង្ការជំងឺឱ្យហ្វូងសត្វចិញ្ចឹម។ ចំពោះសត្វស្លាប បំផុសចលនាបណ្តាគ្រួសារចិញ្ចឹមតាមពេលវេលាសមស្របដើម្បីបង្កើនសមត្ថភាពជម្នះបានប្រភេទជំងឺមួយចំនួន។ លោកយឿងវ៉ាំងថឹម ឱ្យដឹងបន្ថែមទៀតថា៖ ឃុំតែងបំផុសចលនាបណ្តាគ្រួសារចិញ្ចឹមសត្វបើជ្រុលជាកើតមានអាសន្នរោគលើសត្វចិញ្ចឹមរបស់គ្រួសារហើយនោះ គប្បីជូនដំណឹងដល់រដ្ឋអំណាចមូលដ្ឋានដើម្បីមានវិធានការទប់ស្កាត់ កុំបណ្តោយឱ្យរាលដាលក្នុងបរិវេណធំទូលាយ ធ្វើឱ្យប៉ះពាល់ដល់គ្រួសារចិញ្ចឹមដទៃទៀត។ ប្រការនោះក៏មានន័យថាបំផុសចលនាបណ្តាគ្រួសារចិញ្ចឹមសត្វប្រតិបត្តិល្អអនុក្រឹត្យលេខ ៩០/ ២០១៧/NĐ-CP ចុះថ្ងៃទី ៣១ ខែកក្កដាឆ្នាំ ២០១៧ របស់រដ្ឋាភិបាលស្តីពីកំណត់ពិន័យរដ្ឋបាលក្នុងវិស័យបសុព្យាបាល ជំរុញឱ្យរបរចិញ្ចឹមសត្វក្លាយជារបរមួយក្នុងបណ្តារបររួមចំណែកបង្កើនប្រាក់ចំណូលជូនប្រជាជនលើភូមិសាស្រ្តឃុំ៕

​​           អត្ថបទ-រូបថត៖ សម្បត្តិ