កេណ្ឌប្រមូលបណ្តាប្រភពកម្លាំងកសាងជនបទថ្មី

មូលដ្ឋានបន្តការពង្រីកតួនាទីស្នូលរបស់ប្រជាជន ក្នុងការងារកសាងជនបទថ្មី ធានាគោលលំនាំ “ប្រជាជនដឹង ប្រជាជនពិភាក្សា ប្រជាជនត្រួតពិនិត្យ និងប្រជាជនទទួលផល”។ ខិតខំដល់ឆ្នាំ​ ២០២៥​ មានឃុំ ១០០%​ សម្រេចលក្ខឋានឃុំជនបទថ្មី ក្នុងនោះមានឃុំ ៥០% សម្រេចលក្ខឋានជនបទថ្មីលើកកម្ពស់ មានឃុំ ២០% សម្រេចលក្ខឋានឃុំជនបទថ្មីគំរូ មាន ០៨ អង្គភាពថ្នាក់ស្រុកសម្រេចលក្ខឋានជនបទថ្មី ក្នុងនោះមានអង្គភាពថ្នាក់ស្រុកមួយសម្រេចលក្ខឋានជនបទថ្មីគំរូ។

តម្រូវការទុនរួមតាមការគ្រោងទុកសម្រាប់អនុវត្តសម្រេចបណ្តាគោលដៅ ភារកិច្ចរបស់កម្មវិធីដំណាក់កាល ២០២១‑២០២៥ នៅ ខេត្តត្រាវិញប្រមាណ ៥.០០០​ ពាន់លានដុង។ ចំពោះប្រាក់នេះ ខេត្តអនុវត្តសម្រេចហេដ្ឋារចនាសម្ព័ន្ធមូលដ្ឋានចាំបាច់នៅលើភូមិសាស្ត្រ ដូចជាគមនាគមន៍ អគ្គិសនី ទឹកស្អាត, សាលា រៀនគ្រប់កម្រិត ដំណាក់សុខាភិបាល អាគារវប្បធម៌ ជាពិសេសគឺបណ្តាឃុំក្រីក្រ ឃុំលំបាកពិសេស។ល។ បង្កលក្ខណៈងាយស្រួលឲ្យការពង្រីកសេដ្ឋកិច្ច‑សង្គម និងបង្កើនការទទួលផលផ្ទាល់ជូនប្រជាជននៅជនបទ។

ភូមិសាស្ត្រផ្តុំកម្លាំងវិនិច្ឆ័យបញ្ហាសំរាម ទឹកកខ្វក់ក្នុងការប្រជុំជីវភាព កាកសំណល់ក្នុងការចិញ្ចឹមសត្វ លុបបំបាត់ស្ថានភាពកខ្វក់បរិស្ថាននៅបណ្តាភូមិរបរ វិនិច្ឆ័យល្អសំរាម ទឹកកខ្វក់ សន្សឹមៗជួយឲ្យមូលដ្ឋានចិញ្ចឹមសត្វមានទ្រង់ទ្រាយធំ និងផ្នែករបរឧស្សាហសិប្បកម្មនៅជនបទ ចូលទៅក្នុងមណ្ឌលប្រមូលផ្តុំ ដើម្បីគ្រប់គ្រងបរិស្ថាន កាត់បន្ថយការកខ្វក់បរិស្ថាន។

ខេត្តបានពង្រីកការផលិតភ្ជាប់ជាមួយការរចនាសម្ព័ន្ធផ្នែកកសិកម្មឡើងវិញ បង្វែររចនាសម្ព័ន្ធសេដ្ឋកិច្ចជនបទ បង្កើនប្រភពចំណូលជូនប្រជាជននៅជនបទ ជំរុញល្បឿនអនុវត្តគម្រោងផែនការរចនាសម្ព័ន្ធកសិកម្មឡើងវិញនៅបណ្តាមូលដ្ឋានភ្ជាប់ជាមួយការពង្រីកផ្នែករបរ ទាក់ទាញការវិនិយោគទុនរបស់អាជីវកម្ម បើកទូលាយការចងសម្ព័ន្ធផលិតតាមកន្សោមតម្លៃ បង្កលក្ខណៈងាយស្រួលឲ្យការនាំចេញផលិតផល និងទាក់ទាញការវិនិយោគទុន។ ឧបត្ថម្ភប្រជាជនជំរុញមាំប្រើប្រាស់វិទ្យាសាស្រ្ត​ បច្ចេកវិទ្យាទៅក្នុងការផលិត បង្កើនគុណភាពបណ្តុះបណ្តាលវិជ្ជាជីវៈជូនពលករនៅជនបទ ភ្ជាប់ជាមួយតម្រូវការពង្រីកការផលិតមុខទំនិញ អនុវត្តវិទ្យាសាស្ត្របច្ចេកទេសជឿនលឿន។

នាយកមន្ទីរកសិកម្ម និងអភិវឌ្ឍន៍ជនបទខេត្ត លោកផាមមិញត្រៀងបានឲ្យដឹង៖​ ដំណាក់កាល ២០១៦‑២០២០ ខេត្តកេណ្ឌប្រមូលប្រភពកម្លាំងបានជាង ៥.៧២៥ ពាន់លានដុងសម្រាប់កសាងជនបទថ្មី ក្នុងនោះប្រភពទុនរបស់មជ្ឈិមឧបត្ថម្ភជាង ៥២៧ ពាន់លានដុង ទុនរបស់មូលដ្ឋានជិត ៦៨៤ ពាន់លានដុង បណ្តាប្រភពទុនគួបផ្សំជាង ១.៨០០ ពាន់លានដុង បណ្តាប្រភពទុនឥណទានជាង ២.៤០៥ ពាន់លានដុង ប្រភពទុនអាជីវកម្មជិត ៩៣ ពាន់លានដុង ប្រជាជនចូលរួមបរិច្ចាគដី ដើមឈើ ដំណាំ និងថវិកាគិតជាតម្លៃជាង ២១៥ ពាន់លានដុង។ល។ អាស្រ័យហេតុនោះទិដ្ឋភាពជនបទខេត្តត្រាវិញមានភាពវិវឌ្ឍន៍ជាលំដាប់ កម្រិតជីវភាពរបស់ប្រជាជនបានលើកកម្ពស់។

គិតមកដល់បច្ចុប្បន្នទូទាំងខេត្តមាន ៧២/៨២ ឃុំ សម្រេច ១៩/១៩ ឃុំជនបទថ្មី ក្នុងនោះមាន ៦៩ ឃុំបានប្រធានគណៈកម្មាធិការប្រជាជនខេត្តចេញសេចក្តីសម្រេចចិត្តទទួលស្គាល់សម្រេចលក្ខឋានជនបទថ្មី មាន ១១ ឃុំសម្រេចលក្ខឋានឃុំជនបទថ្មីលើកកម្ពស់។ ខេត្តត្រាវិញមាន ០៥/០៩ អង្គភាពបាននាយក រដ្ឋមន្រ្តីនៃរដ្ឋាភិបាលចេញសេចក្តីសម្រេចចិត្តទទួលស្គាល់សម្រេចលក្ខឋាន និងសម្រេចភារកិច្ចកសាងជនបទថ្មី៕

ប្រែសម្រួល៖ សុខា