កសិករសួរវិស្វករឆើ្លយ: សេចក្តីប្រកាសព្រមានមួយចំនួនក្នុងការផលិតស្រូវរដូវដើមឆ្នាំ

កសិកររៀបចំដីចុះពូជស្រូវ។ រូបថត៖ រតនា

ចម្លើយ៖

      អនុវត្តការភ្ជួរហាលអាចម៍ដីយ៉ាងតិចបំផុត ០២ សប្តាហ៍ចំពោះតំបន់ដែលមានលក្ខណៈ។ បូមទឹកសាបចូលស្រែជម្រះជាតិជូរប្រៃតិចបំផុតពី ០២-០៣ លើក។ អនាម័យស្រែឲ្យហ្មត់ចត់ដើម្បីកាត់បន្ថយជាតិជូរប្រៃនិងជាតិពុលសរីរាង្គ កាត់ផ្ដាច់ពន្លកជំងឺដែលនៅសេសសល់ពីរដូវមុន (អាចគួបផ្សំប្រើថ្នាំ Tricoderma បំពេញបន្ថែមដើម្បីជួយធ្វើឲ្យឆាប់រលួយគល់ជញ្ជ្រាំង ចំបើងក្លាយជាជីសរីរាង្គនិងសម្បូរជីវជាតិ កាត់បន្ថយជាតិពុលសរីរាង្គនៅដើមរដូវ)។

     អនុវត្តវិធានការព្រោះស្តើងឬព្រោះជាជួរ (ប្រើពូជពី ០៨-១២ គីឡូក្រាមក្នុង ១.០០០ ម៉ែត្រក្រឡា) ដើម្បីជៀសវាងកុំឲ្យស្រូវរលំនិងដង្កូវក្រា។

     -អាទិភាពប្រើប្រាស់ពូជស្រូវទទួលស្គាល់ មានអាយុកាលខ្លី ផ្តល់ទិន្នផលគុណភាពខ្ពស់សមស្របជាមួយនឹងសំណូមពររបស់ទី​ផ្សារ ដើមរឹង ធន់ទ្រាំជាមួយនឹងជំងឺដង្កូវនិងភាពរាំងស្ងួតល្អ។ អាទិភាពប្រើប្រាស់ក្រុមពូជមានគុណភាពខ្ពស់ រួមមាន៖ OM ៥៤៥១, OM១៨, OM ៤៩០០០, និងបណ្ដាពូជបំពេញបន្ថែមរួមមាន៖ ដាយថើម ៨, OM ៩៩២, OM ៤២៩, VD ២០, ST ៥, ST ២០, ST ២៤, ST ២៥០ ។ ក្រុមពូជស្រូវគុណភាពអង្ករមធ្យមដូចជា៖ IR ៥០៤០៤, OM ៥៦, ML ២០២ ។ល។ ក្រោម ១៥% នៃផ្ទៃដីផលិត។

         គប្បីចុះពូជព្រមៗគ្នា ដើម្បីជៀសវាងដង្កូវក្រា និងចុះពូជផ្ដាច់តាមតំបន់ តាមវាលស្រែនីមួយៗ  (យកចិត្តទុកដាក់ដល់ការប្រកាសអំពីក្រារេកន្លែងជ្រករបស់ស្ថាប័នការពាររុក្ខជាតិ)។   ចុះពូជតាមកាលបរិច្ឆេទរបស់មន្ទីរកសិកម្មនិងអភិវឌ្ឍន៍ជនបទ តាមសេចក្តីប្រកាសលេខ ១៤៥/TB-SNN ចុះថ្ងៃទី ០២ មេសាឆ្នាំ​ ២០២១ ចែកចេញជា ៣ លើក៖ លើកទី ១ ចាប់ពីថ្ងៃទី ១៥-៣០ មេសាឆ្នាំ ២០២១ ចុះពូជ ១៣.៤១០ ហិកតា (ស្រុកកាងឡុង ១១.៣៥០ ហិកតា ទីវកឹង ១.៣៣០ ហិកតា ចូវថាញ់ ៧៣០ ហិកតា) ។ លើកទី ២ ចាប់ពីថ្ងៃទី ០១-៣០ ខែឧសភាឆ្នាំ ២០២១  ចុះពូជ ៥០.៩៣៥ ហិកតា (ស្រុកកូវកែ ៨.០៨៥​ ហិកតា ទីវកឹង​១០.៣៨០ ហិកតា​ ចូវថាញ់ ១៣.៣៧០ ហិកតា ថ្កូវ ១៣.៧០០​ ហិកតា និងកូវង៉ាង ​៥.០០០ ហិកតា)។ លើកទី ៣ ចាប់ពីថ្ងៃទី​០១-១៥ ខែមិថុនា ចុះពូជ ៨.៣៣០ ហិកតា (ស្រុកថ្កូវ​ ៧០០ ហិកតា កូវង៉ាង ៤.៤៥០ ហិកតា យ្វៀងហាយ ២.៧០០ ហិកតា ទីផ្សាររួមខេត្តយ្វៀងហាយ ៦០ ហិកតា ទីក្រុងត្រាវិញ ៩២០ ហិកតា)។

       គប្បីឆាប់ព្រាចជី ដើម្បីបង្កលក្ខណៈឲ្យស្រូវឆាប់បែកគុម្ព ដើមធំ។ ប្រើជី NPK ដើម្បីកាត់ បន្ថយជំងឺដង្កូវក្រា (ពិសេសគឺជំងឺរលួយស្លឹក) ។ បង្កើនសមត្ថភាពធន់នឹងជំងឺតាំងពីដើមរដូវ។ បង្កើនការប្រើជីសរីរាង្គ កំបោរម្សៅ ជីដែលមានផ្ទុកជាតិ canxi, silic អាទិភាព​ប្រើបណ្តាផលិតផលជីវសាស្រ្ត និងបណ្តាប្រភេទជីបំប៉នតាមសន្លឹក​ដើម្បីបង្កើនថាមពលដល់ស្រូវ។ រវាំងស្រែជាប្រចាំតាមដានបណ្តាមុខសញ្ញាដែលធ្លាប់បំផ្លាញ ដើម្បីម្ចាស់ការរកឃើញនិងបង្ការកម្ចាត់មានប្រសិទ្ធភាពតាំងពីដើមរដូវ កុំឲ្យជះឥទ្ធិពលដល់ទិន្នផល៕

ប្រែសម្រួល៖ ថាច់ហៀង