កសិករសួរវិស្វករឆើ្លយ:បច្ចេកទេសដាំ និងវិធានការជម្នះជំងឺមួយចំនួ​នលើខ្នុរ

ទម្រង់ដាំខ្នុរ។ រូបថត៖ រតនា

ចម្លើយ៖

កម្រិតដាំនិងបម្រុងដី៖ ខ្នុរចាំងហ្គាយឆាប់មានផ្លែ ម៉្លោះហើយគប្បីដាំកម្រិត ០៤x០៤​ ម៉ែត្រ ដើម្បីបង្កើនទិន្នផល បរិមាណនិងបង្រួញពេលយកទុនមកវិញ ក្រោយមកអនុវត្តវិធានការកាត់រំលស់មែកឬកាត់មែកចោល ។ ខ្នុរអាចដាំបានលើដីជាច្រើនប្រភេទ៖ ដីខ្សាច់ ដីឥដ្ឋ តែត្រូវធានាការបង្ហូតទឹកឲ្យបានល្អ ។ ជីករង្វះជម្រៅពី ៣០-៤០ សង់ទីម៉ែត្រសម្រាប់បង្ហូតទឹកនៅរដូវភ្លៀង។

ដាក់ជីក្រោលផ្អាប់ក្នុងរណ្តៅនីមួយៗពី ១០-៧០ គីឡូក្រាម (ឬជីសរីរាង្គជីវសាស្រ្ត ០១-០៣ គីឡូក្រាម​)+កំបោរម្សៅ ០,៥ គីឡូក្រាមមុនពេលដាំពី ០៧-១០ ថ្ងៃ។

ដាំនិងថែទាំ៖ ក្រោយពេលដាំរួច យកគល់ជញ្ជ្រាំងឬចំបើង ស្មៅស្ងួតគ្របគល់ដើម្បីកុំឲ្យស្មៅដុះនិងត្រជាក់គល់(ប្រសិនបើដាំនៅរដូវភ្លៀង មិនបាច់បាំងកម្ដៅ) ត្រូវស្រោចទឹកឲ្យបាន គ្រប់គ្រាន់ ពិសេស​នៅរដូវក្តៅ​​ពេលខ្នុរ​នៅតូច។ ពេលផ្លែកំពុងរីកជិតនឹងទុំ។ ខ្នុរមិនចូលចិត្តទឹក លិច ហេតុនោះហើយត្រូវបង្ហូតទឹកចេញនៅពេលមានភ្លៀង ធានាកម្រិតប្រៃក្រោមពី ០១%។

កាត់រំលស់មែកពេលខ្នុរមិនទាន់ចេញផ្លែ​ ត្រូវកាត់មែកពី ០២-០៣ ដង​ក្នុងមួយឆ្នាំ ពេលផ្លែ កាត់មែកម្តងក្នុងមួយឆ្នាំ ក្រោយពេលប្រមូលផលផ្លែ ។ កាត់ចោបណ្តាមែកខាងក្រោមមែកតូចៗ​ មែកស្ងួត មែកដង្កូវស៊ី  ដើម្បីឲ្យស្រឡះស្រឡួន បង្ការដង្កូវក្រានិង បង្កើនទិន្នផល។

គប្បីបេះរំលស់ផ្លែដើម្បីឲ្យផ្លែឆាប់ធំ។ លើកទីមួយបេះចោលទុកតែមួយផ្លែ​(ពេលខ្នុរមានអាយុ ពី ០២-២,៥​ ឆ្នាំ)។  លើកទី ២ ទុក ០២ ផ្លែ លើកទី ០៣ ទុកពី ០៣-០៤ ផ្លែ។ល។)​ យោងតាម ការលូតលាស់របស់ខ្នុរ។

ដាក់ជី៖ ចំពោះខ្នុរដែលមានអាយុមួយឆ្នាំ ល្អបំផុតគឺលាយជីជាមួយទឹកសម្រាប់ស្រោច ។ ពេលខ្នុរមានអាយុពី ០២-០៣ ឆ្នាំដាក់ជីក្រោលពី ១០-២០ គីឡូក្រាម ជីឡឹងពី ០,៥-០១ គីឡូក្រាម ជីកាលីពី ០,៣-០,៥ គីឡូក្រាម ។​ ពេលខ្នុរមានអាយុពី ០៤ ឆ្នាំឡើងទៅ គប្បី បង្កើន បរិមាណជី។

ប្រការគួរយកចិត្តទុកដាក់៖ ដាក់ជីឡឹងនិងជីដាមច្រើននៅចុងរដូវក្នុងខណៈដែលខ្នុរ ចិញ្ចឹមផ្លែ។​ ប្រើជីគី​មីសាស្រ្ត ផ្សំជាមួយនឹងជីក្រោលនៅដំណាក់កាលសមស្រប។

បង្ការកម្ចាត់ជំងឺ-ដង្កូវ៖ ដង្កូវចោះដើម មែកអាចប្រើថ្នាំ Dyperan EC, 10 EC បាញ់ នៅដំណាក់កាលចេញស្លឹក ផ្លែខ្ចី។ ដង្កូវចោះផ្លែ មិនបាច់អនុវត្តវិធានការវិនិច្ឆ័យថ្នាំគីមីសាស្រ្ត ឡើយ។ អនុវត្តវិធានការជីវសាស្រ្ត ដើម្បីបង្ការកម្ចាត់ឬច្រកផ្លែចូលក្នុងថង់​នីឡុង។ ជំងឺស្អុយ គល់ ចេញជ័រ ជំងឺកើតនៅត្រង់គល់ហើយមានស្នាមជ័រហូរចេញមក តាមសម្បកគល់ដែល ស្អុយ មានជាតិសើម​ជានិច្ចនិងប្រែពណ៌ខ្មៅ។ ដាំនៅលើដីទួលខ្ពស់ ជ្រាបទឹកល្អ នៅពេលចាំបាច់​ ប្រើបណ្តាថ្នាំគីមីសាស្រ្តដោយមានការជ្រើសរើសសម្រាប់បាញ់ដូចជា៖ ថ្នាំ Ridomyl, Alette៕                                                                 

                                                                             ប្រែសម្រួល៖ ថាច់ហៀង