កសិករសួរវិស្វករឆើ្លយ៖បច្ចេកទេសចិញ្ចឹមជ្រូកតាមទិសដៅសុវត្ថិភាពជីវសាស្ត្រ

ចិញ្ចឹមជ្រូកតាមទិសដៅសុវត្ថិភាពជីវសាស្រ្ត គឺការពារជ្រូកក្នុងតំបន់ចិញ្ចឹមឆ្ងាយពីតំបន់ចិញ្ចឹមសត្វផ្សេងៗនិងពីបណ្តាគ្រួសារទាំងនោះ។​ ទ្រុងចិញ្ចឹមត្រូវមានរបងព័ទ្ធជុំវិញដើម្បីជៀសវាងកុំឲ្យសត្វសាហាវ សត្វនានា កាត់បន្ថយ​មនុស្សដើរទៅមកនៅតំបន់ចិញ្ចឹម​។​ ធ្វើរណ្តៅរម្ងាប់មេរោគនៅរាល់ទ្រុង ដើម្បីជៀសវាងកុំឲ្យកខ្វក់បរិស្ថាន ពិនិត្យសុខភាពតាមកាលកំណត់ ពិនិត្យមើលបណ្តាអាការៈជំងឺ ដើម្បីមានវិធានការបង្ការជម្នះជំងឺ វិនិច្ឆ័យប្រមូលបណ្តាជាតិសំណល់។ អនុវត្តត្រូវតាមវិធានការ កម្រិតចិញ្ចឹមសមស្រប ដល់ពេលកំណត់ត្រូវចាក់វ៉ាក់សាំងបង្ការ កំចាត់ជំងឺ។

ធ្វើទ្រុង៖

ទ្រុងកសាងនៅទីទួលខ្ពស់ ស្រឡះស្រឡួន សមស្រប ជៀសវាងកុំឲ្យពន្លឺថ្ងៃជះចូលផ្ទាល់។​ គប្បីធ្វើទ្រុងនៅទិសពាយ័ព្យ។ មាន ០២ របៀបគឺ ទ្រុងមានដំបូល​លើទុកចំហខាងក្រោម និងទ្រុងបិទផ្ជិត។​ ទ្រុងចិញ្ចឹមគប្បីធ្វើឲ្យស្រឡះស្រឡួនឬធម្មតាបំ​ផុត។ ដំបូលប្រក់ក្បឿង ស័ង្កសី ស្លឹក ស៊ីម៉ង់ត៍។ល។ ដំបូល ០១ ចំហៀង ឬ ០២ ចំហៀងក៏បានតែកម្ពស់​សមស្រប។

របៀបថែទាំ-ចិញ្ចឹម៖

ឲ្យចំណីស៊ីគ្រប់គ្រាន់រាល់ថ្ងៃ ឆ្លើយតបតម្រូវការឲ្យជ្រូកឆាប់ធំធាត់ល្អ។ ឲ្យស៊ីគួបផ្សំនឹងចំណីឧស្សាហកម្ម និងប្រភពចំណីច្នៃដោយខ្លួនឯងដូចជា៖ កន្ទក់ ពោត ដំឡូង​និ ងបណ្តាបន្លែ ដូចជា៖ ទងដំឡូង ត្រកួន ទឹកឲ្យជ្រូកផឹកធានាជ្រះស្អាត ។

បង្ការព្យាបាលជំងឺ៖

ធ្វើរបងរាំងនៅកន្លែងចិញ្ចឹមនិងបណ្តាសត្វពាហនៈផ្សេងៗ ដើម្បីបង្ការជម្លៀសកុំឲ្យជំងឺឆ្លងរាលដាល។ អនាម័យទ្រុងរៀងរាល់ថ្ងៃ បាញ់ថ្នាំរម្ងាប់មេរោគតាមពេលកំណត់។ ចាក់ថ្នាំបង្ការជំងឺកុំឲ្យឆ្លងរាលដាល ជំងឺអាសន្នរោគ ជំងឺរង្គោះក្រចករលាកបបរមាត់ ជំងឺត្រចៀកខៀវ ជំងឺកកឈាម ក្អក។ល៕                                                        

ប្រែសម្រួល៖ ថាច់ហៀង