កសិករស្រុកថ្កូវពង្រីកស្មារតីសាមគ្គីឧបត្ថម្ភគ្នាដើម្បីធ្វើមាន

បងស៊ើងថាញ់(ខាងស្តាំ) ជាមួយនឹងទម្រង់ដាំបន្លែសុវត្ថិភាព។

លោកយ៉ាងណារ៉ុង អនុប្រធានសមាគមកសិករស្រុកថ្កូវមានប្រសាសន៍ថា៖ បានការយកចិត្តទុកដាក់ចង្អុលការរបស់សមាគមកសិករខេត្ត រួមជាមួយការយកចិត្តទុកដាក់ចង្អុលការផ្ទាល់របស់ថ្នាក់ដឹកនាំស្រុក បណ្តាសកម្មភាពរបស់សមាគមកសិករស្រុកថ្កូវពង្រីក​មានប្រសិទ្ធភាពចលនា “ កសិករប្រឡងប្រណាំងផលិតធ្វើអាជីវកម្មពូកែ សាមគ្គីឧបត្ថម្ភគ្នាដើម្បីធ្វើមាននិងកាត់បន្ថយភាពក្រីក្រស្ថិរភាព “ ។ ឆ្លងតាមរយៈនោះ បានរួមចំណែកជំរុញស្មារតីសមាជិកកសិករម្នាក់ៗឲ្យមានឆន្ទៈមោះមុត ក្លាហាន ហ៊ានគិត ហ៊ានធ្វើ និងជម្នះរាល់ការលំបាកដើម្បីធ្វើមានធ្វើបាន។

សមាគមកសិករស្រុកថ្កូវមានសមាជិក ១៧.៧៩៩ នាក់ (សមាជិកជនជាតិខ្មែរស្រូបយកអត្រា ៦៧%)។ ក្នុងរយៈពេល ៦ ខែដើម ឆ្នាំ ២០២១ ផ្តើមពីប្រភពទុនរបស់មជ្ឈិមសមាគមកសិករវៀតណាម សមាគមកសិករខេត្ត សមាគមកសិករស្រុកបង្កលក្ខណៈឲ្យគ្រួសារសមាជិក ១៥២ គ្រួ (ជនជាតិខ្មែរ ៩៥ គ្រួសារ) បុលទុនជាង ៣,៥ ពាន់លានដុង។ ទន្ទឹមនឹងនោះ សមាគមបង្កលក្ខណៈឲ្យគ្រួសារសមាជិក កសិករ ៩.៣៨០ គ្រួបុលទុនពីធនាគារគោលនយោបាយសង្គមស្រុក សរុបទឹកប្រាក់ជាង ១៨២ ពាន់លានដុង។ គណៈអចិន្ត្រៃយ៍សមាគមកសិករស្រុកនៅទាំងចង្អុលការសមាគមកសិករមូលដ្ឋានពង្រឹង និងបង្កើនគុណភាពសកម្មភាពរបស់ក្រុមសហការផលិត ៣៦៣ ក្រុម (មានសមាជិក ១០.០៨៧ នាក់)​ និងសហករណ៍ ១៧ កន្លែង (មានសមាជិក ១.១១២ នាក់) មានទុនលក្ខន្តិកៈ ១៥,២ ពាន់លានដុង ធ្វើសកម្មភាពលើវិស័យដាំដុះ ចិញ្ចឹមសត្វ និងសេវាកម្មកសិកម្ម។ ឆ្លងតាមរយៈនោះ សមាគមបានដោះស្រាយបញ្ហាលំបាករបស់ក្រុមសហការផលិត ក៏ដូចជាសហករណ៍ ព្រមទាំងធ្វើសេនាធិការឲ្យគណៈកម្មាធិការបក្សដោះស្រាយបញ្ហាលំបាកជាបន្ទាន់ដែលសមាជិកនៅមូលដ្ឋានបានស្នើឡើង។

លោកមាស៊ើងថាញ់សមាជិកក្រីក្រម្នាក់នៃក្រុមដាំបន្លែសុវត្ថិភាពនៅភូមិកាតុក ឃុំហាមយ៉ាងមានប្រសាសន៍ថា៖ “ មុនពេលចូលរួម ជាមួយក្រុមសហការផលិត គ្រួសារខ្ញុំដាំម្រះ ត្រសក់ សាឡាដ។ល។  ប៉ុន្តែទិន្នផលមិនសូវបានខ្ពស់ ហើយលក់ក៏មិនសូវបានតម្លៃខ្ពស់ដែរ។ តាំងពីចូលរួមក្រុមសហការផលិត (ឆ្នាំ ២០១៦) ខ្ញុំបានកម្មាភិបាលកសិកម្មឃុំ និងសមាជិកក្នុងក្រុមជួយណែនាំអំពីរបៀបប្រើជី របៀបជ្រើសពូជ និងរបៀបដាំដុះជាដើម ទើបដំណាំ ០២ កុងរបស់គ្រួសារខ្ញុំទទួលបានទិន្នផលខ្ពស់បង្គួរ។ ទន្ទឹមនឹងនោះ គ្រួសារខ្ញុំនៅទាំងបានក្រុមសហការផលិត ប្រមូលទិញផលិតផលជាមួយតម្លៃសមស្រប ដូច្នោះហើយទើបគ្រួសារខ្ញុំមានប្រាក់ចំណូលខ្ពស់បង្គួរ។ កាលពីមុន ខ្ញុំដាំដំណាំជាច្រើនដូចជា៖ ត្រសក់ សាឡាដ។ល។ ក្រោយពេលទូទាត់ខ្ទង់ចំណាយរួចនៅចំណេញក្នុងមួយកុង ០១ លានដុងក្នុងមួយរដូវ។ ចាប់តាំងពីពេលបានចូលរួមក្រុមសហការផលិតមកទល់ពេលនេះ ខ្ញុំដាំដំណាំដូចមុន លើផ្ទៃដីដដែលនោះដែរ ប៉ុន្តែទូទាត់ខ្ទង់ចំណាយរួច នៅចំណេញខ្ពស់ជាងពី ០២-០៣  ដងបើប្រៀបនឹងកាលពីមុន។ អាស្រ័យហេតុនោះទើបគ្រួសារខ្ញុំរួចផុតពីភាពក្រីក្រកាលពីឆ្នាំ ២០១៨ រួចជីវភាពក៏បានធូរធាជាលំដាប់។ ជាពិសេស គ្រួសារខ្ញុំសន្សំប្រាក់ទិញគោញីបាន ០១ ក្បាល បច្ចុប្បន្នគ្រួសារខ្ញុំមានគោទាំងអស់ ០៣ ក្បាល។

ទន្ទឹមនឹងការឧបត្ថម្ភគ្នាដើម្បីរួចផុតពីភាពក្រីក្រ ផ្តើមពីចលនា “ កសិករផលិតនិងធ្វើអាជីវកម្មពូកែ សាមគ្គីឧបត្ថម្ភគ្នាដើម្បីធ្វើមាន និងកាត់បន្ថយភាពក្រីក្រស្ថិរភាព “ នៅទាំងមានកសិករជាច្រើននាក់ទៀតធ្វើជាគំរូក្នុងការផលិត និងធ្វើអាជីវកម្មមានទម្រង់ចិញ្ចឹមសត្វ ដាំដំណាំនាំមកលទ្ធផលសេដ្ឋកិច្ចខ្ពស់។ កសិករគាងវ៉ាំងតឹម នៅភូមិចើ ឃុំតឹបស៊ើង ជាសមាជិកសមាគមកសិករសម្រេចកិត្តិនាមជាកសិករផលិតធ្វើអាជីវកម្មថ្នាក់ខេត្តមានប្រសាសន៍ថា៖ “ ខ្ញុំចូលរួមប្រជុំជីវភាពសមាគមកសិករឃុំតឹបស៊ើងតាំងពីឆ្នាំ ២០០៩ រហូតមកដល់បច្ចុប្បន្ន។ ចូលរួមប្រជុំជីវភាពសមាគមមានផលប្រយោជន៍យ៉ាងច្រើន គឺបានផ្តោះប្តូររៀនសូត្របទពិសោធន៍ជាច្រើនក្នុងការចិញ្ចឹមសត្វនិងការផលិត។ ចំពោះគ្រួសារខ្ញុំ ក្រៅពីធ្វើស្រែនិងដាំដំណាំនៅទាំងចិញ្ចឹមជ្រូកសាច់ទៀតផង ក្នុងការចិញ្ចឹមសត្វ និងដាំដុះ ខ្ញុំតែងបានសមាជិក និងកម្មាភិបាលសិកម្មឃុំមកជួយណែនាំអស់ពីចិត្ត។ អាស្រ័យហេតុនោះ ទើបគ្រួសារខ្ញុំ មិនសូវជួបបញ្ហាខូចខាតក្នុងការចិញ្ចឹមនិងការផលិត។ ជារៀងរាល់ឆ្នាំផ្តើមពីផ្ទៃដីផលិតស្រូវ ១០ កុង ដីដាំដំណាំ ០៣ កុងនិងចិញ្ចឹមជ្រូកពី ១០-១៥ ក្បាល ទូទាត់ខ្ទង់ចំណាយរួចរាល់ គ្រួសារខ្ញុំចំណេញជិត ១០០ លានដុង​។

ក្នុងរយៈពេល ០៦ ខែដើមឆ្នាំ ២០២១ សមាគមកសិករស្រុកថ្កូវផ្សព្វផ្សាយនិងបំផុសចលនាកសិករចូលរួមចលនាប្រឡងប្រណាំងផលិត ធ្វើអាជីវកម្មពូកែសាមគ្គីឧបត្ថម្ភគ្នាដើម្បីធ្វើមាន និងកាត់បន្ថយភាពក្រីក្រស្ថិរភាពជូនសមាគមសិករទាំងអស់ក្នុងស្រុក។ ចង្អុលការឲ្យសមាគមកសិករមូលដ្ឋានផ្សព្វផ្សាយ ចលនាប្រជាកសិករឱ្យចុះឈ្មោះបណ្តាកិត្តិនាមផលិត ធ្វើអាជីវកម្មពូកែគ្រប់លំដាប់ថ្នាក់។  ជាលទ្ធផលតាំងពីដើមឆ្នាំរហូតមកទល់ពេលនេះ ទូទាំងស្រុកមានគ្រួសារសមាជិក ១០.៦៦០ គ្រួចុះឈ្មោះកិត្តិនាមផលិត ធ្វើអាជីវកម្មពូកែគ្រប់លំដាប់ថ្នាក់ ស្រូបយកអត្រាជិត ៦០ នៃចំនួនគ្រួសារសមាជិកក្នុងស្រុក។ ក្នុងនោះ ថ្នាក់ មជ្ឈិមមាន ១១ គ្រួសារ ថ្នាក់ខេត្ត ១៥៧ គ្រួសារ ថ្នាក់ស្រុក ៩៧២ គ្រួសារ និងថ្នាក់មូលដ្ឋាន ៩.៥២០ គ្រួសារ៕

អត្ថបទ‑រូបថត៖សុជា