កសិករង្វៀងវ៉ាំងហៀង៖ មានប្រភពចំណូលជិត ០,៧ ពាន់ លានដុងក្នុងមួយឆ្នាំអាស្រ័យអនុវត្តវិទ្យាសាស្រ្តបច្ចេកទេសក្នុងការផលិត

កសិករ ង្វៀងវ៉ាំងហៀង ជាមួយទម្រង់ដាំក្រូចវលិ៍្ល។ រូបថត៖ ហ៊ឺវហ្វេ

          ចែករំលែកបទពិសោធន៍ធ្វើមានរបស់គ្រួសារ បងហៀងបានឲ្យដឹង៖ ឆ្នាំ ២០០៩ ពេលស្ថានភាពដាំដំណាំនិង ផលិតស្រូវនៅលើផ្ទៃដីទួលខ្ពស់ក្នុងតំបន់ភូមិពិសីជួបការលំបាកច្រើន លទ្ធផលសេដ្ឋកិច្ចសម្រេចមិនបានខ្ពស់ រួមជាមួយនោះ អាស្រ័យជះឥទ្ធិពលពីអាកាសធាតុប្រែប្រួលមិនប្រក្រតីបណ្ដាលឲ្យរាំងស្ងួត ជ្រាបជាតិប្រៃ។ល។ ម៉្លោះហើយ ការម្ចាស់ការប្រភពទឹកសម្រាប់ស្រោចស្រពដំណាំជួបការលំបាកច្រើន។ ខណៈនោះ គ្រួសារសម្រេចចិត្តបង្វែរផ្ទៃដីផលិតស្រូវ ០,២ ហិកតាមកដាំស្រកានាគសាច់ក្រហមចំនួន ៥០ គុម្ព។ ដើម្បីបង្កើនប្រសិទ្ធភាពនិង ប្រភពចំណូលសម្រាប់ជីវភាពប្រចាំថ្ងៃគ្រួសារគាត់បានគួបផ្សំដាំដំណាំផ្សេងឆ្លាស់នឹងស្រកានាគដោយរបៀបយកខ្លីចិញ្ចឹមវែង។ ក្រោយពេលដាំបាន ០៨ ខែ ស្រកានាគអំណោយផល។ ផ្ដើមពីទម្រង់ដាំស្រកានាគ គ្រួសារគាត់សន្សំបានប្រាក់រួចជួលដីបន្ថែមសម្រាប់ផលិត គិតមកទល់ពេលនេះ គ្រួសារគាត់ដាំស្រកានាគបានជាង ២,៣ ហិកតា ក្នុងនោះមាន ១,៨ ហិកតាកំពុងអំណោយផលប្រមាណ ០,៥ ពាន់លានដុងក្នុងមួយហិកតា និង ០,៥ ហិកតាទើបដាំបានមួយឆ្នាំ។

           ដើម្បីវិនិច្ឆ័យស្រកានាគឲ្យចេញផ្លែរដូវផ្ទុយដោយរបៀបកម្ដៅដោយអំពូលភ្លើងសម្រេចទិន្នផលនិងគុណភាពផ្លែល្អ ឆ្លើយតបតម្រូវការនីហរ័ណ បងជាកសិករមួយរូបក្នុងចំណោមកសិករឈានមុខរបស់ស្រុកកាងឡុងប្រើអំពូលភ្លើងលឿងនៅឆ្នាំ ២០១៨ អាស្រ័យដោយសមាគមកសិករខេត្តសហការជាមួយក្រុមហ៊ុនភាគហ៊ុនអំពូលភ្លើង-កំប៉ុងទឹករ៉ាងដុងផ្សព្វផ្សាយ។ តាមរយៈទម្រង់អនុវត្តរបស់បងបានធ្វើឲ្យផ្លាស់ប្ដូរការយល់ដឹងរបស់អ្នកដាំស្រកានាគក្នុងការប្រើប្រភេទអំពូលភ្លើងប្រិតសំចៃអគ្គិសនី ប៉ុន្តែធានាទិន្នផល ពេលវេលាចេញផ្កានិងកម្រិតផ្ការបស់ស្រកានាគក៏ដូចប្រើអំពូលភ្លើងសរសៃដែរ។ ទន្ទឹមនឹងនោះ ឆ្នាំ ២០១៩ ក្រោយពេលបានស្វែងយល់អំពីតម្លៃនៃក្រូចវល្លិ៍ពូជផ្អែម បងង្វៀងវ៉ាំងហៀង បានដាំពិសោធន៍ចំនួន ១០០ ទងលើផ្ទៃដី ១.០០០ ម៉ែត្រក្រឡា ពូជបានទិញមកពីខេត្តសុកត្រាំង ជាមួយតម្លៃ ១៥០.០០០ ដុងក្នុងមួយទង។

           បងង្វៀងវ៉ាំងហៀងបានឲ្យដឹងថា៖ ជាមួយតម្លៃក្រូចដូចសព្វថ្ងៃនេះ បានឈ្មួញប្រមូលទិញជាមួយតម្លៃ ៣០.០០០ ដុងក្នុងមួយគីឡូក្រាម។ ក្រូចរបស់គ្រួសារបងទាំងអស់បានដាំដោយមិនប្រើថ្នាំគីមីសាស្រ្តដើម្បីបង្ការ កម្ចាត់ជំងឺដង្កូវឡើយ។ ក្រោយពេលដាំបានជិត ០១ ឆ្នាំ ក្រូចវល្លិ៍អំណោយផលប្រមាណ ០៣ តោនក្នុងមួយឆ្នាំ ហើយលក់ជាមួយតម្លៃពី ២២.០០០-២៥.០០០ ដុងក្នុងមួយគីឡូក្រាម។ នេះជាប្រភេទពូជដំណាំផ្ដល់តម្លៃសេដ្ឋកិច្ចខ្ពស់បង្គួរហើយបានអាជីវកម្មជាច្រើនប្រមូលទិញនីហរ័ណនិងផលិតភេសជ្ជៈ។ នៅពេលខាងមុខ គ្រួសារបងនឹងពង្រីកផ្ទៃដីដាំក្រូចវល្លិ៍ ហើយចាត់ទុកនេះជាដំណាំចម្បងទី ២ ក្នុងសេដ្ឋកិច្ចចម្ការរបស់គ្រួសារ ព្រោះចំណាយទុនតិច មិនសូវបង់កម្លាំងថែទាំ សមស្របជាមួយនឹងអ្នកចម្ការ៕ 

ប្រែសម្រួល៖ ថាច់ហ្វាង