កសិករឃុំហ៊ីបហ្វានាំយកដំណាំចុះដាំនៅវាលស្រែ

            ដើម្បីបើកទូលាយផ្ទៃដីដាំដំណាំ ជាពិសេសគឺបណ្តាប្រភេទដំណាំបម្រើឱ្យទីផ្សារមុន ក្នុង និងក្រោយតេត។ នៅឆ្នាំ ២០១៨ គ្រួសារកសិករថាច់ខន នៅភូមិចុងមីសចាស់បានចំណាយប្រាក់ដាក់អណ្តូងស្នប់ ម៉ូទើ និងបំពង់កៅស៊ូដោយតម្លៃជិត០៩លានដុងសម្រាប់បម្រើឱ្យការស្រោចស្រពដំណាំ។ កសិករថាច់ខនបានឱ្យដឹងថា៖ ដាំដំណាំក្រោយការផលិតស្រូវពីររដូវបានក្លាយជាប្រពៃណីរបស់គ្រួសារខ្ញុំ។ កាលពីមុនដាំប៉េងប៉ោះច្រើនដោយរបៀបជីកអណ្តូង រួចរែកទឹកយកមកស្រោចស្រព ម៉្លោះហើយគ្រួសារដែលមានកម្លាំងតែ ០២ នាក់ បម្រុងដីដាំតែប្រមាណ ០២ កុងសម្រាប់ដាំប៉េងប៉ោះដើម្បីធានាឱ្យការស្រោចស្រពនិងថែទាំ បច្ចប្បន្នការស្រោចស្រពដោយប្រើអគ្គិសនី ម៉្លោះហើយផ្ទៃដីបានពង្រីកទូលាយដល់ទៅជិត ០៤ កុង។

កសិករថាច់ខនស្រោចទឹកដំណាំ។

               ឱ្យតែប្រមូលផលស្រូវរដូវទីពីររួច លើផ្ទៃដីជិត ០៤ កុងរបស់គ្រួសារតែងដាំប៉េងប៉ោះ ចំណាយទុនតិចទទួលបានប្រាក់កម្រៃខ្ពស់។        ហ៊ីបហ្វាជាឃុំមួយក្នុងបណ្តាមូលដ្ឋានបំផុសចលនាគ្រួសារប្រជាជនអនុវត្តល្អការបង្វែររចនាសម្ព័ន្ធផលិត ក្នុងនោះមានការដាំដំណាំប្តូរវែនគ្នានៅតាមបណ្តាភូមិដែលមានកម្លាំងព្រៀប។ ហេតុនោះ ក្នុងឆ្នាំ ២០១៥ ឃុំបានស្រុកឧបត្ថម្ភអន្ទងខ្សែអគ្គិសនី ៤ កន្លែងសម្រាប់បម្រើឱ្យការដាំដំណាំរបស់មាមីងដោយមានប្រវែងសរុបជាង ០៦ គីឡូម៉ែត្រ។ គិតមកទល់ពេលនេះ មានគ្រួសារប្រជាជនជាង ៤០០ គ្រួនៅតាមបណ្តាភូមិ៖ កោះសាន្ត ធ្លកបណ្តោយ ផ្នោរក្រូចត្បូង និងចុងមីសចាស់អន្ទងអគ្គិសនីបម្រើឱ្យការស្រោចស្រព។

            លោកត្រឹងភឿកហៀង អនុប្រធានគណៈកម្មាធិការប្រជាជនឃុំហ៊ីបហ្វាបានឱ្យដឹងថា៖ ដោយមានសក្តានុពល និងការយកចិត្តទុកដាក់របស់បណ្តាផ្នែកគ្រប់លំដាប់ថ្នាក់ ក្នុងត្រៃមាសទី១ នៃឆ្នាំ ២០២១ មូលដ្ឋាននឹងបំផុសចលនាគ្រួសារប្រជាជនលើភូមិសាស្រ្តចុះពូជដំណាំបណ្តាប្រភេទបាន ៥០០ ហិកតា សម្រេចជាង ៤៧% នៃផែនការ។ ទន្ទឹមនឹងនោះ មូលដ្ឋានតែងពិនិត្យមើលបណ្តាការលំបាករបស់ប្រជាជនដើម្បីរិះរករាល់វិធានការដោះស្រាយការលំបាក ជួយឱ្យការដាំដំណាំរបស់មាមីងមិនបង្អង់រីកចម្រើន។ ដើមឆ្នាំ ២០២១ កសិករក្នុងឃុំចុះពូជសណ្តែកដីបានជាង ៤០ ហិក តា។ បច្ចុប្បន្ន សណ្តែកដីមានតម្លៃក្នុងមួយគីឡូក្រាមជាង ១០.០០០ ដុង ។​ តាមការប៉ាន់ស្មាន​ប្រាក់កម្រៃទទួលបានពេលដាំសណ្តែកដីសម្រេចក្នុងមួយកុងពី ៨-៩ លានដុង ។ ទន្ទឹមនឹងនោះ បានការយកចិត្តទុកដាក់របស់បណ្តាផ្នែកជំនាញក្នុងការហ្វឹកហាត់លើកកម្ពស់ចំណេះដឹងវិទ្យាសាស្រ្តបច្ចេកទេស​ ម៉្លោះហើយការដាំសណ្តែកដីរបស់ប្រជាកសិករមិនបង្អង់បានកែលម្អ បរិមាណភាព និងគុណភាពមិនបង្អង់បានលើកកម្ពស់។

            បងសឺនសាបាន នៅភូមិចុងមីសចាស់ធ្លាប់ផ្សារភ្ជាប់ជាមួយរបរដាំសណ្តែកដីច្រើនឆ្នាំបានឱ្យដឹងថា៖ បានការយកចិត្តទុកដាក់របស់រដ្ឋអំណាចមូលដ្ឋាន ក្នុងនោះមានការចាត់តាំងវគ្គផ្ទេរជូនវិទ្យាសាស្រ្ត-បច្ចេកទេស។ ផ្តើមពីនោះ ខ្ញុំកាន់តែមានការស្ងប់ចិត្តក្នុងដំណាក់កាលថែទាំ ដាក់ជីមានតុល្យភាព ធានាបានប្រាក់កម្រៃទៅតាមរដូវកាលនីមួយៗ។ ក្នុងរដូវដំណាំឆ្នាំ ២០២០ លើផ្ទៃដីដាំសណ្តែកដីជិត ០,៥ ហិកតារបស់គ្រួសារ ដល់ពេលប្រមូលផលសម្រេចទិន្នផល ៤, ៨ តោន លក់ដោយតម្លៃក្នុងមួយគីឡូក្រាម ១២.៥០០ ដុង។ ក្រោយពេលទូទាត់រាល់ខ្ទង់ចំណាយ គ្រួសារ នៅចំណេញជាង ៣០ លានដុង។ ឆ្នាំនេះ គ្រួសារនឹងបន្តចុះពូជនៅកណ្តាលខែមាឃ ព្រោះ ប្រមូលផលស្រូវយឺត។​ ការនាំយកពូជដំណាំ ចុះដាំនៅវាលស្រែ ជាមួយប្រភេទដំណាំសម្បូរបែប ក្នុងនោះមានគ្រួសារខ្លះដាំដំណាំសម្រាប់បម្រើឱ្យទីផ្សារបុណ្យតេតតឹងស៊ឺវ រួមចំណែកធ្វើឱ្យមុខទំនិញកសិផលសម្រាប់ទីផ្សារតេត មានភាពសម្បូរបែបជាង៕

អត្ថបទ-រូបថត៖ ថាច់សម្បត្តិ