បណ្តាវត្តខ្មែរជ្រោមជ្រែងចូលរួមបង្ការ ទប់ស្កាត់អាសន្នរោគកូវីដ-១៩

ព្រះវិហាវត្តព្រះឥន្ទ​ឱទ្យាន (បង្រៃថ្មី)។

ឆ្នាំនេះ បើសិនគ្មានការឥទ្ធិពលអំពីអាសន្នរោគនោះ នៅវត្តកងចក្ការាម(ធ្លក) ឃុំហ៊ីបហ្វា ស្រុកកូវង៉ាងមានបើកថ្នាក់វិជ្ជាខេមរភាសាដល់ទៅប្រមាណ​ ៧ ថ្នាក់ ដោយមានសិស្សានុសិស្សប្រមាណ ២៤០ រូបចូលរៀន។ ប៉ុន្តែវត្តនេះផ្អាកការចាត់តាំងថ្នាក់​រៀនដើម្បីអនុវត្តតាមសារាចរលេខ ០៤ របស់គណៈកម្មាធិការប្រជាជនខេត្ត សេចក្តីប្រកាសរបស់សមាគមព្រះសង្ឃសាមគ្គីសេ្នហាជាតិខេត្ត។ វត្តមិនត្រឹមតែផ្អាកការចាត់តាំងថ្នាក់រៀន នៅទាំងធ្វើល្អការងារផ្សព្វផ្សាយ បំផុសចលនាពុទ្ធបរិស័ទប្រតិបត្តិម៉ឹងម៉ាត់បណ្តាការកំណត់​ស្តីពីការបង្ការ ទប់ស្កាត់អាសន្នរោគកូវីដ-១៩ទៀតផង។ ព្រះតេជគុណ ថាច់តារា ព្រះចៅអធិការវត្តកងចក្ការាម(ធ្លក)មានថេរដីកាឱ្យដឹងថា៖ ចាត់តាំងបណ្តាថ្នាក់ពុទ្ធិកមធ្យមសិក្សា និងវិជ្ជាខេមរភាសាសម្រាប់ព្រះសង្ឃ និងកូនចៅជន​រួមជាតិខ្មែរបានសិក្សារៀនសូត្រតែងបានវត្តយកចិត្តទុកដាក់។ ប៉ុន្តែជាមួយស្ថានភាពដូច​បច្ចុប្បន្ននេះនោះ ការបង្ការ ទប់ស្កាត់អាសន្នរោគគឺជាការសំខាន់ជាង។ បើសិនមិនចាត់តាំង​ថ្នាក់រៀនក្នុងឆ្នាំនេះបានទេ ឆ្នាំក្រោយចាត់តាំងឡើងវិញក៏មិនជាបញ្ហាអ្វីដែរ ឱ្យតែ ធ្វើយ៉ាងណា​ដើម្បីវត្តបានរួមចំណែកជាមួយបណ្តាផ្នែកគ្រប់លំដាប់ថ្នាក់ អនុវត្តល្អការងារបង្ការ ទប់ស្កាត់អាសន្នរោគមានប្រសិទ្ធភាព នាំមកភាពសុខសាន្តជូនដល់មហាជន។

នៅវត្តសាគរគិរីកោះកើយ (ផ្នោររាំង)​ ឃុំឡុងស៊ើង ស្រុកកូវង៉ាង ជាវត្តមួយដែលមាន​គ្រួសារពុទ្ធបរិស័ទច្រើន បើសិនគ្មានអាសន្នរោគ បណ្តាថ្នាក់រៀនវិជ្ជាខេមរ​ភាសាមិនត្រឹមតែបានចាត់តាំងនៅក្នុងវត្តប៉ុណ្ណោះទេ ព្រះចៅអធិការ គណៈអារាមាភិបាល​នៅទាំងឯកភាពចាត់តាំងនៅតាមបណ្តាភូមិឆ្ងាយៗពីវត្តជាមួយរយៈពេលរៀនប្រមាណមួយម៉ោងកន្លះដល់ពីរម៉ោងរាល់ពេលព្រលប់ដើម្បីប្អូនៗបានរៀនភាសាខ្មែរដូចប្អូនៗដែលនៅជិតវត្តដែរ។ ពេលបញ្ចប់វគ្គសិក្សា ដើម្បីវាយតម្លៃលទ្ធផលរៀនសូត្ររបស់ប្អូនៗនោះ ក៏ប្រ​មូលប្អូនៗមកប្រឡង រួចរៀបនិទ្ទេសនៅវត្ត។ ប៉ុន្តែជាមួយការឥទ្ធិពលនៃអាសន្នរោគ បណ្តាសកម្មភាពបង្រៀន  និងរៀននៅវត្តក៏ដូចជានៅតាមបណ្តាភូមិ ព្រមទាំងពិធីមួយចំនួន​ក្នុងផ្លូវព្រះពុទ្ធសាសនាដែលច្រើនចាត់តាំងនៅរៀងរាល់ថ្ងៃឧបោសថសីលក៏ផ្អាកដែរ។

នៅវត្តព្រះឥន្ទឱទ្យាន(បង្រៃថ្មី) ឃុំហាមតឹង ជាវត្តមួយក្នុងចំណោមវត្តខ្មែរស្ថិតនៅភូមិ​សាស្រ្តស្រុកថ្កូវ ដែលមានឈ្មោះល្បីអំពីការចាត់តាំងបណ្តាថ្នាក់រៀនពេលនេះក៏មានសភាពស្ងៀមស្ងាត់។ តាមថេរដីការបស់ព្រះតេជគុណ​ ញ៉ាងចន្ទ ព្រះចៅអធិការវត្តព្រះឥន្ទ​ឱទ្យាន (បង្រៃថ្មី)៖ ផ្អាកបណ្តាសកម្មភាពបង្រៀន និងរៀនជាទង្វើយ៉ាងចាំបាច់ដើម្បីជៀស​វាងការប្រមូលផ្តុំគ្នាច្រើន។ ទន្ទឹមនឹងនោះ ក្នុងការងារបង្ការ ទប់ស្កាត់អាសន្នរោគកូវីដ-១៩ ទោះបីបណ្តាមធ្យោបាយសាធារណៈហាមដឹកជញ្ជូនភ្ញៀវពីខេត្តក្រុងផ្សេងមកកាន់មូលដ្ឋាន ពីមូលដ្ឋានទៅកាន់ខេត្តក្រុងផ្សេង ប៉ុន្តែបច្ចុប្បន្ន មធ្យោបាយឯកជនស្រូបយកអត្រាច្រើន។ ការធ្វើដំណើរពីខេត្តក្រុងនេះទៅកាន់ខេត្តក្រុងផ្សេងជាមួយរយៈពេលមិនយូរអាចទៅដល់គោលដៅដែលខ្លួនសំដៅដល់។ អាស្រ័យហេតុនោះ ដើម្បីជ្រោមជ្រែងជាមួយការងារបង្ការ ទប់ស្កាត់អាសន្នរោគ វត្តក៏ផ្សព្វផ្សាយដល់ពុទ្ធបរិស័ទខ្មែរបង្កើនស្មារតីប្រុងប្រយ័ត្ន បើសិនមានកូនចៅរបស់ខ្លួនមកពីខេត្ត ក្រុង ដទៃនោះ អនុវត្តការជម្រាបជូនសុខាភិបាលឱ្យបានគ្រប់គ្រាន់ជាមួយផ្នែកពាក់ព័ន្ធដើម្បីធ្វើល្អការងារបង្ការ ទប់ស្កាត់អាសន្នរោគ។ ហើយបើបែរជារកឃើញករណីជ្រាបរោគនោះរកវិធានការទប់ស្កាត់ឱ្យបានទាន់ពេលដើម្បីកុំឱ្យរាលដាលទូលំទូលាយ។

អាចនិយាយបានថា ពេលមានសារាចរលេខ ០៤/CT-UBND ចុះថ្ងៃទី ៣១ ឧសភា ឆ្នាំ ២០២១ របស់គណៈកម្មាធិការប្រជាជនខេត្តត្រាវិញស្តីពី “ប្រញាប់អនុវត្តបណ្តាវិធាន​ការចាំបាច់បង្ការទប់ស្កាត់អាសន្នរោគកូវីដ-១៩ លើភូមិសាស្រ្តខេត្តត្រាវិញ” និងសេចក្តីប្រកាសរបស់សមាគមព្រះសង្ឃសាមគ្គីស្នេហាជាតិខេត្ត បណ្តាវត្តលើភូមិសាស្រ្តខេត្តត្រាវិញមានបណ្តាទង្វើសកម្ម ដើម្បីជ្រោមជ្រែងចូលរួមបង្ការ ទប់ស្កាត់អាសន្នរោគ។ ទន្ទឹមនឹងនោះ ក៏សកម្មក្នុងការផ្សព្វផ្សាយ ជួយឱ្យប្រជាជននិយាយ​រួម ពុទ្ធបរិស័ទខ្មែរនិយាយដោយឡែក មានស្មារតីយល់ឃើញថា “ការងារបង្ការ ទប់ស្កាត់អាសន្នរោគកូវីដ-១៩” ជាភារកិច្ចរបស់ទូទាំងប្រជាជន៕ 

អត្ថបទ-រូបថត៖ ថាច់សម្បត្តិ