ទ្រឿងទ័របង្កើនការត្រួតពិនិត្យ គ្រប់គ្រងហ្មត់ចត់អ្នកត្រឡប់ពីបណ្តាខេត្ត ក្រុងមានជំងឺកូវីដ ១៩ មកកាន់ស្រុកកំណើត

បងថាច់ដៀវ នៅភូមិកោះស្វាយ (ឃុំទ្រឿងទ័រ ស្រុកកូវង៉ាង) មានកូន ០៣ នាក់ទៅធ្វើការនៅខេត្តបិញយឿង បានបងរំលឹកមិនគួរវិលត្រឡប់មកផ្ទះ ខណៈដែល​បណ្តាផ្នែកគ្រប់លំដាប់ថ្នាក់លើភូមិសាស្រ្តខេត្តកំពុងបង្កើនការងារបង្ការ ទប់ស្កាត់អាសន្ន​រោគកូវីដ‑១៩។ បងថាច់ដៀវ បានឱ្យដឹងថា៖ ផ្ទះនៅជិតទីស្នាក់ការរបស់ភូមិជាកន្លែងដែល​មានឧគ្ឃោសនសព្ទផ្សាយសំឡេងរាល់ពេលព្រឹក និងពេលរសៀល  តែង​បានស្តាប់បណ្តាព័ត៌មាន ព្រឹត្តិការណ៍ក្នុងប្រទេសក្នុងតំបន់ និងបណ្តាមូលដ្ឋានក្នុងខេត្ត។   ក្នុងនោះ មានព័ត៌មានជាច្រើនទាក់ទងដល់ការងារបង្ការ ទប់ស្កាត់អាសន្នរោគកូវីដ‑១៩។ គិតដោយឡែកតែខេត្តត្រាវិញ សារាចរ សារណែនាំ សេចក្តីសម្រេចចិត្តទាក់ទងដល់ការងារបង្ការ ទប់ស្កាត់អាសន្នរោគជាច្រើនបានគណៈ​កម្មាធិការប្រជាជនចេញផ្សាយជាបន្តបន្ទាប់។ អាស្រ័យហេតុនោះ ទោះបីកូនទៅរកស៊ីឆ្ងាយ រួចក៏មានកូនខ្លះមានបំណងមកផ្ទះ   ប៉ុន្តែខ្ញុំតែងរំលឹកថាមិនគួរមក​ឡើយ បើមកផ្ទះមិនត្រឹមតែនាំក្តីព្រួយបារម្ភដល់គ្រួសារហើយនៅទាំងបង្កក្តីបារម្ភដល់ភូមិ​ស្រុកទៀតផង។ គិតទៅមើល តាមផ្លូវមកផ្ទះ យ៉ាងហោចណាស់ក៏ត្រូវឆ្លងបណ្តាមធ្យោបាយ​ជំនាញខាងការដឹកជញ្ជូន បើមកដោយមធ្យោបាយផ្ទាល់ខ្លួនក៏ត្រូវ សំចតនៅកន្លែងណា​មួយជាក់ជាមិនខាន។ ពេលនោះ មិនដឹងយើងទៅជិតមនុស្សប្រភេទណាខ្លះ។ អាស្រ័យ​ហេតុនោះ កុំវិលត្រឡប់មកផ្ទះក្នុងរយៈពេលកំពូលការបង្ការ ទប់ស្កាត់អាសន្នរោគគឺជា​ការល្អបំផុត។

បងថាច់ដៀវ រំលឹកកូនតាមទូរស័ព្ទ។

មិនចំពោះតែគ្រួសារបងថាច់ដៀវ នៅមានគ្រួសារជនរួមជាតិខ្មែរជាច្រើន​ទៀតនៅឃុំទ្រឿងទ័រ កំពុងមានបណ្តាពាក្យក្រើនព្រមានប្រហាក់ប្រហែលដើម្បី​រួមចំណែកជាមួយរដ្ឋអំណាចមូលដ្ឋាន បណ្តាផ្នែកពាក់ព័ន្ធអនុវត្តល្អការងារបង្ការ ទប់ស្កាត់អាសន្នរោគកូវីដ‑១៩។

លោកត្រឹងវ៉ាំងទ្រុង ប្រធានគណៈកម្មាធិការប្រជាជនឃុំទ្រឿងទ័របានឱ្យដឹងថា៖ ស្ថិតក្នុងស្ថានភាពអាសន្នរោគកូវីដ‑១៩ កំពុងរីករាលដាលស្មុគស្មាញនាពេលបច្ចុប្បន្ន គណៈកម្មាធិការបក្ស គណៈកម្មាធិការប្រជាជនឃុំ ប្រគល់បន្ទុកឱ្យលេខាសាខាបក្ស ប្រធានគណៈកម្មការប្រជាជនភូមិនីមួយៗត្រូវបង្កើនការតាមដានបណ្តាអ្នកដែលចាកចេញពីកន្លែងស្នាក់នៅទៅរកស៊ីឆ្ងាយ បើសិនរកឃើញមានករណីវិលត្រឡប់មកពីបណ្តា​មូលដ្ឋានដទៃៗ​នោះ ចាប់បង្ខំឱ្យជូនដំណឹងសុខាភិបាលឱ្យបានគ្រប់គ្រាន់  ទោះបីមិនរកឃើញបណ្តាសញ្ញាទាក់ទងដល់ជំងឺក៏ត្រូវចាប់បង្ខំឱ្យអនុវត្តចត្តាឡីស័កនៅនឹងគ្រួ​សារ។ ទន្ទឹមនឹងនោះ សហការជាមួយផ្នែកពាក់ព័ន្ធបង្កើនការងារផ្សព្វផ្សាយ ធ្វើយ៉ាងណាដើម្បីឱ្យប្រជាជនមានស្មារតីភ្ញាក់រលឹកក្នុងការបង្ការ ទប់ស្កាត់អាសន្នរោគដើម្បីកុំឱ្យ​អាសន្នរោគជ្រៀតចូលមកមូលដ្ឋាន ប្រជាជនអ្នកណាក៏បានសុខសាន្ត។

ដើម្បីជំរុញមាំការងារបង្ការ ទប់ស្កាត់អាសន្នរោគកូវីដ‑១៩ លើភូមិសាស្រ្តខេត្តត្រាវិញ កាលពីថ្ងៃទី ៥ ខែកក្កដា ឆ្នាំ ២០២១ ប្រធានគណៈកម្មាធិការប្រជាជនខេត្ត លោកឡេវ៉ាំង​ហាំង  បានចុះហត្ថលេខាចេញផ្សាយសារលិខិតលេខ ២៥៧៣/UBND-KGVX “ស្តីពីបង្កើនការត្រួតពិនិត្យ គ្រប់គ្រងហ្មត់ចត់អ្នកពីបណ្តាខេត្ត ទីក្រុង ដែលមានជំងឺមកកាន់​ខេត្ត​ត្រាវិញ” ត្រូវបានធ្វើកោសល្យវិច័យអវិជ្ជាមានជាមួយ SARS-CoV-២ ដោយបច្ចេកទេស Real Time-PCR ឬក៏ធ្វើតេស្តរហ័សអតិសុខុមប្រាណដែលនៅមានប្រ​សិទ្ធភាពក្នុងរយៈពេល ៥ ថ្ងៃមុនពេលមកកាន់ខេត្តចំពោះករណីមិនទាន់មានលទ្ធផលពិនិត្យ​អវិជ្ជមានដូចពោលខាងលើ ត្រូវធ្វើកោសល្យវិច័យជំងឺកូវីដ‑១៩ ដោយការធ្វើតេស្តរហ័សដោយមានការសងថ្លៃ។  ក្រោយពេលចូលមកភូមិសាស្រ្តខេត្តត្រាវិញ ប្រជាជនទាំងអស់ពី​បណ្តាខេត្ត ក្រុងដែលមានជំងឺបន្តអនុវត្តបណ្តាវិធានការបង្ការ ទប់ស្កាត់អាសន្នរោគ​តាមការកំណត់ត្រង់ខ្ទង់ទី ២ នៃសារណែនាំលេខ ២៥៥៣ /UBND-KGVX ចុះថ្ងៃទី ២ ខែកក្កដា ឆ្នាំ ២០២១ របស់ប្រធានគណៈកម្មាធិការប្រជាជនខេត្ត ស្តីពីម្ចាស់ការអនុវត្តន៍ម៉ឹងម៉ាត់បណ្តាវិ​ធានការបង្ការ ទប់ស្កាត់អាសន្នរោគកូវីដ‑១៩៕

អត្ថបទ‑រូបថត៖ ថាច់សម្បត្តិ