សាលាវិទ្យាល័យញ៉ីទ្រឿងជាគំរូក្នុងវិស័យសិក្សាអប់រំក្នុងតំបន់ជនរួមជាតិខ្មែរ

ឆ្នាំសិក្សាថ្មីបានចាប់ផ្តើម កងជួរគ្រូបង្រៀនសាលាវិទ្យាល័យញ៉ីទ្រឿងបន្តបុព្វហេតុបណ្ដុះបណ្តាលធនធានមនុស្ស តាមទិសដៅថ្មី។ លោកគ្រូត្រឹងហើងគៀក​ចាងហ្វាងសាលាវិទ្យាល័យញ៉ីទ្រឿងបានឲ្យដឹង៖ ឆ្នាំសិក្សាកន្លង​សាលារៀនមាន ២០ ថ្នាក់​និងសិស្ស ៦១៦ ​នាក់ ក្នុងនោះ  សិស្សជនជាតិខ្មែរ៣៩៩ នាក់ ស្រូបយកអត្រា ៦៥%។ ដើម្បីអនុវត្តល្អកិច្ចចង្អុលការរបស់មន្ទីរអប់រំ-បណ្តុះបណ្តា ការិយាល័យអប់រំ-បណ្តុះបណ្តាលស្រុក សាលារៀនផ្តុំកម្លាំងបង្កើនគុណភាពអប់រំ ផ្សព្វផ្សាយកម្មវិធីសៀវភៅពុម្ពថ្មី ជំរុញមាំការកំណត់ទិកដៅមុខរបរ បែងសិស្សក្រោយពេលអនុវិទ្យាល័យ ផ្លាស់ថ្មីការគ្រប់គ្រង និងបង្កើនប្រសិទ្ធភាពអប់រំជាប្រចាំ​ បង្កើនអប់រំសីលធម៌ របៀបរស់នៅ អប់រំ កាយជូនសិស្ស និស្សិត ធានាសុវត្ថិភាពក្នុងសាលារៀន​ បង្កើនគុណភាពអប់រំជនជាតិ បង្កើនកិច្ចសហការជាមួយបរិស្ថាន ០៣​​ យ៉ាងគឺ៖ គ្រួសារ ​សាលារៀន​ សង្គម ក្នុងការគ្រប់គ្រង និងអប់រំសិស្ស។ លទ្ធផលឆ្នាំសិក្សា ២០១៩-២០២០ អត្រាសិស្ស ថ្នាក់ទី​ ១០​ និងទី ១១ សម្រេចជាង ៩៥%។ លទ្ធផលសិស្សសម្រេចនិទ្ទេស ពូកែគ្រាន់បើ ៥០%​ សិស្ស មានគុណសម្បត្តិល្អសម្រេច ៦៥%។​ ជាពិសេស​ក្នុងឆ្នាំ ២០២០ អត្រាសិស្សថ្នាក់ទី ១២ ប្រឡងយកវិញ្ញាបនបត្រវិទ្យាល័យជាប់ ៩៩,៤៦% ឈានមុខក្នុងទូទាំងស្រុក។ ជាសាលាស្ថិតនៅតំបន់ជ្រៅ ឆ្ងាយដាច់ស្រយាល តំបន់ជនរួមជាតិខ្មែរ ឆ្នាំសិក្សា ២០២០-២០២១ សាលាមាន ២០​ ថ្នាក់ ដោយមាន សិស្សរួម ៧៨៥ នាក់​ ក្នុងនោះសិស្សជនរួមជាតិខ្មែរ ៦៥% ភាគច្រើននៅបណ្តាឃុំញ៉ីទ្រឿង ទ្រឿងទ័រ​ ហីបហ្វា គីមហ្វា។

            លោកគ្រូត្រឹងហើងគៀកឲ្យដឹងបន្ថែម៖ ជាមួយស្នាដៃសម្រេចបាន សាលារៀនមានកម្មាភិបាល គ្រូបង្រៀន បុគ្គលិក ១០០% បានវាយតម្លៃសម្រេចល្អភារកិច្ច​ ក្នុងនោះមានគ្រូបង្រៀន ១៤​ នាក់ សម្រចឆ្នើមភារកិច្ច​ គ្រូបង្រៀន ០១​ នាក់សម្រេចកិត្តិនាមគ្រូបង្រៀនពូកែថ្នាក់ខេត្ត គ្រូបង្រៀន ០៨​ នាក់សម្រេចយុទ្ធជនប្រឡងប្រណាំងមូលដ្ឋាន​​ គ្រូបង្រៀន ៤៣​ នាក់ សម្រចកិត្តិនាមពលកម្មគ្រាន់បើ​ សមូហភាពសាលាសម្រេចកិត្តិនាម “សមូហភាពឆ្នើម” ។​ ក្នុងឆ្នាំសិក្សា ២០២០-២០២១ សាលារៀនបន្តអនុវត្តល្អសេចក្តីសម្រេចចិត្តលេខ ២៩-NQ/TW​ “ស្តីពីផ្លាស់ថ្មីសារវន្ត លើគ្រប់វិស័យអប់រំ និងបណ្តុះបណ្តាល” ភ្ជាប់ជាមួយការផ្សព្វផ្សាយអនុវត្តសារាចរណ៍លេខ ០៥-CT របស់ការិយាល័យនយោបាយស្តីពី “រៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ” ភ្ជាប់ជាមួយសេចក្តីសម្រេចចិត្តសន្និបាតមជ្ឈិមបក្សលើកទី ៤​ (នីតិកាលទី​​ ១២) ស្តីពី​ ការទប់ស្កាត់រុញច្រានស្ថានភាពថមថយសតិអារម្មណ៍ សីលធម៌ របៀបរស់នៅ បណ្តាអាការ “ប្រែប្រួលដោយខ្លួនឯង” “ក្លែងភាពដោយខ្លួនឯង” ក្នុងបុព្វហេតុបណ្តុះបណ្តាលធនធានមនុស្សក្នុងដំណាក់កាលថ្មី៕                                                         ឌិញកាញ់- សុខា