ស្រុកកូវង៉ាង៖ អត្រាបេក្ខសមណសិស្ស-សិស្សប្រឡងជាប់ ១០០%

បណ្ដាបេក្ខសិស្សថ្នាក់ពុទ្ធិកមធ្យមសិក្សាបឋមភូមិឆ្នាំទី ១ សម្រេចបានលទ្ធផលខ្ពស់ក្នុងសម័យប្រឡង។

ក្នុងរយៈពេល ២ ថ្ងៃ ២០ និង ២១ ខែមករា សមាគមព្រះសង្ឃសាមគ្គីស្នេហាជាតិស្រុកកូវង៉ាង បានចាត់តាំងមណ្ឌលប្រឡងថ្នាក់ពុទ្ធិកធ្យមសិក្សាបឋមភូមិឆ្នាំទី ១ ទី ២ និងទី ៣ នាវត្តត្រពាំងវែង(ឃុំញីទ្រឿង)។ សម័យប្រឡងមានសបេក្ខសិស្ស ១៩៥ អង្គ-រូបនៃ ១៦ បន្ទប់(ពុទ្ធិកមធ្យមសិក្សាឋមភូមិឆ្នាំទី ១ ចំនួន ៨ បន្ទប់ ទី ២ ចំនួន ៥ បន្ទប់ ទី ៣ ចំនួន ៣ បន្ទប់)។ បេក្ខសិស្សថ្នាក់ពុទ្ធិកមធម្យមសិក្សាបឋមភូមិឆ្នាំ ទី ១ប្រឡង ១២ វិញ្ញាសា ឆ្នាំទី ២ និងទី ៣ ប្រឡង ១៣ វិញ្ញាសា។ លទ្ធផលសិស្សប្រឡងជាប់ ១០០%។ ក្នុងនោះ ថ្នាក់ពុទ្ធិកមធ្យមសិក្សាបឋមភូមិឆ្នាំទី ១៖​ សាមណែរ ថាច់ភុក សិក្សាវត្តចុងមីសថ្មីជាប់លេខ​មួយ យុវតី គាងធីសោភា សិក្សាវត្តផ្នោររាំង ជាប់លេខពីរ និងសមណេ ង្វៀងថាញ់ហូវ សិក្សាវត្តចុងមីសថ្មីជាប់លេខបី។ ថ្នាក់ពុទ្ធិកមធ្យមសិក្សាឆ្នាំទី ២៖ ភិក្ខុសឺនធនញ៉ឹក  សិក្សាវត្តមេរងថ្មីជាប់លេខមួយ សាមណេរ ថាច់ម៉ិញយ៉ី សិក្សាវត្តកោះសោមជាប់លេខពីរ និងសាមណេរថាច់ហ្វាងវៀត សិក្សាវត្តមេរងថ្មីជាប់លេខបី។ ថ្នាក់ពុទ្ធិកមធ្យមសិក្សាបឋមភូមិឆ្នាំទីបី៖ ភិក្ខុថាច់ង៉ុកថឹម សិក្សាវត្តអំពាំងសាន្ត ជាប់លេខមួយ សាមណេរគាងវ៉ាំងតាយ សិក្សាវត្តចុងផ្នោរ ជាប់លេខពីរ និងភិក្ខុ សឺនហ្វៀង សិក្សាវត្តអំពាំងសាន្តជាប់លេខបី៕  ​​​ ដំណឹង-រូបថត៖ សម្បត្តិ