សមាគមសិល្បៈអក្សរសិល្ប៍ខេត្តត្រាវិញឧទ្ទេសនាមសៀវភៅកំណាព្យខ្មែរថ្មី ០៣ ក្បាល

អ្នកកាសែតស៊ើងហុង អគ្គនិពន្ធនាយករងកាសែតត្រាវិញ ថ្លែងយោបល់ក្នុងពិធីឧទ្ទេសនាមសៀវភៅកំណាព្យខ្មែរ។

លោកគឹមង៉ុកថាយ អនុលេខាគណៈកម្មាធិការបក្សខេត្តជូនបាច់ផ្កាដល់អ្នកនិពន្ធ​ថាច់សាងសេដ្ឋ​។

        ចូលរួមពិធីនេះ មានលោកគឹមង៉ុកថាយ អនុលេខាគណៈ​កម្មាធិការបក្សខេត្ត ប្រធានក្រុមប្រឹក្សាប្រ​ជា​ជនខេត្ត អ្នកកាសែតស៊ើងហុង អគ្គនិពន្ធនា​យករងកាសែតត្រាវិញ ថ្នាក់ដឹកនាំសមាគមសិល្បៈអក្សរសិល្ប៍ខេត្តនិងតំណាងព្រះសង្ឃ​សមាជិកសាខាសមាគមសិល្បៈ អក្សរសិល្ប៍​ ខ្មែរសមាជិកបណ្តាសាខាសមាគមនៃសមាគម សិល្បៈអក្សរសិល្ប៍ខេត្ត និងអ្នកស្នេហាកំណាព្យ អក្សរសាស្ត្រនិស្សិតជិត ១០០ អង្គ-រូប ក្នុងខេត្ត ។
      សមមិត្តត្រឹងវ៉ាំងយុង អនុប្រធានសមាគម សិល្បៈអក្សរសិល្ប៍ខេត្តបានរៀបរាប់ប្រវត្តិរូប​សង្ខេបរបស់អ្នកនិពន្ធ - អ្នកកាសែតថាច់ភក្តី អ្នកនិពន្ធ-សិល្បករឆ្នើមថាច់សាងសេដ្ឋ ។ រៀបរាប់ខ្លឹមសារសង្ខេបពីវណ្ណកម្មកំណាព្យ ០២ ក្បាល និងសៀវភៅសិល្បៈយូកេរ្តិ៍ ០១ ក្បាល។ វណ្ណកម្មកំណាព្យ " ជួបអូនយប់ដូនតា" ជាស្នាដៃរបស់អ្នកនិពន្ធ-អ្នកកាសែត ថាច់ភក្តី រួមមានកំណាព្យ ៧៩ បទ វណ្ណកម្មកំណាព្យឧភ័យភាសា (ខ្មែរ-វៀត) "ជំហ៊ាន ដើម្បីសម្រេច" របស់អ្នកនិពន្ធ សិល្បៈករឆ្នើម ថាច់សាងសេដ្ឋ រួមមានកំណាព្យ ៥០  បទ។ កំណាព្យ ២ វណ្ណកម្មនេះ មានខ្លឹមសារស្ងើចសរសើរបក្ស អ៊ំហូ មាតុភូមិរៀបរាប់អំពីការរស់នៅ លក្ខណៈវប្បធម៌របស់ជនជាតិខ្មែរ អំពីស្នេហាយុវវ័យ។ល។ បណ្តាខ្លឹមសារទាំងនោះបានអ្នកនិពន្ធទាំងពីររូបបកស្រាយតាម រយៈបទ ភុជង្គលីលា បទពាក្យប្រាំពីរ បទ ពាក្យប្រាំបី ។ល។  អំពីសៀវភៅសិល្បៈល្ខោនយូកេរ្តិ៍ជាស្នាដៃ អ្នកនិពន្ធ-សិល្បករឆ្នើម ថាច់ សាងសេដ្ឋ មានខ្លឹមសារសំខាន់ៗពីដើមកំណើតនៃសិល្បៈយូកេរ្តិ៍ខ្មែរណាមបូ ឧទ្ទេសនាមពីការសំដែងសិល្បៈយូកេរ្តិ៍ខ្មែរណាមបូ ។ល។
      បន្ទាប់ពីឧទ្ទេសនាមខ្លឹមសង្ខេបនៃវណ្ណកម្មកំណាព្យនិងសៀវភៅសិល្បៈយូកេរ្តិ៍ តំណាង ចូលរួមបានដាក់សំណួរជាច្រើនជុំវិញ ខ្លឹម សារក្នុងវណ្ណកម្មទាំងនោះ។ ដោយសារសុខ ភាពមិនសូវបានល្អ ម្ល៉ោះហើយ អ្នកនិពន្ធ អ្នក កាសែត ថាច់ភក្តី មិនបានអញ្ជើញចូលរួម ពិធីឧទ្ទេសនាមវណ្ណកម្មកំណាព្យរបស់គាត់បានប្រគល់សិទ្ធិឲ្យអ្នកកាសែតសើុងហុងអគ្គ​និពន្ធនាយករងកាសែតត្រាវិញឆ្លើយសំណួរដែលតំណាងចូលរួមបានសួរ។ បណ្តាតំណាងដែលសួរ អ្នកនិពន្ធសុទ្ធសឹងជាអ្នក​ស្នេហាកំណាព្យកាព្យខ្លោង ស្នេហាវប្បធម៌ សិល្បៈខ្មែរ។ ពួកគាត់ចង់ដឹងពីវិធីសាស្រ្តសរ សេរកាព្យ ចង់ស្វែងយល់ពីលក្ខណៈពិសេស របស់សិល្បៈយូកេរ្តិ៍ ដើម្បីចូលរួមអភិរក្សអភិវឌ្ឍ សិល្បៈវប្បធម៌ជនជាតិ។ល។ សំណួរទាំងអំបាលមាណ ក៏បានអ្នកនិពន្ធបកស្រាយពន្យល់ពីរោះក្បោះក្បាយ៕

ដំណឹង-រូបថត៖ សុជា