08/06/2021 09:33
ចូលរួមជ្រោមជ្រែងលើកកំពូលរួមវិភាគទានបង្ការទប់ស្កាត់អាសន្នរោគជំងឺកូវីដ-១៩ អាស្រ័យដោយគណៈកម្មាធិការមជ្ឈិមរណសិរ្សមាតុភូមិវៀតណាមបំផុសចលនា។ កាលពី ថ្ងៃទី ០៤ មិថុនា ព្រះឧបជ្ឈាយ៍ថាច់សុខសាន្ត អនុប្រធានក្រុមប្រឹក្សាភិបាលពុទ្ធសាសនាមជ្ឈិមវៀតណាម ប្រធានអភិបាលពុទ្ធសាសនាវៀតណាមខេត្ត ប្រធានសមាគម ព្រះសង្ឃសាមគ្គីស្នេហាជាតិខេត្ត ព្រះចៅអធិការវត្តអង្គររាជបូរី (អង្គ) ព្រះតេជគុណ ថាច់រីយ៍ ប្រធានសមាគមព្រះសង្ឃសាមគ្គីស្នេហាជាតិស្រុកកូវង៉ាង និងព្រះតេជគុណ ថាច់តារា អនុប្រធានសមាគមព្រះសង្ឃ សាមគ្គីស្នេហាជាតិស្រុកកូវង៉ាងបាននិមន្តទៅកាន់ស្ថាប័នគណៈកម្មាធិការរណសិរ្សមាតុភូមិវៀតណាមខេត្តប្រគល់ជូនទឹកប្រាក់ ៣៥ លានដុង។ ក្នុងនោះសមាគមព្រះសង្ឃសាមគ្គីស្នេហាជាតិខេត្តឧបត្ថម្ភ ១៥ លានដុង សមាគមព្រះសង្ឃសាមគ្គីស្នេហាជាតិស្រុកកូវង៉ាងឧបត្ថម្ភ ២០ លានដុង ចូលក្នុងមូលនិធិបង្ការទប់ស្កាត់អាសន្នរោគជំងឺកូវីដ-១៩។ ចំនួនប្រាក់នេះអាស្រ័យដោយសមាគមព្រះសង្ឃសាមគ្គីស្នេហាជាតិខេត្ត និងស្រុក កូវង៉ាងបវារណាព្រះសង្ឃរបស់ ២៣ វត្តខ្មែរ ក្នុងស្រុករួមវិភាគទាន។
សមាគមព្រះសង្ឃសាមគ្គីស្នេហាជាតិខេត្ត និងស្រុកកូវង៉ាង ជូនទឹកប្រាក់ឧបត្ថម្ភមូលនិធិបង្ការទប់ស្កាត់អាសន្នរោគជំងឺកូវីដ-១៩។ រូបថត៖ ឌិញកាញ់
តំណាងគណៈអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាម និងគណៈ សង្គ្រោះខេត្ត សមមិត្តង្វៀងវុាំងត្រៀកបាន ថ្លែងអំណរគុណនិងកត់ត្រានូវការយកព្រះទ័យ ជួយឧបត្ថម្ភរបស់ព្រះសង្ឃគ្រប់ព្រះអង្គ។ ក្នុងឱកាសនេះដែរ ប្រធានគណៈកម្មាធិការរណសិរ្សមាតុភូមិវៀតណាមខេត្ត ង្វៀងវុាំងត្រៀក បានជូនព័ត៌មានបន្ថែមអំពីស្ថានភាពជំងឺកូវីដ-១៩ ទន្ទឹមនឹងនោះ សង្ឃឹមថាសមាគមព្រះសង្ឃសាមគ្គីស្នេហាជាតិខេត្ត ស្រុកកូវង៉ាងសកម្មផ្សព្វផ្សាយចលនាប្រជាពុទ្ធបរិស័ទសកម្មចូលរួមជ្រោមជ្រែង និង ឧបត្ថម្ភប្រភពធនធានឲ្យការងារបង្ការទប់ស្កាត់អាសន្នរោគជំងឺកូវីដ-១៩៕
ឌិញកាញ់-រតនា
.gif)
